|
صدقيني اختي والله هو الخسران رجل مثل هذا لا يملك رأي وليس لديه القدرة على اتخاذ القرار ليس بكفؤ ... اختي خلي ثقتك بالله كبيرة وراح يجيك نصيبك وراح يجيك واحد احسن منه بألف مره. واحمدي ربك ان الزواج ما تم لأن اسلوب تعامله سيء ويبدو انه ضعيف الشخصية...
اختي كوني على ثقة بأن نصيبك قادم إليك. الله يوفقك |
اقتباس:
عسى ان تكرهوا شيئا وهو خيراً لكم وعسى ان تحبوا شيئاً وهو شراً لكم وسبحان الله فهو ليس من نصيبك وكلاً ياخذ نصيبه الله يوفقك بالرجل الصالح آآآآآآآآآآمين |
حبيبتي الله يساعدك ويعينك على ما ابتلاكي به
ولكن انا اشوف انه المفروض انسان زي دا ما تضيعي دقيقه من عمرك بعد كدا فيه او عشانه بالعكس احمدي ربنا انه بان على حقيقته من دحين مو بعد ما تتزوجو ويكون بينكم اطفال حبيبتي مو مشكله انه الانسان يغلط لكن المشكله انه يستمر في الغلط وما يتعلم منه اسالي نفسك هل هادا الانسان يستاهل منك انك تحرمي حالك من نعمه ربنا اعطانا هيا واللي هيا الزواج ويكون عندك زوج تعيشوو وتساندو بعض وتكونو عيله هل دا الانسان يستاهل انك تضحي وتعرضي عن الزواج وتتنازلي بسهوله عن حقك في امتلاك بيت وحقك في الامومه انا اشك انه ممكن يتنازل عن اي حق في حياتو عشانك عشان كدا استمري في حياتك واتعلمي من خطئك وخلي اهلك دائماااااااا هم الاول والكل بعدهم لانه صدقيني محد راح يحبك ويبغالك الخير قدهم وربنا يريحك بالك واستمري في القول حسبي الله ونعم الوكيل وان شاء الله ربنا يعوضك خيرا منه |
اختي استرجعي
قولي انا لله وانا اليه راجعون وانسيه خلاص احمدي ربك طلع على حقيقته وليه ماتبي تتزوجي ان شاء الله يجيك اللي يستاهلك خلي املك بالله كبير وأكثري من الطاعات وعشان تعرفين بعدين العلاقات قبل الملكه وقبل كتب الكتااااااااااب خطأ الله يشرح صدرك ويعوضك خير |
انا مع كلام جوجو
ولاتهتمين ابدا وصارحي اهلك وحاليا لازم تأخذين فترة نقاهة لين ما تنسين كل شي صار وبعدين ان شاء الله تفتحين قلبك لواحد يعرف قيمتك ويقدرك |
شكرا لكم جزيلا على ردودكم والله ردودكم تخفف عني وجزاكم الله خيرا ولكن اعذروني والله اني لست قادره على الكتابه اليوم ان شاءالله ارد عليكم شكرا لكل عضو كتب رايه هنا
|
يا محبة النبي وفقك الله الى كل خير
اعلمي رحمك الله ان من لوازم محبته صلى الله عليه وسلم اتباع امره واجتناب نهيه والله سبحانه وتعالى ورسوله صلى الله عليه وسلم بينوا حرمة خلو المرأة بالرجل مالم يكن ذلك بعد عقد شرعي اما الخطبة والتعارف فهي ليست مبررات للخلوة بالمخطوبة ويحصل منها امور محرمة من اللمس والتقبيل وقد يصل الامر الى الجماع ويكون الولد قبل العقد الشرعي ولد زنا حمانا الله واياك فقسوتي عليك هي من باب المناصحة وخوفا عليك وعلى اخواتي من الذئاب البشرية التي لا ترعى حرمات الله حفظ الله الجميع |
ولكن هل حرام ادعو هكذا؟؟؟ واقول حسبي الله ونعم الوكيل في وفي اهلو والله لا يسامحهم؟؟
|
الاخت الكريمة محبة النبي لين
انا حاس فيكي وبالوضع اللي انتي فيه بس ابغى اسألك سؤال لو عاد الزمن للوراء وكنت عارفة ان هذا الشخص مو رجل الرجل اللي يعطي كلمة ويوفي بها لو عاد الزمن كنتي بتوافقي انا متأكد ان جوابك لا فيه مثل يقول من باعك بيعه ولو كان غالي انا عارف انك مجروحة دحين بس اعتقد انه افضل انك عرفتي مستوى تفكيره قبل الزواج عشان لاتتورطي مع واحد بنفس التفكير اصبري واشغلي نفسك وادعي ربك وان شاءالله الفترة الصعبة هاذي بتزول ويارب يفرج همك والله يسعدك ان شاءالله ويرزقك بالزوج الصالح الكريم الحنون الوفي يارب وابغى اضيف حاجة انك ماتبغي تتزوجي هذا مو حل ابدا اصبري لما تروح الحالة اللي انتي فيها وبعدين فكري الانسان في الحالات النفسية الصعبة يتخذ قرارات غير معقولة اصبري لما تتحسن نفسيتك وبعدين صدقيني بيتغير تفكيرك ومو معقول عشان شخص مثل هذا تحرمي نفسك من الامومة وهيا اكبر نعمة في الحياة وكمان ابغى اطلب منك طلب لو تكرمتي لاتدعي عليه مو عشانه عشانك انتي لانه دايما بيكون في بالك وتاكدي من شيء رب العالمين يمهل ولايهمل وان شاءالله يارب تتغير نفسيتك للاحسن ونشوف مشاركاتك الحلوة والجميلة يارب والله يسعدك ان شاءالله ويرزقك بكل شيء تتمنيه ماعدا الزواج طبعا:d |
اعذرني اخ Aim
والله اني مكتئبة وابكي ولا استطيع ان اقف عن البكاء وكلامك صحيح الله لا يسامحو يا ربي |
| الساعة الآن 08:12 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©