تسملين والله اخت حمرة الورد
طبعا موب شرط يكون في مخيلتك مواصفات شكلية معينة لكن ممكن طابع الشخصية يطغي على مواصفات فارس الاحلام المأمول
لكن ما وضحتي لنا تفاصيل اكثر عن الشخصية وان كان وصلنا للنقطة الرئيسية وهي انه يكون رومنسي
لكن في شباب رومنسيين لكن موب صاحب شخصية قوية ويكون عاطفته تتحكم فيه اكثر وطبعا انتي اكيد لك اطلاع جيد في الامور العلم نفسية المختصة بهذا المجال حتى لو عن طريق الاطلاع على المواضيع التي تكتب عنه بالمجلات لو تحبين توضحين اكثر تفاصيل الشخصية
وعلى فكرة الهدف هنا واضح وهو ترسيخ فكرة الشكل والشخصية المثالية والي هي تلقى اكبر قبول واكثر ترشيح سواء لشخصية المراة او الرجل
واشكر تفاعلكم الاكثر من رائع وهذا شي طبيعي لانكم كلكم رائعييييين ( ;

اهم شي بفارس احلامي استقامته على دينه لان اللي يخاف ربه طبيعي حيخاف الله فيني ويعاملني كويس,,
وكمان مهم جدا ان يكون من نفس برستيجي لانه بصراحه وسوري على الكلمة ماني مضطرة اعيش مع واحد على قد حاله وانا من البدايه عندي حرية الاختيار,وكمان تعليمة يكون كويس يعني على الاقل ديبلوما..وطبعا الرومانسية ,,الطيبه ,الحنان والكرم كل هالاشياء تتمناها اي بنت سو الله يرزقني والكل بواحد كذا...:)

لانا اعجبني اعتزازك بحريت رايك بالاختيار وهذا حق مسلم به ان حق يخصك انتي وبس والله مو صعبة المقتدرين بهالبلد موب قليل بس انشالله يكون حنون وطيب ورومنسي وبالذات رومنسي لان الرومنسين بهالوقت عملة نادرة جداً وان كان في نوع جديد رومنسي لكن رومنسية معلبة يعني عليها تاريخ صلاحية تنتهي بعد اول ولد ( ما ادري غيرة او تغيير باسلوب الزوجة تجاههم وبعد كذا يتغير من رومنسي الى هارب من البيت او مستبد ) وطبعا هذا موب تعميم ابداً
رينبو والله اتمنى لك من قلبي تلقين هالمواصفات وموب صعبه ابداً بس شوي صعبة يحب الاثار ( تجيب حساسية ) ( :
لكن الوسط ابشري برزق كثيرين كثيرين بس ترى يعتمد انتي من اي منطقة وانا اقولك وش كثرهم
والخوف من الله حقيقة شغلة مهمة واكدناها من قبل انها شغة اساسية مافي مجال للتفكير فيها وانشالله كل مسلمة تحط هالشي قدام عينها
لكن اذد على يدك على نقطة حساسة ذكرتيها الطول المتوسط ههههههههههههههه هذي انا اقولك انتي احسن وحدة علقت بعدها ( : تحياتي لانا وريمبو وتسلم ايدينكم على المشاركة الحوة والتفاعل الرائع

يافهد المظهر و المواصفات الجسمانيه شي مهم جدا لان العين تحب و تعشق و هي نافذتنا على العالم الخارجي و هي الي عن طريقها يتكون الانطباع الاول عن الاشخاص

بس اكبر خطأ ان يكون المظهر و الشكل اجسماني اساس في اختيار شريك الحياه لانه اساس غير قوي لبناء حياه زوجيه و حياه مشتركه
مع الوقت يتحول الشكل الى شي عادي لكن الطباع و الاهتمامات هي الي بتطغى على الحياه الزوجيه

ارجو منك اخت رنبو او اي من الاخوة المشاركين نحن لانتكلم عن السبب الرئيسي لاختيار شريك الحياة لكن نحن نتكلم عن المواصفات الشكلية والشخصية فقط اعرف ان هناك موصفات اخرى كثيرة واكثر اهمية من الشكل لكن لا نحتاج لمعرفتها بهذة المشاركة
مع خالص الحب والتقدير

ولله يااخوووووي اذا تبي ادقق واتشرررط اجل بقوووووووولك

مع اني عارفه ماراح تجي بزوج المستقبل...... يكون اطووووول مني فوق المتوسط عريض الكتفين اسمرررررر

وفيه شي اتمناه واحس بتستغربون احبه عنيد شوي عشان اقعد اتهاوش انا وياه وثاني شي يكون مرح جداااا لاني احب الضحك والمقالب واكره الصمت...... واريده شخصيه قوووويه اشعر بالامان اذا حصلت لي مشكله واحس ان لي ظهر استند عليه وشخصيه محبوووووبه بالمجتمع وهذي حط تحتها عشررررين خط لانه يؤثر بنفسيتي اذا احد سب شريك حياتي او جاب طاريه بسؤء فلازم يكون محبوب من الجميع ومشهود له بحسن التصرررف...... اختك حمرة الورد

مرحبا للجميع هذي اول مشاركة ليا , حبيت ارد لانو الموضوع مرة عاجبني .. شكرا اخي fahad1976

مواصفات شريك أحلامي (والحمدلله موجود) طويل , حنون , رومانسي , طيب القلب ويحملني على كفوف الراحه بالمقابل مرح وشخصيته قوية .. طموح , ويعرف يدلعني هدا شي مهممممم , طبعا مانغفل عن خوفه من رب العالمين ويتقي الله فيني ويحاول انه يسلك النهج القويم

والحمدلله ..

دلوووووووعة

مشكووووووووووووور أخوي فهد
بس أنا ملاحظ ان كل لاخوات أمانيهم معنويه وليست حسيه بمعنى الكلمه متلك ؟؟ المهم أنا عارف أن الاستحياء هو الرادع لهم ......... المهم كل وحده تحب ان يكون فزوجها الرجوله وتحمل المسؤليه ووووو عارفين بس نبي حنا المواصفات بل جسم متين نحيف فيه كذا وكذا وكذا ........... اشان بعد الشباب يشوفوا وشي الاشياء التي تحبها البنت بيه اما الاشياء التانيه ممكن تصطنع ................... وشكرا لكم ..

ليل
اسمح لي ان اعلق على ملاحظتك الاخيره
البنت بطبعها رومانسية وعاطفية وحتى لوكان الشخص اللي مرتبطه فيه عادي جدا من ناحية الشكل العاطفة تخليها تشوفه ملك جمال وتحبه بغض النظر عن شكلة لان اللي يغري البنات هو المعاملة والكلام الحلو والحنان طريقة الكلام والتعبير (الاسلوب) وطبعا الاناقه لاحظ بعيد عن جمال او اوصاف الجسم واقصد بالاناقه الاهتمام بالعطر والشماغ والثوب .. ماهو تفاصيل الجسم بالضبط زي ماوصفتها انت بالضبط وطبعا انا اتكلم بشكل عام :)
اما عن سؤالك انا الحمدلله متزوجه واشوف في زوجي كل اللي تمنيته بس مابي اقول اوصافه >>>> أغير عليه ههههه