في رأيي انه تصارحه بالموضوع من باب العلم بالشيء فقط ولو تركها فهو انسان سطحي جدا ولايستاهل ان يكمل معها

لان الناس تبحث عن الجوهر وليس المظهر وخصوصا في الزواج

تمام ....
و
عن تجربة ابنة عمي
كان فيها عيب خلقي في ظفرها
كانت تراه عاديا
بعد الزواج اكتشف زوجها زلك وقالها:
"ليش ما حكيتيلي واحنا خاطبين "
.

صراحة ... انا اشوفها مشكلة صغيرة ماتسترعي الانتباه سواء قالت او لا ..... مو مشكلة خاصة ان العملية لم يبقى منها الا الاثر
يعني مثل باقي العلميات الصغيرة مثل عملية اللوز او خلع الاسنان

وطالما البنت في صحة جيدة وماتشكي من اي شئ فمن رأئي انها تتوكل على الله .... والله يسعدها في الدنيا والاخرة

أنا رايي من راي الأخ zamalekteam

أولا ماتكبر السالفة في راسها هي .. ولا تعتبره انه موضوع يستحق النقاش ..

ثانيا .. تكلمه في الموضوع .. وكأنه مجرد شي عادي مر في حياتها .. على سبيل المثال.. واحد مسوي عملية اللوز .. وراح خطب .. من بين السوالف أكيد بيقول لخطيبته .. أو زوجته .. انه كان مسوي عملية اللوز .. هل هي بتزعل .. وبتفسخ الخطبة .؟؟

أكيد لا .. الموضوع عادي .. بس أهم شي ثقتها بنفسها تكون أكبر عن جذيه .. وعلى قولة المثل (كبرها بتكبر .. صغرها بتصغر) .. !!

بس أهم شي تحط في بالها .. ان الموضوع ما يستاهل حتى تفكر فيه ..

وبالنسبة لتقبل المعرس للسالفة أو عدم تقبله .. خليها تعتبر ان هالموضوع اختبار له .. واذا ماتقبله وكبر السالفة وفسخ الخطبة .. مع السلامة والقلب داعي له .. ((هنيه تكون ثقتها بنفسها)) !!


أما إذا تقبل السالفة بشكل عادي .. فهذا يدل على إنه عاقل وماتهمه توافه الأمور .. ولازم تتمسك فيه بإيديها وأسنانها ..

وبالنسبة لأهله .. أنا مع راي الأخت سيدرا .. انها ماتقول لهم .. وتطلب منه بشكل ودي .. انه ما يذكر الموضوع عندهم .. على أساس إن هالموضوع ممكن يعايرونها فيه .. وأتمنى ان هالشي مايصير .. بس ماعليه .. مب كل شي ينقال حق الأهل .. ولازم هي تعوده على هالشي .. ان المواضيع والنقاشات اللي تدور بينهم تتم بينهم .. محد يدري بها .. لا من طرفه ولا من طرفها .. !!



والله يوفقها ان شاء الله .. ويكتب لها ما فيه الخير ..


تحياتي



والسموحة منكم

السلام عليكم

انا ارى ان الموضوع عادي ولا يحتاج لكل هذه الضجة.

القضية و ما فيها عملية بسيطة في الرجل. والخاطب الذي يتراجع بسببها فالافضل فقده.

السلام عليكم ورحمة الله وبركاته

اشكركم جميعا اخواني واخواتي على تفاعلكم وردودكم التي تثلج الصدر والتي تنم عن

عقل واعي وفكر سليم وانا لم اكتب عن مشكله هذه الفتاه الا لثقتي بكم وبارائكم..

بالنسبه للفتاه فهي حساسه جدا وعندها اعتقاد كبير ان هالشي راح ياثر على حياتها

ودايما تفكر فيه واحيانا يجيها اكتئاب كلما تذكرت الموضوع وتعتزل بغرفتها.

انشالله بخليها تقرا الردود وبقنعها ان هالشي عادي وما راح ياثر عليها.


تحياتي القلبيه لكم اعزائي

الأخت الفاضلة sono السلام عليكم ..

أولاً : أن هذا الشيء لا يسمى تشوه خلقي لأن التشوه الخلقي نقص وهي والحمد لله كاملة والكامل وجه الله ، وبالنسبة لي إذا كانت بنت جميله وجامعيه واخلاق لن أتردد أبداً من الزواج منها بل بالعكس سأبادر بالزواج لأن هذة المرأة تحمل الأحساس المرهف والتواضع ومحبة إرضاء الزوج ، هذا ماضهر لي من شخصيتها .
أسأل الله أن يجعلها قرة عين لزوجها .
والسلام عليكم.

الحمد لله طالما انهاشالته ليش خااااااايفه

واللي بيتركني علشان هالشي ما ينزعل عليه

درب يسد مايرد

أنا ولد خالي كان في يده إصبع زايد ، وسوى عملية والحين مافيه إلا العافية ..

لاتقولين لخطيبك لأنه كان عيب موجود فيك سابقا ، وزال ..فلماذا تكشف أوراق الماضي .!!



لو كان العيب موجود حاليا ، راح أقولك يجب إخباره ..!!

لكن إنت مافيك شئ الحين ..!!

.......... يرجى مراعاة اسلوب التخاطب مع الاعضاء وشكرا.

ALBATOOL