منتدى عالم الأسرة والمجتمع - اختار سؤال وجاوب من فضلك

السلام عليكم ...

اعذريني يا قمر .. والله اسفة ولكن الاسبوع هذا كنت مشغولة جدا .. وكنت احتري فرصة عشان ادخل ارد عليكي واشوف ايش كتبتي .. سامحيني ..
ترى داخلة اليوم عشانك . .. يالله بسم الله نجاوب .. ولو اني حاسة اني بمحضر استجواب تبع الاف بي اي ايجنت ( لوووول ) ..

((((بس ممكن تعطيني نصايح
انا لون بشرتي حنطاوية
يعني سمراء شوي )))

أم فرح والله انا ما اقدر اقرر كريم الاساس اللي يناسبك .. لانك ممكن تكوني افتح او اغمق .. ولكن بصفة عمة اغلب الخليجيات اذا استخدموا جيفنشي يناسبهم رقم 69 اذا كنتي اغمق شوي خذي الدرجة الاغمق ..
تقدري تروحي للمحل وتجربي على بشرتك انصحك تجربيه على وجهك لانه عادة يكون لون اليد مختلف عن لون الوجه .. حاولي ان الدرجة ما تكون بعيدة عن لون بشرتك ..
بالنسبة لي انا احط ثلاث كريمات اساس بنفس اللون وافتح واغمق وهذي طريقة جديدة بس لازم تتعلمي تتمدجي الالوان حتى انا ما تصير مضبوطة معي بكل مرة .. الافتح عشان تظهري وتبرزي الاماكن .. الاغمق عشان تخفيها .. نفس لون بشرتك على بقية الاماكن وبعدية تدمجيهم ..

نروح للسؤال اللي بعده ..

(((( انتي متزوجه ولاا لاا
اكيد لو متزوجه عندكي خبرة اكثر
هل تعانين من الحبوب
وان كان فكيف عالجتيها )))

لا والله يا ام فرح مني متزوجة .. عندك عريس لووووووووول
شوفي يا ستي .. كان عندي حبوب وكانت متعبة حالتي النفسية اكثر من اي شي اخر ..
استخدمت مستحضرات كثير .. ولكن مافي فايدة .. احسن مستحضر والان صار مستخدم بشكل واسع بالمستشفيات بس لانه غالي ما يصرف بالمستشفيات الحكومية ... وهو دوا الرو اكتين .. هذا الدوا مثل ما قلت لك يسبب عقم لمدة سنتين ممكن تتزوجي وانتي تستخدميه بس ما تحملي .. طبعا استحالة اني انصحك تاخذيه كذا .. ليش ؟ لأنه لازم يكون تحت اشراف طبي .. يحسبوا وزنك وعلى اساس الوزن يعطونك الجرعة .. الى ما تذهب الحبوب ..

عندك خيار ثاني .. هو حبوب فيبرا مايسين .. او تابوسين كلها نفس التركيبة .. اللهم اختلاف المسميات .. تاخذي حبة كل 12 ساعة لين ما تخف الحبوب .. طبعا تبتعدي عن الدهنيات وكذا ..
تستخدمي صابون نيتروجين او اي صابونة للبشرة الدهنية ..
وما اتوقع ان مسألة حب الشباب رح تحرجك قدام اهلك .. ياليتك تروحي مع الوالدة او احد تموني عليه ..

(((((وللاسمرار قلتي ندهن المنطقة بالليمون كيف يعني ممكن توضحين )))

شوفي بالنسبة للاسمرار .. الكريمات موجودة ولكن تحتاج لصبر ..
بس في كريمات رح تكون سيئة ورح تظهر لك نتيجة سريعة ولكن بعد فترة ممكن تسبب مشاكل لانها مستحضرات كيميائية رخيصة ..
طبعا مو اي كريم بالصيدلية يعني كويس ورهيب ..
انا قلت لك لينتريك لانه مختبر من الاطباء ... ولاني جربته وبعد اربع اسابيع تظهر النتيجة ..

((زبدة الكاكاو للشفايف كيف شكلها بيكون ))

والله شكلك مو من سكان السعودية والا كان اعطيتك اسماء محلات عطارة ..
شوفي زبدة الكاكاو ممكن تلاقيها بالصيدليات .. وعند العطارين .. وبالسوبر ماركت الكبير .. او الهايبر ماركت ..
تجي علبة بيضة مدورة وعليها ستكرز بني وفيه شريط برتقالي تلاقيه من شركة pal mer's
يكون شكلها مثل الزبدة .. وهي غنية بفتامين هـ اللي هو يساعد على الترطيب ويخلي البشرة والشفاه ناعمة ..

(( وفي جلوس حلو وممتاز من محل إيتام رائع جدا .. شو يعني ها الكلاام ما فهمته )))

والله معاكي حق ايش يعني جلوس .. انا اسفة المفروض اكتبها بالانجيلزي ( gloss ) اللي هو مرطب وملمع للشفاه انا قصدي تحطي زبدة الكاكاو عشان ترطب الشفاه .. واذا جيتي تروحي لمكان تحطي هذا الغلوس ( كذا احسن ) انا نصحتك بشركة إيتام لانه هو النوعية اللي استخدمه بالمناسبة إيتام هو محل ملابس عند الكاشير تكتشفي هذي الاشياء ..

((هل جربتي الميلك والتونيك وهل هو مفيد حقا ومن وين أحصل عليهم ))
بالتأكيد جربت الميلك والتونيك .. اكتشفتهم عند قريباتي وانحرجت اسأل ولكن تعلمت بعد ما دخلت دورة للبشرة ..
وبالفعل عندما داومت على استخدمهما لاحظت ان بشرتي نظيفة ..
بودي شوب لديه الاسعار المتوسطة ولدية الجودة ..

الميلك والتونيك ممكن تلاقيه بالسوبر ماركت لو بغيتي .. ولكن انصحك بالموجود ببودي شوب وخذي الميلك اللي بنكهة الخيار .. لان بشرتك دهنية ..

(( بعدين انا مقبلة على زواج شو تنصحيني اشتري من المكياج اللي يناسب بشرتي او مواد التنظيف ؟؟))
مكياج رائع ومثير ورهيب هو مكياج ( makeup forever )
اشتري من عنده الوان الظلال بس لازم تكوني تعرفي تدمجي الالوان .. وترسميها ..

الاي لاينر اشتريه من لانكوم ..

ويفضل انك تشتري كحل جدتي هذاك الذهبي .. لاغنى عنه ..

الاساس اتفقنا نشتري من جيفنشي ..
وتقدري تجربي البودرة المضغوطة اللي ببودي شوب .. طريقة استخدامها انك تبلللي الاسفنجة وتحطيها على البودرة وتمسحيها على وجهك ..

عند شركة فور ايفر او اي محلات مكياج زي مكياج او facees تسألي عن كونسلار اخضر وهو كريم اخضر تحطيه على الاماكن الحمرا يخفيها يخلي لونها بيج .. ومع الممارسة رح تصيري مبدعة ..

بالنسبة للتنظيف طالما انك مقبلة على زواج اكيد انك رح تسوي حمام بخار ماء .. وبعدين تعمل صنفرة لوجهك بكريمات الصنفرة ولو ما تعرفي من وين تنباع ممكن اوصف لك طريقة ولكن والله تعبت من الكتابة ..
وبعدين تحطي قناع على وجهك .. وبعد ما تغسليه يكون وجهك نظيف تقومي تسد المسامات بالتونيك عشان يقعد وجهك نظيف ..

اتمنى اكون افدتك ..

(( وشكرا لكي على التوضييييييييح ))

بالله هذي من وين اصرفها .. ادفعي فلوس الكشفية اقل من 3 ريال ما اقبل ..

بالتوفيق ان شا الله .. وتحت امرك باي وقت واعتذر عن التأخير

الف مبروك مقدما بارك الله لكما وبارك عليكما وجمع بينكما في خير