:d :d :d :d :d :d
انا بصراحة شايفة انها بتدلل عليك شويتين:25: بتعرف ليش؟؟؟؟؟؟؟؟؟؟
لانو الواحد احيانا من كثر ما بحب بحتار كيف بدو يظهر نفسة امام الطرف التاني واللي هوه انت:d :d
عادي لا تهتم بس انت دائما حاول انك تدلعها وتدللها لانو هاد اللي هية بدها اياه:23: :23:
انت طول بالك عليها والله يهنيكم يا رب:14:
وعقبال العزابية(وانا كمان):d :d

مشكورين على هاي الردود الحلوة من هالمنتدى الحلو
أنا في كل جمعة أتغدى بيتهم مع إخوانها واليوم اتغليت وتأخرت عليهم وأشوف الحرمة اتصلت فيني بس ما رديت عليها لأني كنت محطنه على الصامت
أنا بالعادة أكلمها مرتين في اليوم لكن أحس لو ما أكلمها اليوم وباكر هي بروحها تتصل وبتعتذر
لوتعرفون هي شكثر خجولة
أول ما ملشت عليها قالت ما أبغى أدخل قاعة العرس يوم الزواج وتبا تتم في البيت إلين محاولات من اخواتها وأمها وبعدين وافقت
ولين الحين ما نادتني بإسمي وإذا نادتني تقول إيه سير سوي كذا وكذا
وهي من أعز الناس عندي
قبل ما أخذها كنت لعوب وتصرفاتي ما هوب زينه
لكن هي ما قصرت كانت تقومني لصلاة الليل
وحتى يوم اروح بيتهم ما انضيع وقتنا وايد
الحمد لله هي تسمعني قرءان ونسمع محاضرات لمشايخ وعلماء وهي تسمعني أحاديث النبي صلى الله عليه وسلم
بس من زمان وعدتني إني بسمعها قرءان لكن للأسف هي ما وفت وعدها مع العلم إني أعرف إنه أختها تسمعها قرءان لأنها حافظة نصف القرءان ولله الحمد والمنه بس أنا أخاف إنه بعد الزواج يستمر الحال على هذا الشي
على العموم لين الحين أنا مقاوم نفسي وما اتصلت فيها وأترياها تتصل وتعتذر حقي
وأكرر شكري على هاي الحفاوة الكبيرة اللي لقيتها من أعضاء هذا المنتدى المبارك

اخوي البنت خجوووووله .. وتحبك تموووووت عليك بعد .. واهي تقول هالكلام جذي هذا اللي يطلع معاها او انها تبي تشوف رده فعلك و ابصم لك بالعشره انها ماعمرها اعرفت واحد.. عشان جذي دفشه معاك :p

انا كنت جذي مع خطيبي كان يطر كلمة احبك طراره .. لمن قام يقولي خلاص ماابيها منج يالله بالغصب قلتها وبعد جم شهر قلتها بروحي من غير مايطلبها مني استانس حده :)

فانت احمد ربك .. وتحملها .. مع الايام بتجلس يمك و بتقولك احبك و بتضحكون على هالايام ..

Gust
مشكورة على البشارة
أنا اليوم وللمرة الثانية بعد الملكة ما أكلمها لمدة يوم كامل
أنا بس أبغى تتصل فيني وتعتذر
أبغى أعودها على إنها تقول كلمة آسف
بس هذا قصدي

ماراح تقول الكلمه .. انا اتوقع راح تدق عليك وبتعاتبك ليش ماكلمتها وبتصير انت الغلطان ساعتها

وكلمه اسف مااتوقع بتقولها بسهوله حتى لو اهي االغلطانه يمكن تقولها بطريقه غير مباشره

بس انت عاد لا تحبكها .. خلك حليو معاها ترا صدقني اذا تعودتوا تتزاعلون وتنطرون كلمة اعتذار بتصير حتى كلمه اسف مالها معنى و هم عقب الكلمه بتشيلون بقلبكم والله صدقني ..

خل كلمه اسف حق الشي اللي صج يستحق الاعتذار ..

جزاك الله خير gust
على ابداء النصيحة لمن يفتقر إلى الخبرة في هذا الأمر
والله أنا مشتاق لسماع صوتها
والله كانت عنه امتحانات الثانوية العامة ومع ذلك كنت أتصل فيها
أبغى أسأل
أنا أزورها حاليا مرتين في الأسبوع وأسير لها الساعة 5 العصر وأطلع الساعة 11 في الليل
هل تعتقدين إن هذا يضر أو يورث الملل
مع إننا نستغل وقتنا في أمور مفيدة كما ذكرت سابقا

قبل اشوي استخرت ربي أكلمها ولا لأ وسبحان الله طلع لي أكلمها
اتصلت قبل شوي وما قامت ترد علي
ما أعرف شو أسوي

انطر شوي .. اذا مادقت رد دق عليها ..

ان شاء الله بترد عليك ..

وبالنسبه للزيارات خفف شوي .. ترا احنا البنات مانحب ننربط :p

يعني انا وحده كنت كل مااسوي شي خطيبي لازم يدري عنه حتى لو مو يمي !

مره بغيت اروح الصالون استحيت اقوله .. عاد انت خف شوي

هي دقت لي قبل المغرب بشوي
رديت بس ما قامت تتكلم قلت لها بكلمج عقب
بعد صلاة العشاء رحت اشتريت هديه لأمها وما كنت أدري إنه جدتها وخالتها كانوا موجودين
والظاهر مدحوني لين ما قالوا بس قدام زوجتي
اتصلت في الزوجة وقالت لي كلمه كنت بسببها بطير من الفرحة
قالت لي كيف حالك
رديت وسألتها شو قلتي
تهربت وقالت كنت أكلم أختي
فديت أم سعيد الغالية
الله يحفظها

هههههه والله ضحكتني ..

ام سعيد .. ليش ؟؟ :p (( وحده ملقوفه ))


الله يوفقكم و يهديكم .. بلا عناااااااااد .. شفت شلون ينيت عليها .. ترا اهي تلاقيها ماتت من البجي بسبتك . ومانامت الليل ..

لا تصيرون يهال مره ثانيه و تزعلون من غير سبب قوي ..

والله صدقني بتملوووون من هالمشاكل و الزعلات العابره .. فلازم تمشون حق بعض .. وتاخذون الشي اللي مايسوى بضحك و غشمره :)

ادري بتقول شفيها هالياهل يايه تنصحني .. بس لان جربت هالشي ..

اخذها نصيحة من اختك الصغيره .. عاد مو وايد صغيره :p

ومبروووك .. يلا خلها شوي و لا تنام الا وانت مكلمها .. وقبل لا تقفل الخط قولها احبج و صكه على طوووول ..

بتلاقيها لي باجر مو نايمه :p