|
تدرين يا شوبارد
انا ما قهرتني صديقتك المتزوجه كثر ما قهرتني صديقتك النمامه سبحان الله لله حكمه في تحريم النميمه ونقل الكلام بين الناس لما يسببه من الحقد والبغضاء بين الناس وبعدين انتي وش دراك انها صادقه ولا تكذب في الاخبار الي تنقلها لك الله يهديها ويصلحها ويهدي صديقتك المتزوجه تدرين بيجي يوم وتتهربين انتي منها لانك عروس جديده ان شاء الله وهي قديمه وبدت اللمشاكل في حياتها فتبدين انتي تخبين عنها خوف من عينها الله يرزقك بكل اللي تتمنين يالغاليه وان شاء الله كل تاخيره فيها خيره |
اقتباس:
واكيد انها صادقة تدرين ليه؟ فيه طالبة قالت لي استاذة ليه ماحضرتي زواج استاذة فلانة:30: قلت ماشالله تقرب لك وانا مدري؟ قالت لا هي عازمتني.. وبس ادورك ادورك وماشفتك ليه ماجيتي وهي صديقتك؟ توهقت انا قلت ادخلي الفصل وسكري الباب :d اقتباس:
انا ع فكرة اموري الشخصية جدااااا اخبيها لكن ماأجحد الصداقة ابدا مهما كان شاكرة لك يالغالية |
أدري سؤالي ماله علاقه بالموضوع
بس قرأت هذي واكيد انها صادقة تدرين ليه؟ فيه طالبة قالت لي استاذة ليه ماحضرتي زواج استاذة فلانة قلت ماشالله تقرب لك وانا مدري؟ قالت لا هي عازمتني.. وبس ادورك ادورك وماشفتك ليه ماجيتي وهي صديقتك؟ توهقت انا قلت ادخلي الفصل وسكري الباب مادري كيف طالبة تجلس وتتكلم كذا مافيه أثقل من صاحبتك إلا هالتلميذه ... عموماً كبرتي في عيني عاتب اللي تحبه ... من محبتك لها تشرهتي عليها لكن أتركيها بكره الله يجيبها ... الله يوفقك وأفرح بك... فهمت مقصدك من ردك .... وأعرف إن مثلك ماتجحد صديقاتها ... دمتي بألف خير ،، |
نعم قد فهمت...
وربما كان تصرفها لو عرفتيه عن قرب لغيرتِ رأيكِ,,, الإنسان ابن بيئته ويتصرف على ضوئها, وقد يكون تصرفه خاطئا كتصرف هذه الاخت, ولكن تأثير ذلك علينا يجب أن يكون في حدوده التي لا نستغربه إلى ذلك الحد باعتبار أنه متوقع .. |
انا ما انصحك ياشوبارد تتصلي عليها او تكلمينها خلاص اطوي صفحتها انسانه لا قدرتك ولا احترمتك ابد ولا تفكري فيها يعني لو باركتي لها بتزين حياتها بسلامتها يختي بسلامتها
لنا رب كبير يعرف بحالنا والله احس نفسي بعض الاحيان جربانه ولا عندي مرض معدي يخافون مني يبتعدون عني ولا حتى يسلمون علي امي تستحي اروح عند الناس لاني ماتزوجت والله مصيبه |
اختي هي انسانه قلبها مو نظيف
لأن الظيف ما يخاف من الحسد اختي لا تهتمين لها والله انا بعد كثير من اعرفهم تزوجو ولاعزموني وغاليتي انتي قلبك ابيض بس احذري افضل اقصد يارب لما يرزقك الله الزوج اللي يستحقك لا تعلني الخبر الا بعد اتمام المكله الرسول عليه الصلاة والسلام قال اقضوا حوائجكم بالكتمان الله يرزقنا عاجل غير آجل اختي لا تنسيني من دعواتك ارجوكي |
العفو والصفح أفضل
فلعل لها عذر لا تعلمينه |
حتى أنا جوابي ماله علاقة بالموضوع بس حبيت أكتبه بعد إذنكم
برايفت تعب واكيد انها صادقة تدرين ليه؟ فيه طالبة قالت لي استاذة ليه ماحضرتي زواج استاذة فلانة قلت ماشالله تقرب لك وانا مدري؟ قالت لا هي عازمتني.. وبس ادورك ادورك وماشفتك ليه ماجيتي وهي صديقتك؟ توهقت انا قلت ادخلي الفصل وسكري الباب مادري كيف طالبة تجلس وتتكلم كذا مافيه أثقل من صاحبتك إلا هالتلميذه ... ودي تجين عندي بدوامي علشان تشوفين البنـات كيف تغيروا !! والله ِ إنه أحيانا ًأخجل منهم وأشيل هم إني بمر من عندهم كيف إذا تكلمنا عاد البنات تغيروا كثيييير وبعض المعلمات سبب في وصولهم لهالدرجة من الميانة !! زين ماسويتي شوبارد ماينعطون وجه :29: ______________ البنات سهرانين اليوم كنت أحسب نفسي متأخرة يوم شفتكم أون لاين انبسطت :D |
نفس كلام أم خالد كنت بقوله لك ....
اللوم الأكبر ( صدقيني ) على صديقتك ناقلة الكلام ، كان المفروض تخفف عنك و تخفي بعض الحقائق المرة و تهون عليك صدمتك من موقف صديقتك الأولى ، كأني أرى تلك الوسيطة تستمع بتجريحك و لسعك بنقل الكلمات الجارحة ! هي ليست أمينة ، لأن تلك المتزوجة تقول لها أسرارا و أحاديث خاصة بين اثنتين ، كما الأجدر أن لا تنقلها لأي أحد ، مثل ما ردة فعل الأخريات ؟ ماذا يقولون ؟ الله يهديها صديقتك هذه لم تفعل خيرا يا شوبارد .... تقولين أنها اتصلت عليك مرتين و لم تردي عليها ، ألا يحق لها أن تفهمك خطأ ؟ أن تقول شوبارد ما بها ؟ تكبرت علي ؟ لا تريدني ؟ حملي نفسك بعض المسؤلية ، و تشاركا كلاكما في تحمل الخطأ ، حتى إذا لقيتها لم تكن إحداكن أفضل من الأخرى .... و تتصافى القلوب ، لا تعامليها كالمذنبة ، فأنت ربما أخطأتي بشيء ، و لكن لا أحد منا يحاسب نفسه كما يحاسب الآخرين اعذريها .... و حاولي نسيانها ...... إذا سمعت بخبر ولادتها .... اتصلي بها للمباركة ، و إذا لم ترد ، أرسلي لها رسالة جميلة عذبة الألفاظ ، صدقيني ستجعلها تحن لك و تقوول كم هي راقية ! شوبارد ..... لا تحسبين أني أقول هذا الكلام و أنا لا أشعر بك ، أو لم أضع نفسي في مكانك .... والله قد مررت بثلاثة مواقف ، صديقات قريبات جدا مني ، و بعد الزواج ، أصبحن يتهربن ، ربما الدنيا سرقتهن ... خلاص خذيها قاعدة ، أي وحدة تتزوج من صديقاتك ، من تسمعين خبر خطبتها ، ابدأي أنتي بالإبتعاد ، دعيها هي (لو كانت ستذكرك ) من يتحمل ألم الفراق ... و ألمها أخف منك لأنها تستعد لحياة جديدة ، و ستنساك بسرعة ، بينما أنت من سيظل يحرق نفسه ، و لن يجد ما يشغله ، فهيئي نفسك على الإبتعاد منذ سماع خبر الخطوبة الله يرزقك يا شوبارد ما تودينه ، و الجميع |
اقتباس:
عفواً الطالبة تتمادى وتصل لدرجه الوقاحه ولاتميز بين الصراحة والتعامل بتهذيب وبين الوقاحه والتصرف ببجاحه ... أنا عن نفسي علاقتي بهن تنتهي بمجرد خروجي من محاضرتي . . . كنت أتحرج خصوصاً بداية تخرجي كونني كنت أدخل لبعض زميلاتي ... لكن تخطيت هذه المرحله حين رأيت تقديرهن لما ُأقدمه بل ولحاقهن لي بعد الإنتهاء لشكري على كل ماقدمت مع إنني أقوم بعملي فقط ..!! ... الغريب أنني أؤكد على ضرورة إعطاء كل ذي حق حقه والتشدد فيه و أجد طالباتي يجدن هذه الطريقه أكثر جدوى ويتفاعلن معها ... صدقيني إحدى زميلاتي طيبه جداً طيبه لدرجة تغيضني .. ليتك تنظرين .. إلى أي حد وصلن معها ..!! ودائماً أقول لها ياما نصحتك . . . لابد من حدود لكل شيء ... حتى أنتِ ياشوبارد لابد لك من تذكر ذلك مع صديقتك التي لم تهنئك تذكري حدودك معها قلبك الطيب وليس قلبها . . . وكما قلتِ للطالبه إدخلي لفصلك وقفلي الباب فستقولين لعقلك قفل الموضوع وإنتهى الموضوع ... وأسأل الله بفضله أن يكتب لك كل خير في كل طريق ... |
ولا اتزعلين نفسك عشان أحد... اللي يبيعج مره بيعيه مليون مره
شوفي حبيبتي لا تتصلين ولا شي... واللي ما يعرف قدرج لا اتقدرينه اللهم اذا شفتيها مكان سلمي عليها ولا كأنه شي صاير |
تعب
تغيرو بناتنا (بنات مدارس الاهليه خصوصا) هذا ولاشي بالنسبة للي يصير لي مع العلم انه علاقتي رسمية معاهم.. الوليد ام مزنة نايت عبير الرياض غالية de rom الهم جزاكم الله خير ماقصرتو بعض الاخوان والاخوات فهموني غلط انا ماقلت راح اقاطعها وازعل عليها لا ابدا ولا فكرت اصلا.. |
هلا شوبارد الغالية الحبيبة..
قصتك مرت علي كثير وأمر حاصل... حقيقة أشعر كم هو الأمر مؤلم أحيانا نتضايق إذا ما كنا مجموعة موظفات بغرفة مثلا والعلاقة سطحية وتزوجت إحدى الموظفات ولم تعزم واحدة من الغرفة أو إثنتان.. تحز بالنفس شوي.. كيف وهي صديقة وقريبة..!! ولكن برأيي أن تلتمسي لها العذر ربما لها سبب بنظرها هي يعتبر سبب حيث تفكرينا يختلف كل شخص عن شخص.. برأيي بالعكس باركيلها بما أنها إتصلت لتخبرك عن الخطبة.. وإجعلي نيتك لله وبادري بالتهنة ..وابدا لا تقطعيها بالعكس.. ولكن إن تزوجتي بإذن الله أفرح فيك قريبلا تعزيمها ... ولكن المباركة وإبداء الفرحة لها هذا واجب كل مسلم لمسلم.. وانا أعرفك ماشاء الله تبارك الله وفية ومبادرة دائما بالخير... ولا تتضايقي يا غاليلة أبدا قريبا تفرحين وتعزمين كل إلي تيبن وعاد زواجك وإنت حرة فيه..:d هآآ عاد بس مو ما تعزيمنا ..:25: الله يسعدك ويوفقك يارب تحياتي |
... مسائك مخملي غاليتي .. لن أطيل الحديث لان من سبقوني أرائهم رائعه لكن أقول لك .. كوني دائماً الافضل .. اولاً لذاتك .. ثانياً .. يشعرهم بمدى تقصيرهم .. وصُغر عقولهم .. ثالثاً واخيراً تمنياتي لك بحياة مزهره وزوج صالح بوجوده تسعدين أرق التحايا لشخصك الكريم ودمتي بود وسلام .. أختكِ عانس بزمن عابس |
تعرفين ياشوبارد
انا مريت باحاسيك كثير من كثر المواقف الي مرت علي سرت مااهتم الي تبي تقولي الله يوفقها والي ماتبغى تقول كمان الله يوفقها احيان يكونوا خايفات من انه نحسدهم , واحيان الفرحة تملكهم وينشغلوا عناا لكن انا ماحز في نفسي غير صديقة الدراسة ماتتخيلي كنا خوات واكثر اسرارها في قلبي وكنت احبها موت لدرجة كنت اقنع خالي يتزوجها يوم تزوجت تزوجت فجأة ولا عزمتني ولا كلمتني ولا فوق هذا غيرت جوالها وسارت للقصيم انصدمت يوم اتصلت على بيتها بعد ماتعبت وانا اتصل على جوالها وهو مقفل قالت لي امها من الصدمة ماعرفت ايش اقول سلمت علي امها وقفلت ماتتخيلي صدمة ماتتوصف ونفس الشي صديقتي بالشرقة كنت اكلمها بالجوال ساعات واتونس معاها ويوم انخطبت نسيتني لدرجة انها حذفت رقمي من عندها عموما الله يوفقهم وان شاء الله يوم اتزوج بعزمهم لانه لهم معزة في قلبي |
هاذي خايفة من العييييين
مليون في المية وخايفة ان تحضر زواجها وحده متاخره في الزواج عشان ما تحسدها النوعيه هاذي كثيره .. كثيررررررررررررررررررين :29: |
مخملية الإحساس
هلا بك يالغالية.. والله انا اتصلت عليها بس الظاهر هي تندمت على اتصالها وماردت علي والحين مايصير اتصل خلاص حامل ماشاءالله وبالنسبة للعزيمة ايه مافي أمل <<< معندة:d وانت ان شاءالله اول المعزومين :23: الله يكتب الخير للجميع عانس بزمن عابس مسائك ورد ياقمر.. تسلمين على كلامك الرائع الحب والحبيب والله موقفك قوي.. بس شنقول؟ غير الله يوفقهم ويوفقنا ياربي لاتححرمني انا لاحظت ملاحظة ان البنات بهالقسم حاسين فيني أكثر من غيرهم يسلمو عيوني ياربي لاتحرمني الله يفرجها عالجميع |
الحقيقة أنك معذورة على تضايقك . .
اقتباس:
وتكونين أنتٍ الرابحة وسوف يحصل هذا بإذن الله قريباً . . |
فعلا خلي علاقتك متزنة لا تموتي نفسك عشان الناس
|
معليش ياحبيبتي
خليها على الله ..والله كريم .. |
وواضح من كلامك انها مو صديقتك المقربه جدا فعشان كذا دوري لها عذر والا لو كانت صديقتك المقربه جدا صح لك حق تزعلين ..
وعموما ياكثر هالنوعيه من الناس اللي تتغير بس تشم ريحت عرس فانت طنشي وانسي ولاتضيقين صدرك وادعي لها بالتوفيق |
يا عيوني يا شوبارد..عادي..أنا مو بس قلة من صديقاتي عملوا كذا..لأ وقريباتي كمان..
يعني..........عاااااااااااااااااادي..طبيعي لأنك بتصكينهم عين تخربي بيوتهم..:) ناس الحمد لله ياربي على العافية بس ما عليك..شوفي انت كلميها لو تقدري بس عشان تتأكدي من السبب وعشان تباركي لها..والله ياشيخه بهالزمن الواحد يجامل ويراعي ومافيه فايدة..بس عن قولة ما كلمتي وماباركتي.. الله المستعان |
انا صار لي مثل اللي صار لك وهي صديقتي المقربه مرررره
وطبعا قطعت العلاقه لانها ماعلمتني اصلا انها مخطوبه وكنت شبه يوميا اشوفها في الجامعه ولا اكلمها ولاحتى احط عيني بعينها ولكن بعد سنه كلمتني وبررت لي موقفها - صحيح ان مالها اي عذر على هالموقف لكن انا بطيبتي سامحتها لاني كنت فعلا احبها وعارفه انها تحبني بس مادري ليه سوت معي كذا ورجعت علاقتنتا مثل اول فيه ناس كذا يشكون عليك باانهم ماتزوجوا .. واذا جا الجد نسوا كل كلامهم وخافوا من الحسد ويااااااااكثر اللي يتزوجون ويقطعون علاقاتهم مع صديقاتهم حمدلله بس - يعني الحياة زوجي وبس !! هذا هو كل يوم والثاني مواعد اصدقاءه وانا اقطع علاقتي فيهم ليييييييييه ؟!!! البنات يحيرون صراحه انتي لو تبين قولي لصديقتك المعزومه توصل لها انك شرهانه عليها او انك تسلمين عليها وبس |
السلام عليكم ورحمة الله وبركاته
اقتباس:
ضحكتني كلمتك هذي ذكرتني باللي راح لطبيب الأسنان لأن ضرسه يوجعه وقال للطبيب أخلع الأسنان كلها إلا هذا الكلب خليه لحاله ثانيا : ممكن ما كان قصدها لأنها اتصلت عليك مرتين وربنا يعوضك بالزوج الصالح يارب وتعزمينا ما تسوين مثل صاحبتك :11: وفقك الله |
ياحبي لك اشوبارد
والله اني احبك في الله واحس اني اعرفك من زمان واحب اقرا مواضيعك وسعي صدرك والدنيا هذي مدرسة والشاطر اللي يتعلم منها ما عليك منها انا صار لي نفس موقفك بالضبط بس ما عرفت الا بعد انتهاء الزواج وكل البنات يسألوني ليش ما حضرتي الزواج انا احسبهم يمزحون بس من جد ضاق صدري وصكت الدنيا بوجهي لاني انا عارفه بمعاناتها وكانت هي تحب هالشخص وتشكي لي من اهله اللي رافضينها وفي الاخير ماادري عنها بس دعيت لها ان الله يوفقها والمشكله انها يوم زواج اختها عازمتني وسويت المستحيلات علشان اروح علشان خاطرها بس بعد الزواج ماعاد ادري عنها بس اسمع اخبارها من بعيد حتى رقمها مو عندي بس يوم جا زواجي هي وصلها الخبر وقالت لوحدة من البنات انا بأحضر حتى لو ما عزمتني بس انا يوم دريت انها تبي تحضر جبت رقمها وعزمتها وانا والله موقصدي اردها لها بس نسيتها لانها بعد زواجها نستني والحمدلله كل واحد عايش حياته بعد هالحوسه وهالقرقره الكثيره ابيك ما تعطين الواحد اكبر من حجمه وتتعبين نفسك على ناس ما تستاهل لحظة قهر منك الله واللي يقدرك قدرية واللي ما يحسب حسابك ويعزك لا تحطين له وجود والله يرزقك باللي تتمنينة ويوفقك في دينك ودنياك يالغالية وجميع المسلمين والمسلمات |
| الساعة الآن 11:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©