حياك الله اختي انين الزمان


بس هل اغلب الفتيات يفكرون بهذه الطريقه ام بعضهم انتم بنات وتعرفون شلون يفكرون

صح أنا مع إلي قالو الزواج بعمر متقارب حلو ومع البنات إلي تفضل كبير العمر لأنه يدلع ويدلل وطول ما تكبرين بظل أهوا الاكبر وأفهم .... كل هذا يبين بأول أيام الخطبة وفترة التعارف هذي إلي تحكم مو العمر !!
وبطلو أحلام يا بنات وخليكم بالواقع !!!

لما تزوجت زوجي كان عمره 25 عاماً ..!!! يعني مثل عمر المتقدم لخطبة بنت أختك ..


وطالما أن الرجل ما يعيبه شيء كما ذكرت هي أذا رفضته تكون رفسة النعمة التي بعثها لها الله وتتبطر عليها ..


ومن يضمن لها أن رجل في الثلاثين سيتقدم ويطلب يدها أو يضمن لها أن يكون مستوى أخلاقه مثل هذا الخاطب ..؟؟


حاول تعقلها ليس بالضرورة أن أبن الثلاثين أكثر عقلانية أو رجولة قد يكون العكس تماماً ..

الله يصلح حالها ويرزقها الزوج الصالح وأختك إيضاً ..

التقارب في العمر بالنسبه للزواج انا اشوفه مطلوب جدا

كنت قبل مايتقدم لي زوجي اقول ما باتزوج الا واحد فوق الثلاثين (هباله) وتقدمو لي ناس بذا العمر
لكن النصيب

تزوجت زوجي عمره 26 وانا 23 ثلاث سنين بينا

لكن الحمدلله افكارنا متقاااااااااااااااااربه ومتفاهمين

انصح هذي البنت تفكر زين
ترا الرجل بعمر الثلاثين خلاص يدور على الاستقرار ما يبغى الدجه

فيه فكره غلط عند اغلب البنات ان الرجل اذا كان كبير وزوجته صغيره يدلعها

( وانا اقول مو شرط) اذا الرجل كويس وطيب خلاص وش بعد تبغى

تحمد ربها ماعاد به رجال صاحين
(مع احترامي لجميع الرجال)

اخوي نايف دام انه بهل صفات والله تحمد الله عليه وش فيه لاتزوجت وهو عمره 25 الرجال مايعيبه الى جيبه ودينه
بصراحه انا اشوف انه معاك حق والمفروض تتزوجه وتتوكل على الله وتقبل تحياتي

:d

ليش ما تطلب منها تصلي استخارة وبعدين ترفض اذا ما ارتاحت بس انا أكثر البنات ومن بينهم صديقاتي يرفضون الشباب في سن تحت الثلاثين بس هذا غلط في رأي انا عن نفسي أقول انه شخصين من نفس العمر أو بينهم ثلاث سنين هم أكثر قدرة على انهم يفهمون بعض أكثر
هذا مجرد رأي لي وشكرا اخوي نايف على وضع الموضوع

واللة انا مع اختك انا احب انى اتزوج واحد يكبرنى باقلة 6 او 7 سنوات ومايصير ازوج واحد اصغر من ذلك الفرق اللى بيكون بينى وبينة ...

اخي نايف كلامك واقعي و انا بنفسي شهدت قصص مماثلة و احدها مطابقة تماماً للقصة التي ذكرتها و هي لاحدى قريباتي عمرها في حدود ال22 تقدم لها شاب بصراحة تقدر تقول كامل المواصفات (فل ابشن) مهندس خلوق و وسيم و حالته المادية جيدة و من عائلة قوية جداً و مع هذا رفضته بسبب انه عمره 25 و هي تبي واحد اكبر. زاد الطين بلة ان شكله اصغر من عمره يوم تشوفه تقول ابو 18. انا لو تبيني احلف انها ما راح تلقى مثله اطلاقاً مستعدة احلف لانه بصراحة لقطة و بشهادة الجميع لكن وش تقول في هالبنت و تفكيرها السقيم. انا متأكدة انها بتاكل اصابعها من الندم يوم تعنس و تشوفه مع وحدة ثانية. انصح اي فتاة انها تكون قنوعة و ترضى بالطيب قبل لا يجيها الردي و تبعد عن الوساوس و تستعيذ بربي منها.