السلام عليكم..

اخي الكريم النجوان أسأل الله ان يمن عليك بالتوفيق والسعادة ان شاءالله ..وأنا شخصياً تعرفت على شريك حياتي عن طريق النت ولله الحمد رأيت فيه نعم الزوج :)

* الأخ الكريمal-btOoOl
أنت صج ما تقدر تقول ان طريقة التعارف بالنت ناحجه مئة بالمئه .. لكن حتى طريقة الخطبه التقليديه ما نقدر ان نحكم عليها انها ناحجه مئة بالمئه ... :(

(( برأيي أن طريقةالتعارف بغرض الزواج غير مهمه بشرط طبعاً ان تكون محترمه لأنه لكل بلد وكل شعب طرق تناسبه وآخر وما تعجبه ...لكن المهم الأشخاص نفسهم أي الطرفين المقبلين على الزواج فطريقة الزواج مو شماعه نعلق عليها نجاح الزواج أو فشله .))

تحياتي

كلام البتول صحيح,, انت الي الان ماعاشرتها فتره طويله على شان تقدر تحكم على نجاح التجربه او لا
لانه نادر ما يكون وضوح ومصداقيه في هذا النوع من العلاقات

ويمكن انت من الفئه النادره اللي حظها حلو,,, والله يكتب اللي فيه الخير

السلام عليكم ....اخي الفاضل توكل على الله ....انا اختي تزوجت بهالطريقة وماشاء الله ولا حول ولا قوة الابالله عليها هي وزوجها في سعاده واحترام وتوافق من جميع النواحي.....لهم اللحين سنه ومأجلين الحمل عشان يقولون بخافون احد يشغلهم عن بعض!!!
....بسم الله عليهم ....اختارو بعض عن اقتناع تاااام ....توكل على الله وطالما انت بتعطيها ثقه واخلاص تأكد ان حياتك بتكون سعيده ....باذن الله

اخوي
الدنجوان
الله يبارك لك بحياتك الجديدة
لكن اللي مو موظف وشلون يقرا الرسالة لازم يدفع فلوس علشان يقرا اللي جاية من الشريكة وهذي مشكلتي
الموظف مو مشكلة والله يلاقي بس انت مستعجل
لكن اللي مثلي مو ماخرني الا قلة الوظيفة والانترنت هو وسيلتي الوحيدة
وبيني وبينك اشتركت لكن لما جتني رسالة وحاولت افتحها قالوا لي لازم ترفع من عضويتك ورفعها بدولارات والله مااقدر على هالامور هذي
وارجو انك تدعولي انت امرك هين وسهل دامك موظف لكن انا التعيس البئيس اللي صعبة حالتي وخطبت من عمي وعمتي وما وافقوا
وتركت الدراسة بالكلية متاثر وابكي بكاء مااحد بكاه من الشباب
ونا مكسور جناح محطم شعور
ولا اقول الا حسبي الله ونعم الوكيل

الأخ زرارة

أول شي .. ياخي الظاهر إنك جديد على عالم الانترنت .. ياخي ومين قالك إني دفعت ريال واحد عشان أقرا رسايل زوجتي ؟؟

ياخي في شي اسمه البريد الالكتروني المجاني .. وفي برامج الحوار المباشر مثل الياهو والإم إس إن مسنجر

هاذي البرامج تخليك تتحاور مع الشخص عن طريق الكتابة بشكل مباشر

(( وبدون ما تدفع ولا قرش ))

أما بالنسبة لظروفك الحالية .. يا خي مين قالك إن الشغل ما يأتي إلا من الجامعة .. ياخي والله الشغل مليان .. بس وين اللي يقدر يصبر .. وترى مشكلتك ما هيب مشكلتك لوحدك .. آلاف الشباب نفس وضعك

على فكرة .. مستحيل تلاقي أحد يزوجك وانت عطال بطال .. لازم تلاقيلك وظيفة ..

أنا مدري من وين حضرتك .. بس إذا كنت من الخليج أو من السعودية تحديداً ..

أنا أشوف إن كثير من الشباب يعزفون عن العمل الحر ..

يا خي شفيها لو تتعلم الحلاقة .. الخياطة الرجالية .. تفتحلك بقالة صغيرة (وتقدر تستلف أو تاخذ قرض اسلامي)

المشكلة فينا يا الشباب .. ان الواحد يقول أقعد بالبيت (أشرفلي من إني أشتغل الشغة الفلانية)

وهاذا خطأ كبير .. ترى يا خوي العمر يمضي .. والحق نفسك .. وتعلم شي الحين قبل ما تكبر بالسن وما تقدر تتعلم شي وقتها ...

أخوك ... الدنجوان

تسلم والله يااخوي على الافادة الرائعة وجزاك الله خير
لكن فيه وظيفة انتظرها وهي باذن الله مؤكدة
لكن راتبها 2600 انا عادي لكن هل فيه بنت ترضى به والاسواق والطلبات ايضا مشكلة للمعلومية انا من السعودية
تحياتي

أنا بصراحة .. وبدون زعل أأيد كلام أخوي الدنجوان ...
وعموما مبروك أخوي .. وربي يوفقك ويسعدك في زواجك يارب

مجرد سوال وقبل السوال استحلفكم بالله العظيم ان تجابوا عليه بكل امانه

ماهي نظرتكم لفتاة الانترنيت .. وهنا لا اقلل ولا انقص من قدر وكرامة اخواتنا المشاركات فمنهم الشريفات العفيفات .. لكنني اسال الرجال .

اخي الكريم صدقني وبكل امانه احيانا تكون بعض العادات والتقاليد هي سبب خير لنا برغم صعوبتها
بالنسبة لمواقع الزواج أأوكد لك وانا على ثقه ودراية لانني كنت سابقا مشاركا في موقع كبير للزواج كشريك مؤسس وصدقني اخي الكريم
الموضوع يوخذ بنوايا خبيثه ووجدت العجب العجاب يشهد الله لا اود الخوض فيها لكي لا تقشعر ابدانكم ..
واخيرا .... النفس ... النفس .. النفس ... انت ونفسك
وصدقني اخي الكريم المساله مو مساله زواج ورغبات و و و و المساله اكرمك الله مسالة شرف وعرض وأم واطفال وتربية و و و و و و احسب انت براحتك ... انت بسوالك عن ناس تعرفهم وقلبك ياكلك اجل شلون وانت بتتززوجها من النيت :(

اخي العزيز
الله يسعدكم بأي طريقة كانت نت او غيره اهم شيء انكم تكون متفاهمين وتراعي حق الله فيها والمخافه من الله اولا واخيرا
عزيزي لا تدع الواساوس يسيطر عليك في يوم من الايام هذه زوجتك وانت اخترتها
والله يوفق ما بينكم
وكل عام وانتم بخير
اختكم
همس الخواطر

بسم الله الرحمن الرحيم
الحمد لله كلنا مسلمين
شوفو ياجماعه
اليوم غير أمس غير بكره
التكنولوجيا تخدم من يحسن استخدامها
اذا توفر الصدق
اذا توفرت الصراحه
اذا كانت الغايه شريفه
اذا كانت النيه صافيه
اذا كان الشك زيرو
اذا توفرت الأخلاق
ليش لا
صدقوني الله يوفق ويبارك
بس يجب الحذر
الحذر من عديمي الضمير
الحذر من علاقات المصالح
الحذر من مداخل الشيطان
فإذا تحولت الغايه من زواج إلى لعب وتضييع وقت وإذا إنعدمت الجديه تتحول الأحلام الجميله إلى كوابيس
يجب على كل شخص يفكر بهذه الطريقه أن يعتبر الطرف الآخر مثل الأخ إلىأن تثبت الرؤيا ..وكمان أن يخاف الله في أعراض الناس فكما تدين تدان ...
الله يوفقكم ...يحرسكم...ويرعاكم
تحيـــــــــــــــاتـــــي