رد: الزواج من فتاة ليست قبيلية
 

انا ضد العنصريه
ولكن اخوي حنا عايشين بمجتمع
ومثل ماقال الاخ نايت على حسب حدت القبليه عندكم
فـ فيه بعض المناطق عادي عندهم والبعض مصيبه
فـ الزواج مو بين اثنين بس
الزواج ارتباط عائلتين يعني اذا انكم متشددين راح يكون فيه مشاكل لها اول مالها اخر
وغير ان عيالك راح يكونوا منبوذين لا احد راح يزوجهم ولا ياخذ منهم
فـ وش لك ولوجع الراس
ومثل ماقالوا حلاة الثوب رقعته منه وفيه

رد: الزواج من فتاة ليست قبيلية
 

ياخوي الواقع فارض نفسه بقوه ، اعلم علم اليقين ان اكرمكم عند الله اتقاكم واعلم يوجد من العوائل والقبائل الغير اصيله يسووون القبيلي بمليون مره سواء بالكرم وحفظ العهد وحفظ الجيره ، لكن جرت العاده مايتزوجون منهم وياليت المسأله مسألة كلام وقيل وقال كان هانت ... لكن المسأله اكبر من ذلك المسأله اجتماعيه بحيث بناتك منو راح يتقدم لهن ...! ويوجد حالات كثيره يذهب الرجل لبلاد الشام ويتزوج ببنت اصل وفصل وتدور السنوات وتتزوج اخت زوجته برجل غير اصيل فصبحوا الاولاد عيال خاله ويبدأ الهمز واللمز وهكذا ، والله المستعان

رد: الزواج من فتاة ليست قبيلية
 

لا تتهور وترتبط فيها مجتمعنا محارب وبقوة للقبيلي والغير قبيلي وبيعود عليك بالضرر وعلى اسرتك وابنائك مستقبلن
انا اعرف وانت تعرف عن الغير قبيليه افضل بكثير من الاجنببه اللي ماتدرب وش اصلها وفصلها بس هذي عادات وتقاليد مانقدر نغيرها وشفت انت وشلون طلقو بنات من ازواجهم بعد ماخدعو انهم اصل وبالقانون ولهم عيال غصب على الرجال وزوجته
تبي شوري وانا اختك خذ من ربعك اعز لك واسلم من القيل والقال

رد: الزواج من فتاة ليست قبيلية
 

مثل ما قال الفهلوي .. اذا فلووووس ولا منصب عادي بيتقبل المجتمع وانت بعد بتتقبل اكثر

لكن حقيقه الامر راااجع لك ولقناعتك .. وفكر فيها مستقبلا هل مجتمعك بيستنقص اولادك مستقبلا .. او لا


مع اني اشووف ان الرجل القبيلي المنصب يكون سفير مثلا والله يااخذ في بعض الاحيان امرأه صينيه او فلبينيه او المانيه او غيييييره


وعااادي جدا وعايش حياته.. ويشرفهم نسبه مستقبلا

فما ارى فيه مشكله دامها عايشه وعارفه عاداتنا وتقاليدنا

رد: الزواج من فتاة ليست قبيلية
 

الي شفته انو بعض القبائل ما عندها مشكلة ياخذ ولدهم من وحدة حجازية او وحدة حضرية.. مافيه مشاكل ابد..

لكن الي فيه مشاكل انو بعض القبائل عليها كلام انهم يدعون القبلية وليسو بقبائل.. وهذول دايم يكثر الكلام عليهم.. على اساس انهم مجرمين بانتسابهم الى قبيلة ليس لها وجود.. وهذا الشيء الي شفته يسوي مشاكل كبيرة مرة .. وياليت هذا الشيء يندثر ولا يعود موجود لأنو من جد هذا جهل وتخلف لابعد درجة ... يعني المفاخرة على ايش.؟؟؟ ايش الانجازات بالبشرية ؟؟؟ مافيه ولا حاجة.. اذا الاشراف ما تفاخرو بالطريقة هذي.. ولا حتى عيال اديسون ولا اينشتاين سووها رغم انهم قدمو للبشرية اشياء كبيرة جدا.. ولا يزال يستفاد منها ..


لكن نحن لا نزال نغط في الجهل والتخلف والرجعية بلا فائدة..

رد: الزواج من فتاة ليست قبيلية
 

اذا راح تشطح كذا ..خذلك وحده مميزاتها وااو .جميلة ودكتوراة واخلاقها عالية وأهلها مبسوطين .
وخلي جماعتك لما يذكرونها ينسون شيء اسمه ماهي منا وفينا من كثر مافيها حلا من كل نواحي .

رد: الزواج من فتاة ليست قبيلية
 

الحمد لله حتى يبلغ الحمد منتهاه ,, شكرا والف شكر ddg لكل من تفاعل معي في الموضوع والله يجزاكم عني خير الجزاء ,, تمت الشوفة الشرعية والبنت تسوى ,, وتم عمل الاستخارة وسوف أمضي في الامر واتوكل على ربي ,, مطلووووووب منكم الدعاء لأخيكم المسلم في ظهر الغيب

رد: الزواج من فتاة ليست قبيلية
 

الله يسهل امرك ويشرح صدرك ويجعلها زيجه مباركة ومادام استخرت واقدمت فلله الامر من قبل ومن بعد

رد: الزواج من فتاة ليست قبيلية
 

,الله يوفقك

رد: الزواج من فتاة ليست قبيلية
 

الف مبارك لك وعساك على القوة ولا عليك من احد وخل امرك لنفسك وعيش لعائلتك واترك القبيلة تخبط بجدار.