|
هلا وغلا ام نورة .... ثقل الدم يعني مافي ضحك في البيت ... يعني كأني عادل امام في مسرحية مدرسة المشاغبين والا شاهد ماشافش حاجه بس من دون جمهور ينكت لنفسه ولعيالة فقط .... فهمتي :mad: فاتحتها الف مره ... يابنت الحلال فكيها ترى الدنيا ما تسوى ولا حياة لمن تنادي .... عموما اشكر لك تفضلك بالمشاركه .... ثائر |
اخوي ثائر حقيقة من اسلوبك ................... عرفت شخصيتك ................. :D طالع محلل نفسي :D شوف صراحة انت شكلك تقلب كل شئ ضحك وفرفشة وحق فله :D وزمان كانت جلسات الشباب من دونك عزاااااااااااااااا :D ما ادري وصفي صح :D ولا خطأ :mad: انت دمك شربات :D وطبيت في وحدة دمها كتشب :mad: اشوف اخوي ان هذا نصيبك ...................... ولازم تتحمل شوي .............. ومن شاف مصيبته هانت عليه مصيبة غيره شوف مصايب الأزواج هنا والزوجات وراح يشيب راسك وتقول انا ما عندي اي مشكلة ..................... يا اخي مو لازم تتبادل معها النكت :D خلي محور حديثكم نشرة الأخبار والنشرة الجوية :D ترى امزح :D أسأل الله العلي القدير ان يسعدك مع زوجتك ويعطيها من خفة دمك ................. ورحوك العالية ............ شويتين تحياتي |
والله ياثاير موتني من الضحك ..
بس فعلا شر البلية مايضحك شكلك والله اعلم اسلوبك مزحة برزحة احتمال انك ترزعها بالكلام بدون ماتقصد والحريم حساسين شوي يمكن اتتريقت عليها بدون ماتقصد قدام احد من اهلك او اهلها او شكلك عاك معها ايام الخطبة ولسه شايلتها بنفسها وصاير تغثها ماتضحكها ويكون داخل البنية ترسبات نفسية وانت ناسي قلب دفاترك القديمة وراجعها |
هههههههههههههههههههههههههااااي
ثائر اتوقع لو زوجتك تقرا ردك على الاعضاء تفطس من الضحك غصبن عنها هالمرة انا بعد للاسف زوجتي نسخة بالكربون من زوجتك شعارها لاضحك بعد اليوم |
الحقيقه مثل ماقال المقاتل أنا أشك أنك تحب زوجتك
وكان من المفروض تدور على طريقه تتقرب إلى زوجتك مو تقول لها نكتنك وأنتِ ثقيلة طينه وبعد أنا أشوف أنك يمكن المشكله فيك أنت تشوف أنك أخف وأظرف منها وفي المثل ضرب الحبيب زي أكل الزبيب فكيف لما يكون محاولت ترفيه وكسر حاز الصمت ولو بنكته بايخه هي أذكي في جعل حوار التواصل دائم وبالقليله أنك ترافس برجولك أتمني لزوجتك طولت البال عليك لأنها عرفت ثقل دمها وحاولت تنكت عشان تشوفك تضحك على نكت قديمه وأنت تقول نكته قديمه وهي تقول لك قديمه وتعطيك أقدم .........وأن كنت شاطر أفهم |
اخوي العزيز
انا اعتقد إن اكثر شي يخلي زوجتك تتلحلح وتدلع وتضحك من كل قلبها الغيرة انصحك بطريقة يبا لها قلب قوي في البداية بس بتنفع 100% لأنها نفعت مع زوجتي كلمها بصراحة وقول لها انا احس بنقص واحس اني محتاج زوجة اقعد وياها وانسى روحي واكون فرحان وإذا انتي ما كنتي مثل ما اتمنى ((وقول لها شنو تبي منها تكون)) قول لها اذا ما صرتي جذي وإذا انتي ما اسعدتيني ترى عين الرجال ما تمتلي بسرعة وحلال اتزوج اربع مرات وقارن بينها وبين زوجات ربعك حتى لو ما تعرف زوجات ربعك شنو تصرفاتهم بس جدي علشان تحرها وتخاف على حياتها وبس لا تعطيها مجال ترد ولا تتكلم اطلع من البيت روح مع ربعك او نام وخلها تحترق وبتشوف يوم ثاني او ثالث شنو بتصير بس المهم وانت تتكلم تقول لها شنو انتى تتمنها تكون وشنو تتمنى تصرفاتها تصير يعني عبر عن مشاعرك وقول لها انا بعد خلاص ما ابي اتكلم في الموضوع وبنساه ولمن ترجع البيت اعمل نفسك زعلان او لمن تقعد من النوم اعمل نفسك زعلان وطبعا انت في داخلك ودك تضحك بس صج بتشوف الزوجتك شلون بتصير لأنها بتخاف على زواجها يضيع وحياتها تتدمر بس المهم لا تبين لها انك مهتم لها حتى لو عملت نفسها زعلانة لا انت اللي ازعل وكأنها متهاوشة معاك يعني اقلب الموضوع عليها وخبرني شنو صار معك |
هلا وغلا بالمجاهد .... وشفيكم على شخصيتي ياناس انا ابي حل ومابي احد يحلل شخصيتي :( صدق انا راعي فله وضحك ووناسه بس في الاخير رومنسي >> روميو العرب :D يامحاهد والله صعب انك تمارس حقك في الحياة الزوجيه وانت لاوي بوزك شبرين وكأن براطمك نسافه حقت سيكل ... الواحد لازم يفرفش ويتونس ...مابقي الا سارعي للمجد والعليا اقوله قبل النوم واخمد ... يعني انواع الغصب :mad: ما اقول الا الله يسمع منك يارب .. شاكر لك عزيزي على خفة دمك وتواجدك ومحاولتك للحل :) ثائر |
اهلا ليلاك ... لو صدق الي تقولينه فمعناته اني اكتشفت فيها صفة جديده الا وهي الحقد :d >>> ما يعجبه العجب .... والهمز واللمز وارزح هذا لازم منه اقصد التلميح وليس التصريح يعني ممكن يخفف من وطي الفاجعه عليها وعليّ بس ما توصل لحد الزعل يعني شوية ضحك ووناسه ولكن التبويزه ما تفارق محياها .... شرفني تواجدك واسعدني تعقيبك ... ثائر |
شكلك انت عاجبك الوضع وما تبي تحاول
لأن اللي يبي يصلح حالة يحاول حتى لو بالتعب بس المهم في النهاية يوصل الى نتيجة |
هلا وغلا برمز الرجوله ... وش رأيك نسوي جمعيه نسميها جمعية الازواج الي زوجتهام نسخة بالكربون :D طبعا الاسم طويل نوعا بس ولا يهمك نختصره ونخليها ... رمز الرجولة والثائر وباقي العيال المحدودة :D اقول والله لو انها شافت الموضوع والردود بتقول وكمان ثقالة دمك وصلتها للانطرنط ( انترنت ) >>>> نسيت اقلك انها تعاني من نطق بعض الحروف :cool: >>> امزح لا تصدق... اشكرك عزيزي على تواجد ومرورك الكريم ثائر |
| الساعة الآن 05:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©