|
رد: زوجي ومشاكل مابعد الإنجاب
اقتباس:
هلا غاده مايحتاج تسجلين مقطع صوتي ردك لامس قلبي وحسيته طالع من قلبك خدامتي زينه مره وكاميرات عندي مركبتهم نص حملي قبل أجيب شغاله حتى والمشغل أبشرك يجوني البيت خدمات المساج بيوتي والهوم بيوتي ماتقصر يعني مافيه أمل أطلع من البيت :) إكتئاب النفاس ما اعتقد لأني الحمدلله مافيني اكتئاب ولا كرهته ولا كرهت أحد بس كل مافي الأمر إن فيه فرق بين الشي السهل ياغاده والشي الصعب بين اللي يجيك عادي واللي تتعبين وتخسرين كثير لين يجيك أما وسواس الخوف صراحة يمكنه فعلا فيني أقولك شي بس لا تنصدمين ! أحيان إذا واحد منهم طوّل في النومه أجيه أصحيه اخاف صار فيه شي بعدين اندم اني خربت عليه :( وأحيان وهم نايمين اقرب واجد بشوف يتنفسون ويتحركون 😭 أنا مستمتعه فيهم وبوجودهم بس أحتاج وقت عشان أرتب وضعي شوي اللحين مشكلتي مع الدوام لو عاندت ومارجعت ادري باسه قوي ولانيب خالصه لكن فعلا خطأ عظيم اني اداوم الآن حتى الطالبات مالهم ذنب اجيهم وانا بهالحالة |
رد: زوجي ومشاكل مابعد الإنجاب
مرحباً أختي
من الذي كتب عليك التأخير في الحمل ..الله سبحانه وتعالى ومن الذي ألهمك الصبر والتحمل على المحاولات مرات عديدة والإبر والعلاجات .. الله سبحانه وتعالى ومن الذي رزقك الأطفال وحقق لك أمنيتك .. الله سبحانه وتعالى ومن الذي سيحفظهم .. الله سبحانه وتعالى أختي لا تخلطي الأمور وتشربكيها ببعض وتحملي زوجك معاناتك السابقة في أن عليه أن يصبر ويتحمل .. بمعنى أن تقولي في نفسك .. متعتك سنين وريحتك وعليك الآن أن تقدر الوضع وتعيش الواقع الجديد وتتحمل ..!! أختي أنتِ تعلمين أن تفكير الرجل غير تفكير المرأة .. وما ترينه غلط هو كذلك يراه غلط .. ولكن الفرق أن الغلط الذي ترينة من جهتك وقناعتك غير الذي من جهته وقناعته أختي أنت فعلاً تنقصين على زوجك وتضيقين عليه بتصرفاتك التي تعتقدين أنه المفررض أن يقدرك ويشكرك عليها إنتبهي لزوجك وأعطيه حقه من كل النواحي بقدر إستطاعتك .. وأما الأطفال فيمكنك أن تأتي بخادمتين لو كان لديك إمكانية مال .. ولو لفترة أشهر بسيطة حتى يكبر الأطفال قليلاً وتتأقلمون جميعاً على طبيعة حياة جديدة بطريقة معتدلة أعانك الله |
رد: زوجي ومشاكل مابعد الإنجاب
اختي الف مبروك على أطفالك ربي يرزقك برهم
لكن لا تقطعين والديك علشانهم ترضين اولادك اللي تعبتي عليهم يقطعونك اذا كبروا بسبب اولادهم بالعكس الوالدين يفرحون بأولادك خليهم يلعبون معهم ويناغونهم |
رد: زوجي ومشاكل مابعد الإنجاب
عودا حميدا ابلا دلال
ومبروك ما جاك ويتربون في عزك دخلت عشان ابارك لاني ما اقدر افيدك حالتي متقدمة عليك 😁😁 العالم كله في كفة وانا معهم واولادي في كفة زوجي كل يوم يقول اني لست طبيعية في خوفي وتعلقي باولاددي وانا اقول في قلبي انت الي مش طبيعي ما عندكش قلب فقط اقول تداركي نفسك قبل ما تصيرين مثلي ويطلق علينا بالفرنسي lلام الدجاجة وهي التي تكثر من حماية اولادها وخوفها غيرطبيعي |
رد: زوجي ومشاكل مابعد الإنجاب
اهتمي في نفسك الاجل نفسك
ان لبدنك عليك حق |
رد: زوجي ومشاكل مابعد الإنجاب
اقتباس:
ويجعل حياتك كلها تباشير بنت طيبة ❤ أحاول ما استطعت امسك هالعصا من النص بس ياكثر ما أميّل غصب وانت تعرفيني ما اصعد المواضيع ولاعمري تمنيتها توصل لأهلي بس سبق السيف العذل الأمور ياخيتي اصعب من قدرات تحكمي صرت افكر اشترك في دورات عن بعد استفيد منها بخصوص هالمجال بس برضوا مافي وقت لو تعرفين كم استغرقت عشان افضي نفسي وارد عالردود هنا اقتباس:
صادقة ياتوتي مهما حاولت أشرح محد يحس بشعور الطفل بعد التأخر حتى في الطب يسمونه الحمل العزيز ومايعاملونه معاملة طفل عادي او حمل عادي البوصلة اللي أذكره اني انا شمالية بس هو نسيت ياجنوبي او غربي الله يعين والله مشكلة إني لازم بعد احفزه عشان يصير فيه مسؤولية !!!! اقتباس:
الله يفرحك يارب ويبارك فيك ويحفظ لك اطفالك ويبارك فيهم الحقيقة اني أضغط على نفسي فوق ماتتخيلين والمصيبة فعلاً لو اضطريت اتنازل وأداوم عشانه وانا بهالحال وبهالظروف |
رد: زوجي ومشاكل مابعد الإنجاب
اقتباس:
هم بالفعل مصدر متعة الله يحفظهم بس ممزوجة بتعب وتعبهم طبيعي بس اللي مو طبيعي ان الناس ماتتقبل هالتعب وتشوفه مشكلة 😓 ان شاءالله فترة ونتجاوزها على خير اقتباس:
ادخلهم حضانة خمس ساعات !! وبيتهم وش كبره وعندهم عاملة ومو مضطرين انت قد دخلتي حضانات وشفتي كيف وضعها سبع اطفال في الغرفة مع حاضنة وحده وحالة وزحمة ونقل فايروسات وأمراض وامور الله لايضطرني لها اصلاً كل يوم مع قهوة الصباح في غرفة المعلمات حديثهم عن مآساة الحضانات وشكواهم اللي توجع القلب إن شاءالله مرحلة ونتجاوزها يآرب |
رد: زوجي ومشاكل مابعد الإنجاب
قصدي عادي روحي زوري ابوك و الناس وهم معك و عاملتك معك
انا ضد ترك الاطفال مع العاملة صديقتي تاخر انجابها قليلا بعد عدة اسقاطات المهم زارتني و طفلها عمره سنة لو ما زارتني افضل 😅يعني ماتعطي لحديثي معها اهمية ، ولدها توه يخطي و عينها على كل حركة يسويها اوه سوى كذا اوه جلس و اوه قام،، اصلا طول الوقت تكلمه ما تكلمنا 😁ومهمشة اللي معها ، صفر على الشمال بصراحة شيء مزعج انا قصدي حبيهم و احرصي عليهم اشد الحرص ، بس لا تظهرين و تبالغين قدام الناس ، و ابوك زعلان ارضيه انا كنت مثلك من النوع اللي يحاتي مرة واخاف عليهم و الكل يننقدني مررررررة ماتقبلوا خوفي عليهم |
رد: زوجي ومشاكل مابعد الإنجاب
غلطاااانه اختي غلطانه متى تصحين اذا جت فوق راسك مره!!!
زوجك محتاجك وبالعكس تصرفه جدا جميل كلم امه وبيودي العامله بالتونزات لامه ماقصر فوقي قبل خراب مالطا والله حرام ممكن ينفر منك هو لسا مااستوعبهم وبعدين راح يتعلق فيهم الله خير حافظ وهو ارحم الراحمين |
رد: زوجي ومشاكل مابعد الإنجاب
هلا حبيبتي
لا تزعلين من كلامي زوجك معاه حق .. تخيلي تحبين واحد سنين ومرتاحه معاه وفجاءة ينقلب عليك ويصير انسان ثاني ويقول لك مشغول مشغوووول تعبان ويهمل شكله واهتمامه فيك وطول اليوم مشغول ..بتصبرين شهر وشهر وشهر واخرتها بتملين وتكرهين نفسك وحياتك وتبرد مشاعرك له.. ولو دخل لك واحد ثاني عالخط وصار يهتم ويسال ويحب اكيد بتعليقين فيه لا تعطينه سبب يشوف غيرك شوفي حتي اهلك وأقرب الناس لك انتي تغيرت عليهم .. انا عارفه احساس الأمومة صعب بس انتبهي لو خسرتي زوجك مستحيل ترجعينه لك .. اذا طابت النفس وحصل بديل سلمي عليه والحمدلله عندك شغاله حنونه استودعي عيالك الله سبحانه وتاكدي حرصك الزايد عليهم ماراح يمنع قضاء الله قدره الحافظ رب العالمين هو اعطاك العيال وهو اللي بيحفظهم لك عطي زوجك وقت ووجه وانتبهي لنفسك وشكلك وجامليه ولا تحرمينه منك تجملي له وراعي خاطره واذا شاف تغيرك هو بيصير يحب عياله ويساعدك بس عطيه حقوقه بالاول الله يهديك |
| الساعة الآن 07:33 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©