|
يالله ما اجمل البر بالوالدين جزاك الله خير الجزاء على ماتقدم لوالدتك
اخي عادت سواليف الخوات مع بعض وترك زوجة الولد شي معروف عند معظم الحمايل لا يضيق صدرك واكيد هي راح تقدر ان شاء الله بس انت عشانك حساس ضاق صدرك والله يصبر زوجتك |
ما شاء الله عليك أخوي نايف ، أول شي و الشي الأكبر اللي المفروض تفتخر فيه انك بار بوالدتك و بالعكس لك الشرف و الفخر انك تخدمها حتى لو كنت أنت الوحيد اللي يسوي هذا كله و تتعب لها .
أهنيك و الله و بالنسبه لزوجتك أنا أفضل انها ما تحاول تضعف قدام خواتك يعني تكون رسميه معهم و مو لازم تعطيهم وجه أهم شي ان معاملتها مع والدتك تمام . الله يخلي لك الوالده و يطول بعمرها و يديم المحبه بينك و بين أم العيال . موفقين إن شاء الله |
مرحبا اختي ام البنين
جزاك الله خير بس صدقيني المعامله السيئه لها اعذار مهما كان وخاصه انها ما تشتكي من شي زوجتي بس الله ما شافوه بالعقل عرفوه واضح من وجهها يدور الف سؤال وسؤال |
اختي أم اثير
هي معادله صعبه اكيد ليش يسوون كذا ليش زوجتي تسكت اروح وفتح الموضوع مع خواتي ولا افتح الموضوع مع زوجتي وعتذر لها وهي ما تكلمت بس واضح تأثير المعامله السيئه لها بعدين ما ودي زوجتي تاخذ فكره عنهم بهذي الطريقه شكرا اختي على اهتمامك جزاك الله خير الجزاء |
مشكلتي اصدق
ليش تستغربين الامور الي زي كذا تحز بالنفس خاصه اذا صارت من طرف أهلي يا شيخه يمكن تذكرون يوم زوجتي تعبانه ولله محد رفع السماعه فيهم الا اختي الكبيره والباقين خبر خير أمي الله يطول عمرها جايه للمستشفى تمشي بعصاتها وهم 9 بنات ولا احد بالله وش بيكون نظرة الناس لهم لا وتجي وتسلم ولا احد يرد ليش طيب ابي افهم لا بنفس الجلسه جت امي وعطت اخوي فاتوره الكهرباء يوم فزعو وطارت عيونهم ليش ما تعطينها نايف لا عيال ولا هم يحزنون هو مسكين فواتير بيته وعياله مسكين وهو ماعنده الا بنت وزوجته موظفه وهو موظف راتبه شي وقدره بس وش اقول انا ماهمني ولله بس ليش الاسلوب الوقح انا مستعد اتكفل فيهم كلهم بس ليش قلة الادب |
اسمع نصيحتي
امك لا تتحسف او تتندم على اللي سويته معاها ابد وما عليك من اخوانك اهم شي ارضيت ربك ثم ارضيت امك وضميرك اما معاملة اخواتك لزوجتك فهذا كله غيررره صدقني اخوات الزوج يغارون من زوجة اخوهم خصوصا اذا كان يعاملها قدامهم معامله زينه يبدون يقارنون بازواجهم وينقهررررررررررون اذا شافوا زوجة اخوهم احسن منهم فالحل مالك الا تقليل الزيارات وشي ثاني انك ما تبدي لزوجتك اهتمام زايد قدام اخواتك حتى ما تثير غيرتهم وهذا السبب في كرههم لها اتفق مع زوجتك مثلا انك عند اهلك تعاملها معامله جافه شوي حتى تطفي نار الغيره اللي حاسين فيها اخواتك ولا تنسى ان الي كتبته لك من معاناة وتجربه شخصيه الله يوفقكم ويهنيكم |
أنــا أتفق مع أختي ساعة رملية باللي قالته.. فأكيــد بغاروا من زوجتك..يمكن من معاملتك الطيبة لهــا و هيك.. أو إذا شافوا عندهــا شي جديــد بالبيت أو من ملابس..فقد تثير غيرتهم أيضــاً.. |
الله يجزاك خير
كثيرين كذا مثل اخوانك وخواتك الدنيا مليانه لكن انت اتفق مع زوجتك على تجاهلهم مو يعني تقاطعهم لكن تتجاهل تصرفاتهم ووقاحتهم وتشتري راحة اعصابك لانهم اهلك وماتقدر انك ماتحتك فيهم وهذي الاصناف موجوده وبكثره والحل معاهم <<السلام عليكم .كيف الحال؟؟ . وش اخباركم؟؟>> وبس لان الدخول معاهم في جدل ومناقشات مافيه فايده بالعكس كذا راح يضايقون زوجتك زياده اما مقاطعتهم فهي مستحيله لانكم لازم تجتمعون بسبب الوالده الله يخليها لك يعني الله يعينك عليهم طنشهم واذا فيهم عاقل ممكن تتفاهم معاه بدون مايفهم كلامك غلط كلمه في كل شي وخله يشور عليك.... |
جزاك الله الف خير اخي الفاضل على برك بامك
وااحتسب كل ماتفعله خالص لوجهه الكريم وسيعوضك الله خيرا بصلاح ذريتك وزوجك _______________________________________--ينقل للتوجيهات مكانه المناسب |
ثق نايف انهن في قرارة انفسهن غير راضيات ويعلمون حق العلم بخطئهم ولكن يعمون الابصار والافئده ولا واحد زيك
وين منه اثنين ... حاس بزوجته بااار لامه جزاك الله الف خير واطلب الاجر من الله وبس انت رجل فيك خير ومن الرجال قليلا |
| الساعة الآن 12:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©