|
جزاك الله عنا كل خير على ماتقوم به من مجهود ورد على أسئلة الاعضاء
أحترامي السيف الذهبي |
أخوي بارك الله فيك على هذا الطرح الممتاز
س/ أنا طولي 166 ووزني 66 أنا الآن لي أسبوع أحمل أثقال يدويه وزن الواحده 7كيلو يعني في كل يد 7 كيلو المجموع 14كيلو وأحملها بشكل واقف وأمدد يدي اليمين يمين والشمال شمال وأقوم برفعها إلى الأعلى ومبسوط على هذه الشغله وحاس بفرق وحيوي الطريقه الثانيه لنفس الأثقال هذه أحملها إلى الأعلى وإلى الأسفل وصولاُ للرقبة وأعمل عملية البشم عشر مرات يوماً طبعاً هذا كله في البيت هل هذه الطريقة صحيحه وغير مضره وما هي فوائدها وماهو المناسب لما ذكرت . س/ حاب أعمل عضلات بطن ما الطريقه المناسبه وكيف س/ ما هو الغذاء المناسب لحالتي وما هو البروتين بالتفصيل . س/ وهل الرياضه والنشاط والحيويه تعطي لون البشره نظاراه أو شي ما هالقبل حسب ما سمعت . أشكرك أخي مره أخرى وسامحني على الإطاله . |
اقتباس:
وفيه تمرين ثاني للعضله الاماميه وهو انك ترفع الذراع للامام بدل ما ترفعها للجنب اقتباس:
واذا قصدك فوق ( فوق الرأس ) فهذا على حسب مسكة يدك تدرب العضله المطلوبه 1- اذا كانت يديك حوذ الاكتاف او وراها بشوي بهذا تمرين للعضله الخلفيه واذا كان متقدم على الاكتاف بشوي بهذا للاماميه ( طبعا اتجهاز الاصابع يكون للامام ) واذا كانت اصابعك متقابله فهذا للعضله الجانبيه والاماميه لكن صعب انك تلاقي نتيجه بدون الجهاز الخاص بالهتمرين لان الجهاز راح يكون ثابت عكس الدنبلز اقتباس:
انك تستلقي على ظهرك وتقعد وفي نفس الوقت اللي تقعد فيه تدفع فيه ركبك وتخليها تضرب في صدرك يعني تقوم ظهرك وترفع ركبك في نفس الوقت اقتباس:
اما عن البروتين فاتمنى انك توضح وش تقصد هل تقصد البروتين الغذائي والا المكملات البروتينيه اقتباس:
|
اقتباس:
أولاً / أشكرك أخي على المعلومات الطيبة وجزاك الله خير وجعل الله ما نقوم به إعانه لنا على طاعته ثانياً / رداً على طلبك توضيح قصدي في البروتين الغذائي والمكملات البروتينيه ( أنا أقول جميعها ) |
اقتباس:
البروتين فيه حيواني وفيه نباتي والفرق بينهم ان الحيواني يحتوي على جميع الاحماض الامينيه بعكس البروتين النباتي اللي ما يحتوي على بعضها يعني الحيواني افضل البروتين الحيواني عندك اللحوم الحمراء وافضلها الكتف وعندك اللحوم البيضاء من الدجاج وافضلها الصدر كل 100 جرام من اللحم = 20 جرام بروتين تقريبا *** والكتف = 30 جرام بروتين تقريبا وكل 100 جرام من الدجاج = 23 جرام بروتين تقريا *** والصدر = 30 جرام بروتين ودهونه قليله بعكس الافخاذ وعلبة التونه الصغيره تحتوي على 24 جرام بروتين *** والكبيره تحتوي على 45 جرام بروتين والبيض .. كل بيضه تحتوي تقريبا على 6 جرام بروتين والحليب اللتر الواحد يحتوي على 30 جرام بروتين والزبادي العلبه الصغيره تحتوي على 9 جرام بروتين وفيه البروتين النباتي منثل الفول والعدس والشوفان وهو جدا ممتاز للرياضيين ويحتوي على نفس الكميه لكن بأحماض امينيه اقل والاحماض الامينيه هي اللي تبني العضل وكل ما كانت كامله كان افضل ولاعب كمال الاجسام لازم له من 1.5 الى 2.5 جرام بروتين وممكن توصل 3 وزياده للمحترفين البروتين صعب الهضم وينتشر في الجسم بشكل بطئ يعني 100 جرام لحم فيها 20 جرام بروتين علشان تهضم وتمتص وتتوزع تقعد تقريبا ما يقارب 8 ساعات الجسم ما يتقبل اكثر من 60 جرام بروتين في 3 ساعات .. يعني ما تزيد عن 60 جرام بروتين في الوجبه وما تاكل اي وجبة بروتينيه بعدها باقل من 3 ساعات فيه مسهل لهضم البروتين وهو فيتامين c وهو ممتاز جدا في هضم البروتين وتوزيعه في العضلات وتكوين الخلايا العضليه اللحوم والبيض والحليب كلها لها سلبيات مثل صعوبة الهضم وتأخير التوزيع على العضلات والدهون اللي يهم لاعب كمال الاجسام انه يبتعد عنها علشان يكون عضل صافي نقدر نتجنب هالسلبيات في المكملات الغذائيه ومن اشهرها واكثرها فائده وانتشار هو الواي بروتين اللي هو مصل الحليب سهل الهضم وسريع التوزيع ويحتوي على البروتين الاساسي في البناء ومن غير دهون شرحت عنه حاجات كثيره في بداية الموضوع ممكن انك تاخذ جرعة بعد اللعب مباشرة وجرعه قبل النوم لان افضل وقت للبناء هو عند النوم وتحذير مهم جدا جدا جدا كان ودي اني احطه في الموضوع علشان الكل يشوفه : احذر انك تاخذ واي بروتين من صديق او من شركة غير معروفه علشانه ارخص لان احتمال انه يكون مغشوش وبعدها تيجي نتايج لا يحمد عقباها لازم تتأكد من الشركه الصانعه للبروتين واشهر هاذي الشركات هي شركة EAS للمكملات الغذائيه وهي الموجوده في محلات GNC اشهر المحلات لبيع هذا المنتج هي محلات GNC العالمية واللي سعر العلبه 400 ريال وتضل معك ثلاث شهور اذا كنت تستخدم جرعه وحده في اليوم الجرعه = مكيال = 30 جرام بودر = 24 جرام بروتين ووزن العلبه 2.5 كيلو والمكيال لازم يؤخذ بعد التمرين ومن الافضل يؤخذ قبل النوم مكيال آخر او نص مكيال عاد انت احسبها بطريقتك وشوف كم تقعد معك |
جزاك الله خير أخي على على المعلومات الطيبه
وتعبناك معنا شوي أشكرك مره أخرى |
* اخواني انا ودي اشارك مشاركه بسيطه اذا كنتم من اهل الشرقيه فممكن انك تروح مملكة البحرين وتشتري البروتينات من هناك تراها ارخص بنصف السعر.
*وفقكم الله. |
اقتباس:
انا والله من اهل الرياض وكلموني ناس كثيرين عن انهم يجيبون لي بروتين من البحرين وانها ارخص بس والله ياخوي انا ماقدر اعطيك اي معلومات عن هالشي لأني صراحه ما قد جربته او حتى سألت عنه حتى الشركة ما سألت عنها انا آخذ من هنا من الرياض من Gnc وانا مرتاح وما اكون خايف انها تطلع مضروبه ومغشوشه مع اني اعتقد ان اللي في البحرين موثوقه بس اهم شي انك تسال عن الشركة اللي تبيع المنتج وتتأكد انها شركه مضمونه مثل شركة Eas وعلى فكرة ترى شركة ادفانسد من اسوأ الشركات وهي فالاساس مصريه وحتى الاخوان المصريين اللي جربوها ما يمدحونها بس ان شاء الله ناوي اروح البحرين واستطلع بنفسي بالذات اننا الحين في اجازه وخلنا نستغلها |
المشي وش رايك فيه؟
اخي الحبيب مشكور على المعلومات المفيدة ..شكرا لك
وهنا اود ان اسالك" انا بعيد عن النوادي فهل يكفيني لتخفيف الكرش وشد البطن والجسم ان امشي يوميا مع الركض الخفيف لمدةاربعين دقيقة مع بعض التمارين الخفيفه كالبشم وتمرين البطن وبعض التمارين الاطالة وطلوع الدرج عدة مرات والسباحة"هل هذا مفيد له اضرار اذا عملتها دون اشراف مدرب وشكرا لك:d |
اقتباس:
اذا جاك وقت انك تسويها فهذا شي جدا ممتاز اذا قدرت تسويها كل يوم ( مع اني اعتقد انها صعبه ) شي ممتاز لكن في تمارين من الافضل تسويها يوميا مثل تمارين شد البطن والبشم وطلوع الدرج هاذي تمارين ما راح تاخذ منك وقت ابدا وفيه تمارين تقدر تسويها كل يومين او ثلاثه مثل المشي والهروله والاطاله والسباحه تقدر مره او مرتين اسبوعيا وعلى راحتك لان هذا تمارين ممتازه وما لها اضرار لكن احرص على حاجات معينه مثل التسخين قبل البشم وتمارين شد البطن والاطاله لتجنب الشد العضلي والتمزق وطريقة التسخين سهله جدا وهي هروله لمدة خمس دقائق وبعدها سويدي لمدة 5 دقائق واحرص على انك تاخذ بوت رياضي جيد ويكون لين من داخل علشان ما يسببلك آلام اثناء الهروله واحرص على شي مهم بالنسبه للكرش وهو الاكل لازم تسوي حمية غذائيه تتجنب فيها الدهنيات والسكريات وما تحتاج مدرب ولا لها اي اضرار واي سؤال انا حاضر |
| الساعة الآن 08:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©