|
مدام رجعتي له ونفذ طلباتك حاولي تكسرين الحاجز اللي بينكم
بوسيه وحاولي معاه تفتحون صفحه جديده وقولي له انك نسيتي كل اللي صار وانك تحبينه وانه ابو عيالك حاولي تكسبينه وتصفين قلبك ولا تشيلين عليه شي وانسي االلي فات وكأنه ماصار والعيد فرصه لازم تستغلينها ! تقدرين تكتبين له كرت معايده بكل الكلام اللي في قلبك او مسج في التلفون او تحضنينه وتقولين له هالكلام ! وتتأسفين وتفتحون صفحه جديده الصمت ترا ماهو في صالحكم ابد ! |
يبدو ان زوجك شخصيه قويه او رسميه يعني ثقيل لاكن لازم تستغلين شي منه او فيه مثلا اذا جامعك يكونمعك كله واحساسه معاك اغتنمي الفرصه لاتروحين تسئلينه ليش تجامعني وانت ماتكلمني ليش تسافر ليش كذا وكذا انا رجل وو الله ان النفس تنسد اذا دار اي حوار قبل الجماع او في وقته والحوار فيه مصلحه للزوجه اتركي مواضعيك كلها ولو انها تهمك عامليه في الجماع بحراره سوي له شي ماعمرك سويته في الجماع قطعيه كوني معه قلب وقالب لا الجماع باب كبير وان رضي او خش مزاج الزوج فالامريتلاشى وتحتلين قلبه موب اسئله وزعل؟ خليك رومسيه وقناصه للفرصاصمتي واتركي كل شي حتى يحين وقت الجماع ثم تفاعلي والله يوفقك
اخوك فيصل |
بسم الله الرحمن الرحيم
انا اشوف الحل تبقى الشقة باسمه بينك وبينه وبين العيال مالها داعي انا رجال وساكن في بيت زوجتي !!! يعني انا الحين تخيلت نفسي لو اني متزوج وزوجتي طلبت مني مثل طلبك ونفذته راح احس اني فقدت كياني راح اكون في وضع حسااااس جدا راح احس بمرار ما اشتهي اكل ولا اتكلم ولا حتى اتذكر زوجتي وراح احس بضغط نفسي واني مضطهد رجعي المياه لمجاريها مالها داعي ليش فكرتي انك تسجلين الشقة باسمك وبسم الاولاد هل انتي شاكة فيه انه بيترككم ام انه بيطردكم في يوم ويبقى هو لحاله انتبهي ترى الشيطان شاطر ويعرف يفرق بين المرء وزوجه وخلاص صالحي زوجك وارجعي زي ماكنتي اسعدكما الله |
طيب أنا ماطالبته بالشقة لاني خايفة يضيع فلوسه
ولما رجعت قلت له انا مابي الشقة لاني عندي شقتين باسمي من ورث الوالد وما احتاج لها بس ماعرفت ايش اشرط عليك قدام اهلي وتصالحنا لكن بعد يومين حصلته واضع تسجيل على التلفون طيب ليه التسجيل وما عمري سمعت احد يسوي كذا في زوجته حتى لما تزوج علي الاردنية كان يضع تسجيل في الشنطة ويسجل عليها بعدين طلقها وانا ليه يبي يلقى علي شيء علشان يطلقني بعد عشرة 10 سنوات والا خايف اني ادلع عليه بعد ماردني مع انه ماجاب لي لا هدية ولا حاجة انا على وشك الانهيار تخيلوا ما باركلي على رمضان ولا ادري عنه ودايم ارسله رسايل اعتذار واشتياق لكن مافي فايدة اذا يبي ينام معاي ارسل رسالة فقط كلمة تعالي يعني اوامر مادري ايش قصتة ليه مايطلقني ويريحني؟؟؟؟؟؟؟ |
واله مدري احس حال بيتكم غريب ومظلم الله يعينكم
هو بعد طبعه غريب ولا تواخذينه يمكن هو يحب يتجسس انا اعرف واحد من الشباب واثق من اهله بس يحب يتجسس كذا علشان يستمتع بوقته وبنفس الوقت يبي يصيد شي غلط الله يكون في عونكم ما ادري أيش اقول لك انا مانا متزوج وما اعرف ايش الحل بس الي عندي قلته |
الله يعينك اصعب شيئ على المراه
انو مايكلمها زوجها والله احيانا اقول لو يضربني ارحم واسهل شيئ على الرجال انو مايكلم زوجته طبيعي هو اقسى من المراه ........... |
بارك الله فى الاخوه الذين نصحوك وخصوصا اختنا زينب التى عبرت عما يحس به زوجك وفى ىدىك اعاده الثقه فيكى بتنفيذ مانصحك به اخوتنا الفضلاء
وفقنا الله جميعا الى حياه اسريه سعيده |
ثالث ايام العيد
كآبه وحزن ماحسيت بطعم العيد ليلة العيد تحنيت وقصيت شعري لكن ما كنت اتوقع منه ان يحرجني عند الكوافيره ويشتم ويرفع صوته ليه مانبسط لما يشوف زوجته تتكشخ ليه ؟؟؟؟؟؟؟ هل اطلب الطلاق |
اختي العزيزه
الرجل اخطأ والخطأ واضح ثم اعتذر وكتب الشقه باسمك ثم سمعك بالتسجيل تسبينه عند صديقاتك صحيح انك كنتي غضبى وهو مخطيء ولكن المفروض انك سامحتيه وان الموضوع انتهى ولكن الرجل ادرك انكي لم تنهي الموضوع وان تضحيته بالاعتذار والشقه ذهبوا هباء الان الموضوع بين يديك البسي وتهندمي وسوي جو شاعري في غرفة النوم ( واضح ان كل واحد منكم ينام في غرفة لوحده )وقبليه وتعلقي فيه واعتذري منه حتى لو قبلتي باطن قدمه ولا تتركيه الا والموضوع منتهي حتى لو طلب منكي اي شي ( بما في ذلك التنازل عن الشقه ) ان لم ينفع ماسبق اطلبي منه الجلوس مع بعض ( في الغرفة ) لوحدكما ثم تناقشي معه وانهي الموضوع باي تكلفة كانت ان كنتي حريضة على زواجكما ان لم ينفع ذلك اطلبي حكما من اهلك وحكما من اهله لحل الموضوع ولاتنسي ان تذكريه بالعشره التي بينكما وبالعيال وبحبك له . اعانك الله على نفسك وعلى زوجك وعلى مصيبتك وليعلم الجميع ان ابتعاد الازواج عن بعضهم البعض في الفراش هو اول عائق ضد الاصلاح ( لاتهجروا بعض في الفراش ) . |
انا اقولك الحل واللة اعلم
السلام عليكم ورحمة اللة
انا اقولك ...انسي انتي الي صار اول معاك انسي سفرتة انسي زعلكم وصمتة..حاولي بيدك وبرجولك الي صار كل ماخطر على بالك اقنعي نفسك انة مافية شي صار همسة في اذنك ... ترى كل الرجال لهم نزوة بس فية نساء كشفوهم ونساء تحلف بشرف زوجها :confused: اقولك لية صمت لانك فضحتية .ماسترتي علية هو زوجك وابو اولادك صغرتية عند الناس اهلك وصديقاتك مع العلم ان اخوك احتمال يكون هو الي دل زوجك على هالدرب .او زوج صديقتك .او ابوك فلا نطالب بالمثالية والي ياكد لك انة توة ماشي في الرب انكشف بسرعة ما ودى ملابسة برى وغسلها ودارى على بلاوية على وجة وجيتي انتي وصدمتية وفضحتية هو الان واللة العالم جا لس يعيد حساباتة مع الانسانة الي معاه ..ولما قالك بتزوج ... يبي يسعد ..يبي يضحك من قلب ..يبي يشتكي ..يبي ينقد على احد معاك مستحيل لانة لو قال شي لو ما علقتي هو من داخلة ماراح يكون مرتاح فعذرا على الصراحة انا ما اعرفك ...لكن اقولها لك انتي اخزيتة وكسرتية لا تتوقعين انة راح يصفى لك الي عليك الان ... 1-ارجعي لة انتي اول ..علشان يفكر يرجع لك 2- شدي العزم سوي حملة استنفار لة في البيت ..حبية ..دللية ..اثني علية في المجالس مدحية قدامة ومن وراة عند اهلة واهلك وصديقاتك اعلني حبك لة ودية خلي العالم كلة تعرف وش كثر تحبينة ..راح تتعبين بس انتي الي بنيتي الحاجز ولازم تهدمينة بأفعالك كلمي اخوك او ابوك وخلية يرجع الشقة لة لا تنتضرين هو يرجعها الي تبي تحافض على بيتها مو تكتب البيت باسمها :confused: هو الي سواة رجعك علشان يغمك وتندمين انك فضحتية ولا تتوقعين انة راح يصفى لك ..الشقة ماهمتة لو يبي طلقك وراح تزوج غيرك ونساك ونسى عيالك رجل ما تفرق معاة ... ملاحضة ..انا صارت معاي بس مع شغالتي دوريني شفتهم وجى عندي في نفس الوقت وجلس يعتذر وانا ساكتة بالعة جمر بس ابكي ومن داخلي يارب نورني يارب بصرني راح انسى بس الان تطلع الشغالة من بيتي وطلعها ما قلت لاحد لا ني على طول شريت زوجي وبعت الشغالة سفرها وانتهى الموضوع ما اقولك اني وحدة مثالية بس حسبتها انا او الشغالة من الدايم الحل بعد شهر من الصمت سويت الي قلت لك من قبل رجعتة لي والحمداللة حسستة الى الان اني شارتية وبايعة الناس كلهم لكن من داخلي مكسورة مجروحة بس هالشعور معطيني قوة اني ما امل وما اوقف على فكرة ترى ما ناقشتة في الموضوع ولا تشرهت علية ولا سالتة لية لان عندي قناعة انها نزوة والحمداللة اللة يديم ولا يحرم ويفرج عليك ..ولا تقولين لي كرامة كرامتك اصلا مو موجودة عندة لما فكر يلمس غيرك عذرا على الصراحة بس احنا كذا يالحريم ما نتبة الا بطقة قوية على راسنا والدعاء الدعاء الدعاء ويارب اكون نفعتك وما تفكرين اني خيالية |
| الساعة الآن 02:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©