|
بارك الله لك اخى الكريم على هذا الطرح الموفق
التلوث هو ايضا له عامل مهم فى تشكيل الجسم وصحتة ففى المناطق العربية يلعب التلوث البيئى دور سلبى مهم فى حيتنا وليس انماط الاكل فقط او البعد عن الرياضة ثم ان المناخ نفسة له بالغ الاثر ...فمعظم بلادنا العربية حارة جدا وشهور الشتاء فيها قصيرة جدا وعلى هذا فهذا المناخ لا يشجع الجميع لعمل الر ياضة وتوارث هذا الفكر جيل بعد جيل وعلى فكرة اكبر نسبة سمنة موجودة فى اكبر دول العلم ثراء وتقدم اى ان نظرة ان نساء الغرب جسمهم رشيق ونحيل فكرة ليست دقيقة فهم اسمن منا بكثير والدليل على هذا النسب والاحصائات التى هم بانفسهم يقومون بها غير ان الحاله النفسية لها دور ايضا فى انتشار السمنة فى وطننا العربى فالعنوسة والبطالة والفقر يسببون الاحباط ومن ثم اهمال الجسم واستسلامة للسمنة " بارك الله لك وجزاك خيرا على هذا الموضوع وتلك النصيحة فى انتظار المزيد منكم باذن الله تحياتى رقة |
مشكور الاخ الفاضل على الموضوع المهم
بس المشكله تدرون ويمكن اكثركم عارفها الا وهي العادات والتقاليد طبعا العادات والتقاليد في الغالب تحرمك من ممارسة الرياضه تجعلك اسير لها اذا جينا للرجال مايسجل منهم بالنادي الا قليل وبعدين مايطولون كم شهر وطالع ثاني شي النسا لو سجلوا من راح يقعد في البيت طيب لو جا رجال للبيت ضيف وش نقوله الحرمه ماجت من التمارين\ الغرب مجتمع مادي فقط فلوس وشهره وحياة فقط لادين لهم ولا حنا الحمدلله الاسلام وكلنا مسلمين \ لكن نقتصد ما نكون عاد بس اسراف الغدا نصلحه لعشره انفار مهو لك انت وزوجتك لا اقتصاديه الحرمه\\ والحميه حلووووووووه فيه مراكز حميه منتشره بالمملكه وتعطي الاجسام اشكالها الحلو وطبيعي ----- وطولنا عليكم\\ \ |
والله بالعكس
تقولون انه نحن مانهتم بأجسامنا وصحتنا ترى الغرب عندهم بدانه أكثر مننا نحن وأمراضهم أكثر وأكثر صحيح نحن عندنا الكثير مايهتمون بالأكل الصحي وبالرياضه لكن حتى الغرب عندهم هذي المشاكل وأكثر والحمدلله أنا من النوع إلي أحب أكلي يكون صحي ولذيذ بنفس الوقت والرياضه مثل ما ذكر راعي القعود نمارسها 5 مرات يوميا بالصلاة وهذا لايمنع من ممارسة الرياضات الثانيه |
تشكرون جميعهم على التواصل على الموضع
لكن عندي رد على البعض وما راح اخصص ردود معينه بعض الاعضاء كأنهم مقتعين بما هم علي ويقولون بمعنى يكفي ان احنى مسلمين وهم غير مسلمين طيب هل الاسلام منعك من الرياضه ومن المحافظه على صحتك ... هل الاسلام قاللك اذا ما حافطت على صحتك غير مهم لانك مسلم للأسف احنى قمنا نتستر على اخطائنا بالإسلام بالذات اذا جينا نقارن في اشياء خارجه عن الاسلام مثل الصحه او العمل او الثقافه او العلم وغيرها ... احنى نختلف في الدين ومستحيل يقارن بين ديننا ودينهم لاهم مختلفين لكن لازم نقارن بين الاعلى اللي هي الصحه والعمل وغيرها لان كلنا مطلوبه منا صار كل خطأ نسويه نقول احنى مسلمين يعني ما علينا خطأ .. وفي الحقيقه والاسلام بريء من أخطائنا بعض الاعضاء بالذات النساء يشتكون من عدم القدره على ممارسة الرياضه سواء لعدم توفر الماده او عدم توفر النوادي في السعوديه مثلا .. مع ان فيه نوادي نسائيه في الرياض وجده لكن خلونا نقول ان الماده ما تسمح والوقت اللي يضيع على الروحه والرجعه هي اللي تعيق طيب رياضه في البيت بجهاز السير مثلا .. واذا مافيه ماده تسمع لشراء جهاز سير ممكن تمارين سويده لحرق الدهون وشد العضلات اما الرجال واخص بالذكر العزاب يسمحولي ممكن تتوفر لهم الماده والوقت لكن الكسل هو اللي يغلب عليهم ساعه وحده يوميا تكفيك .. اكيد كثيرين راح يستكثرون ساعه في اليوم للنادي ولا راح يستكثرون ثلاث واربع ساعات في القهاوي لاعبين كمال الاجسام اللي هم المرحله المتقدمه والاصعب في الرياضه واللي انا منهم يقضون ما بين ساعه ونصف الى 3 ساعات يوميا ما عدا يوم راحه في الاسبوع بالاضافه الى نظام غذائي وفوق هذا انا عندي دراسه جامعيه وعمل على الاسهم اذا شفت رجل او شاب يمتلك الماده( مع العلم ان التسجيل في نوادي متوسطه لمدة سنه ما يتعدى 2000 ريال ) وعنده الوقت الكافي واقصد بالوقت الكافي 3 ساعات فراغ في اليوم فقط (تكفي لقضاء ساعه في النادي ) وبالذات اذا كان عزوبي ويتحجج بعدم التسجيل في النادي ضيق الوقت او الماده او الانشغال اعرف ان هذا الشخص غير مبالي وكسول وان الاعذار اللي قالها اعذار مالها اي صحه هذا اللام اللي بغيت اقوله واشكركم مره ثانيه على التواصل |
معك حق يا اخوي اللامع في بعض الكلام اللي قلته بس انا صراحة كنت اشوف الغرب احسن منا بكل شي بس يوم سافرت للدول الغربية
تفاجات كثير وتغيرت نظرتي لهم تماما وخاصة اني ساكنة مو سياحة فيه صح كثير منهم يهتم في الرياضة وخاصة الرجال ويهتمون بصحتهم ويهتمون بالاطفال بشكل مبالغ فيه بس تعال شوفهم اذا بس الواحد كمل السن القانوني خمر وزنا ومخدرات وكل شي عادي عندهم حتى الشذوذ عندهم عادي ويعتبرونه حرية واللي رافع ضغطي الدخان والخمر اللي عندهم مثل شربة الماء ما ننكر انهم احسن منا باشياء بس ا حنا المسلمين لو نطبق تعاليم دينا كاملة كان ما يصرون احسن منا بشي |
شيء جميل أن تهتم المرأة بجسمها ورشاقتها ..
غير أن مسألة الجسم والقوام الرشيق و ..الخ ليست من الأولويات المهمة لي إن كانت رشيقة فبها ونعمت وإن كانت غير ذلك فلا حرج ..!! المهم أن يكون جسمها مقبولا . وقبل كل شيء الأخلاق شكرا أخي على الموضوع الجميل .. وكنت أتمنى لو ابتعدت عن المقارنة بالغربيات .. |
اسمح لي ياأخي اللامع ان معلوماتك غلط عن نساء الغرب.............................. هم يصدق فيهم قول القائل (من برا الله الله ومن جوه يعلم الله)يحدثنى من عاش معهم وزمالهم يقول اما الروائح فحدث ولاحرج الوحده منهم تشم رائحته الكريهه من المسافه الطويله............................وطبيب نساء وولاده سعودي في المانيا يقول ولدت مايقارب ألف امرأه ليس فيهم واحده منظفه المكان,واما الرشاقه فكلامك صحيح.
|
لا يا اخى اسمحلى اقوللكانك غلطان
الرجال العرب والنساء العرب فيهم الكثير ممن يهتم بنفسه ولايغرك الافلام الاجنبيه فالرجال والنساء فيها لايمثلون الغرب او امريكا فكل الشعوب بها اناس يهتمون بصحتهم واناس مهملين بصحتهم |
ياابن الحلال االجل صاحب الجسم المشدود للمراة ذات الجسم المشدود والعكس صحيح 000
كل واحد واللي يناسبه000 بعدين مستحيل تلقى رجل جسمه حلو وزوجته مترهله وايضا العكس صحيح يعني اذا صلح واحد صلح الثاني ...... والا وش رايكم |
اقتباس:
هذا الكلام المضبوط |
| الساعة الآن 02:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©