رد: زوجتي سبب أحزاني
 

هو هذا اللي بيصير إن شاء الله .ولو حصل إيش المتوقع منها ؟

رد: زوجتي سبب أحزاني
 

تبدأ اللعانه والطلبات
والتنكيد عليك بكل الطرق

رد: زوجتي سبب أحزاني
 

سؤال انت ليه مخليها على ذمتك وانت ماتبيها ولا لك خاطر فيها؟ وهي راضيه بوضعها كذا؟
هي ممكن تطلب منك الطلاق، واعتقد عادي عندك ممكن تطلق بسهولة.
ما تقدر تسوي شيء دامك مو مقصر على عيالك مافي شيء زيادة ممكن تطلبه وتنكد عليك فيه غير موضوع الطلاق.

رد: زوجتي سبب أحزاني
 

الله يعين وحسبي الله

رد: زوجتي سبب أحزاني
 

أنا قلت لها إذا تبين الطلاق المحاكم موجودة روحي لها أو عن طريق الجوال .. وما راحت .. ولو راحت أهلا وسهلا . ليش مخليها ؟ عشان نقطة ضعفي الكبيرة ( الأولاد ) ما أبيهم يعتبرون إن الخطأ جاء مني . بعكس لما هي تطلبه .

كل مشكلتي اللي أخاف منها هي العيال إنهم يروحون معاها وتمنعهم مني ثم أصير لا ميت ولاحي .. غيره بالطقاق اللي يطقها

رد: زوجتي سبب أحزاني
 

وشو اللي عن طريق الجوال؟ طيب هي لو تروح المحاكم عشان الخلع بتضطر انها تدفع مبلغ محدد وهي يمكن ما تملكه. ما أعرف كم اعمار عيالك لكن مااعتقد يجوز انك تخليها على ذمتك وتعلقها كذا وانت مالك نية رجوع "و إن يتفرقا يغنِ الله كلاً من سعته"

تبي الصراحة أنا أول مرة أشوف رجال عايف زوجته وخايف من ردة فعلها على شيء مو من حقها تتكلم او تتعرض فيه :)
انا اشوف هي المفروض تخاف مو أنت

رد: زوجتي سبب أحزاني
 

لما جلست معها قلت لها وش اللي يخليك تسوين كذا إذا ما تبيني لا تبهذلين في وتعذبيني معاك إذا ما تبيني عادي روحي اطلبي الخلع من محكمة أو عن طريق الجوال إذا ما عندك أحد يوديك وإذا ما عندك فلوس ما أبيها لك . وما راحت ومو قصدي يوم أقول الجوال إلا تبسيط عليها قلت ممكن ما تعرف إن الان الطلب كله اكتروني فلو راحت للمحكمة راح يقولون روح سجل طلب بالموقع .
أنا خايف من ردة فعل تلحق العيال وبالتالي أنا أتضرر .. أما خوف منها فوالله ما حركت شعرة بجنبي .. أو إنها هي تتعرقل زواجي فالموضوع فات عليها وعزمت متوكلا على الله ..

وعيالي صغار اللي 12 واللي 10 و4 سنوات

بصراحة نقطة ضعفي عيالي لأن سبق وراحت فيهم لأهلها في منطقة بعيدة عن تبوك ومنعتهم من التواصل معي ومرت علي أيام والله صوتي تغير كل من سمعني يقول أبوفلان وش فيه إذا كلمناه بالجوال كأنه يبكي وأنا والله ما في بكاء بس مدري وش اللي جاء صوتي وتغير وجهي وحالي .. صابني انكسار الله به عليم وحسبي الله . حتى أخذتهم بحكم المحكمة والحمد لله .. فأخاف من عواقب قد تعيد لي الألم مرة ثانية ..

رد: زوجتي سبب أحزاني
 

مو من حقها تأخذهم عنك أنت اشترطت عليها عيالك يكونون جنبك. بأي حق تبعدهم عنك!

رد: زوجتي سبب أحزاني
 

عاد أخذتهم
أخذتهم على إنها رايحة زيارة لأهلها بس ويوم ضمنت أنها عند أهلها ( مسافة 1000 كيلو تقريبا عننا ) وشافتني اتصلت على جوال ولدي أخذت منه الجوال وهات يا سب وشتم وسحبت الجوال منه وهي عارفة إن ما أقدر أجي أقدم على المحكمة في بلدتها لصعوبة الروحة والجية ولأنها ما راح تحضر من أول جلسة وراح أتغلب كثير بالمواعيد .

من هنا بدأت معاناتي الفضيعة وهذا هو اللي مخليني أتوقف وأفكر عند بعض المحطات وإلا هي وربي ما فكرت فيها وعسى الله يعوضني خير .. أما مسكتها كذا معلقة فوالله إني أفكر فيها كثير وراح اٍسأل شيخ إن أفتاني بأنه ما يجوز تحت أي مبرر فأنا بطلقها وتكون الثالثة والأخيرة وحسبنا الله .
وهي لو تبي الطلاق كان راحت وقدمت بس ما تبيه وتبيني أجيها خاضع بشروطها وأقبلها بوضعها التعيس وهذا هو المستحيل بعينه .. وهذا اللي يخليني عاجز عن التفكير هو الأثر البليغ اللي راح يكون على العيال .. الآن وضعهم استقر وأحسن بكثير من قبل .

رد: زوجتي سبب أحزاني
 

موضوعك يحير بصراحة بس ما اشوف له حل الا انك تتزوج وتستقر بما ان مافي نية رجوع..
ولو ان الود ان الامور تنصلح فيما بينكم عشان العيال اولا و أخيراً ..
الله يصلح الحال