|
هلا وغلا فيك أمورتي الغالية
صدقيني موضوعك ما خطر على بالي في يوم ولكنك جبتيها ماشاء عليك 000 شوفي مصروفي الشهري من زوجي 400 ريال ولكن شوفي التالي الله يكون عونه علي دائم يقول لي أيش الي مصبرني عليك غير أني أحبك وما قدر على زعلك شوفي فاتورة الجوال عليه والله أني ما أدري كم تجي في الشهر 00 مصروف العيال عليه وعلى فكرة أولادي شباب ربي يحفظهم 00 اي شي اشترية من البيوت أو من السوق يدفع لي 00يعني يصفى مصروف لي وأحيان كثيرة أدخر من المصروف وازيده في نهايه الشهر ويكون عندي أحيان كثير مبلغ 700 او 600ريال ربي يخلي لنا أزوجنا كلهم خير وبركه 00 رمضان كريم |
الحقيقة موضوع جيد بالنسبة لي أنا أعطي زوجتي مبلغ شهر مجرد مصروف خاصة لها جداً أذا احتاجت شي طارى 300 ريال والفاتورة الخاصة بهاتفها أنا سددها وقد احياناً الى ملبغ يقصم الظهر وفي المناسبات أعطيها مبلغ يتراوح ما بين 3000 الى 5000 ريال لها وحدها فقط . . . ز .
سؤال الى الزوجات هل الواحدة منكن تقدر ضروف زوجها وما يترتب على كاهلة من 1 - الايجار 2 - أغراض المنزل من طعام وشراب 3 - فواتير الخدمات العامة وغيرها 4 - ديون 5 - التفكير في المستقبل من توفير منزل ملك للعائلة 6 - مصارف الابناء من مدارس خاصة والاداوات والمتطلبات المدرسية هل تغذر الزوجة زوجها لو لم يعطيها شهر ما شي ؟ ؟ ؟ ؟ ؟ الكثير منكن سوف تجيب بنعم أناها سوف تقف بجانب زوجها لكن الحقيقة عكس ذلك |
مشكورة أختي على الموضوع الشيق انا عن نفسي موظفة ولكن زوجي يعطيني مصروف لأولادي ويعطيني انا أحيانا حسب مصاريف الشهراللي تصير عليه وانا متى ما يطلب مني ساعات اعطيه من راتبي :25: :25: يعني متعاونين مع بعض وهو اللي يغرض البيت وانا لما اكون ابش شغلة غير موجودة ارسل مني يعني ما عندي مشكلة وراتبي يكل صراحة ادخر منه شهريا لأن زوجي ما يعرف يدخر اللي عنده لازم يصرفه على طول وهذا اللي متعبني معاه وأكثر المشاكل بهذا السبب ما يعرف يدخر :( :( وفتحت حساب ما يدري عنه حتى ادخر لنا للأيام ما تدري شنو وراها:25: :25: |
مشكوره على تفاعلكم وردودكم.......
واللي عجبه الموضوع هلا فيه ..... واللي انتقد الموضوع...من هل ولا كم......اتوقع مافيه فرق والمعنى واحد...... لي عوده وقتي ضيق .....والشهر عليكم مبارك |
مصروف لزوجة ضروري وكررضروري اضعف الايمان 700 في الشهر يمكن تحتاج شي عند اهلها يمكن تبي تشري شي الى امها ماتبيك تدري تكون اسرار او الى الاخت في كل امانة رجل متزوج مايدفع مصروف لزوجتة شهري سراحة سقيم وحقير
|
هلا امير الشباب........
الله يعطيك العافيه واكيد ضروري وانا اشوف البعض يقول انه مو ضروري.......بس كلامي من كلامك..... ولكل زوج ما يعطي زوجته مصروف الله يهديه..... لان والله انا اشوف كثير من ها الناحيه والله مسكينه تكسر الخاطر....حتى ما يبيها تقول عطني..... الله يهديهم |
اما انا زوجي يعطيني 250 لي و250 لولدي والحليب والحفايظ علي شايفين زوجي قد ايش كريم خخخخخاي يلا الله يرزقه ويوسع عليه
|
هلا فيك عيون الكون.......احمدي ربك غيرك ما تشوف ريال.....
والله يخليلك زوجك....... |
ول عليكي انا ايش قلت غير الحمدلله والله يرزقه ويخليه
|
اقتباس:
على العموم الله يسامحك.......وانا مو قصدي والله يرزقه......لان من ردك باين انك مو عاجبك المصروف هذا اللي فهمت....... عجبي........وحسني اسلوبك حبيبتي...... |
بندوره اشفيكي زعلانه هوني الدنيا تهون انا ماقلت شئ يزعل واسلوبي مافيه شي الله يهديك بس
|
والله انا اليوم مو بس زعلانه الا بنفجرررررررررر....
واسفه اذا كنت فهمتك غلط ........ دعواتك لي الله يزيل همي..... |
انا مصروفي مو ثابت يعني على حسب مايي عندي بلدي
ولا تأخر طرشه على حسابي واحيانا يقعد معاي ويقول ترى حالتي كذا وكذا واسمحي لي هالمرة ويعطيني مبلغ بسيط وبالعكس عادي ماخذ منه واتفهم حالته يعني يصارحني وانا لا جفت انه حالتة المادية شوي متضعضة ماطلب منه نروح سوق او مطعم او اي شي اصبر عليه لانه اذا صار عنده مايقصر علي الحمدلله يعني مجمل الي يعطيني اياه في الشهر تقريبا يتراوح بين 50 الى 80 دينار فقط مصروف جيب واحيانا اكثر وباقي الاغراض والسوق وكل شي اهو لي يدفعها بس انا احاول اقتصد في الفلوس واقسمها على حسب الي احتاج اشتريه لاني لي الحين استحي آطلب منه فلوس وحتى وهو رايح الرياض يسألني محتاجة شي تبين شي اقول لاء حتى لو انا محتاجة بس لا عطاني مصروفي ماقول لاء او ارده الا بداية زواجنا الحين بديت اتعود شوي اخذه وانا ساكته وبعد انا ابوي لي الحين ماقطع عني مصروفي لي الحين يعطيني اياه :25: احيانا 20 او 30 دينار مع محاولاتي معاه وماخذ منه بس مايعرف الا يعطيني في نظره لي الحين بنته الصغيرونة وزوجي يستحي من ابوي لاعرف انه عاطيني مصروف حبيبتي بندورة هدي اعصابج يالغلا ماتسوى عليج انا قريت موضوعج وعمرة مقبولة ان شاء الله بس لا تشدين مع زوجج اكثر تخايلي عندج حبل وانتي تشدين وزوجج يشد في النهاية بينقطع الحبل ولا استفدتوا من الحبل الا تقطيعه فلا تقطعين حبل الوصل بينج وبينه والمودة والرحمة ولا حسيتي بتعصبين توضي تخف شوي عصبيتج وادا شفتي نفسج بتعصبين معاه لا تحتكين فيه خليه لين يهدأ الله يهدي زوجج ان شاء الله عن عصبيته وتقبل الله طاعاتكم وصيام مقبول ان شاء الله |
أنا أعطيها 3 الاف ريال شهريا
والمعروف عند اكثر الناس ما بين الف ريال الى 4 الاف لكن التزامات السوق والمشتريات طبعا انا ادفعها وهي اضعاف هل مبلغ يعني الي تاخذه الزوجه ما يساوي سعر المشتريات :d |
والله اانا المصروف مب شي اساسي عندي
وزوجي كل شهر مرات يعطيني 2000 ومرات 1000 او 1500 وطبعااا لازم كل اسبوع يجيك على بوكي ويحط فيه 100 او 200 يقول يمكن تحتاجين لاي شي الله يطول بعمره وساعات تيي شهور ومايعطيني مصروف بس ترى المصروف هذا مااصرفه الا على صالون او اشياء تخصني بس ملابس وغيره كله ع زوجي |
اقتباس:
هلا حبيبتي الله يخليلك زوجك......ويديم المحبه بينكم....... الحمد الله على كل حال........بس والله الموقف منغص علي حياتي وحتى بعد ما جاء يراضيني...... مو قادره انسى......لان لي فتره طويله وانا اتمنى اروح مكه واجلس فيهت يومين ثلاثه...... وسبحان الله يصير اللي صار....... الله يسامحه بس في قلبي ماراح انساها له......... |
اقتباس:
هلا اخوي شاكره مرورك .......والله يخليلك زوجتك.......... |
اقتباس:
مشكوره على مرورك........ ولله يسعدكم........ |
اذا صارت مثل باقي الحريم والله لعطيها الراتب كلة بس ماقول الله يعينا بالصبر
اقبلو تحيات اخيكم الفقير لله ..........لندكروزر |
الزوجة الموظفة يجب عليها أن تترك الانانية تماما فأنا اعجب اذا كانت موظفة لماذا تطلب المصروف لماذاااا لماذا لا يكون العكس لماذا لا تعطي الزوج مصروف لماذا لا تناقشو ذلك نعم 0 اذا كانت موظفة والزوج موظف فالاصح ان تدفع للزوج مصروف لان مصروفات الزوج اضعاف مصروفات المرأة ومسؤولياتة اكبر اما غير الموظفة فالامر مختلف والنفقة ملزمة على الزوج وكل شي له مقابل فخروج المرأة عن بيتها وتقصيرها في ذلك يجب ان تدفع له ثمن
|
| الساعة الآن 11:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©