|
رد: ماهو شعورك هذا العيد ؟
جدي متزوج من ٣نساء
ماشاء الله اعداد اعمامي وعماتي كثير رغم صغر سنهم وقت عيد رمضان كل اعمامي يجو بدون زوجاتهم وعماتي يجو بدون ازواجهم واولادهم الكبار وماما ترروح عند اهلها وتاخذ اخواني الصغار معها بطلب مني عشان اقضي وقتي مع اعمامي وعماتي وانبسط عندنا استراحه خاصه مشارف المدينه نجتمع بها بعد صلاة الفجر الصاله كبيره جدا عباره عن جلسه مغربيه جميله جدا نجتمع بها اعمامي وعماتي وزوجات جدي يسوو الفطور فطور العيد عباره سليق نفطر ونسولف وبعدها مسابقه رمي بسلاح كان السلاح اتوقع اسمه خرازه نتغدا بالاستراحه ونرجع للمدينه وننام والليل نسمر ويكون فيه العاب مثل سوني وبلياردو وكيرم لحد الفجر هذى الطقوس خاصه بعيد رمضان يعيني اول يوم بالعيد خاص فينا احنا العايله ومعايدتنا للاقارب تبدا من ثاني عيد طبعا عيد الحج مختلف تماما اول عيد عيدت مع اعمامي وعماتي بس للاسف جدي رفض يقابلني صح اتضايقت بس اعمامي هدوني وقالو معاليك وانسطي واحنا مبسوطين بجيتك وانبسطة معاهم ورميت معاهم وصبت الهدف واليوم رايحه لاهل زوجي |
رد: ماهو شعورك هذا العيد ؟
مساء الخير
كل عام وانتو بالف خير ..ينعاد علينا بالخير والصحه و السلام يارب علينا وعلى جميع الامه الاسلامية fdgrg بالنسبة لي العيد كان امس اول يوم وكان حماس كثير بس لازم يكون في غصه (اختبارت وراء العيد)fgfg بس هانت اخر ماده واخر فصل واخر عيد اذاكر فيه ffhhf العيد عندي يبدا من اخر يوم رمضان بعد ما خلصت من سوق ^^ رجعت حصلت كهربائي عمل شويه تصليحات بالبيت (مع اني متصله فيه من اسبوع وماجاء الا اخر يوم رمضان )المهم اضطريت انظف من بعده وكملتها ترتيب البيت حتى الصباح وطبعا يومها ماعملنا لهم فطور الا طبق واحد وصديق ابوي جاب فطور (جزاه الله خير) بعد العشاء راحو ابوي وامي يشترو حلوى وخبز بالقالب (هاذولا اهم حاجه في العيد) ويتوفرو اكثر شي في اسواق شعبيه و جو بنت خالي وبنات خالتي عشان عندنا موعد مع محنيه (ماعرف انتو ايش تسموها اللي تعمل حناء) :D هي مفروض تجينا 10 المساء بس تاخرت لحتى 12 باليل عشان كذا عملنا لبعض شوي تعديلات وتجهيزات حتى جت وكملت لنا وجين بنات عماتي وبنت جيران كملناها لساعه 6 الصبح مستحيل اروح صالونات وقت العيد اللي عايز يخدمني يجيني لبيتي ;) لان حجوزاتهن مستفزة وماعندي طوله بال انتظر ساعات والي جبتها ولو انها استفزتني شوي بتاخيرها و تصرفاتها بس مشيتها عشان ما امسك طابور الصالونات 6:20 الكل راح بيته واعدت ترتيبت المجلس وبدو اخواني يتجهزو لصلاة العيد (احلا لحظه) واجتمعو كلهم مع عمامي لان بعد الصلاة يطلعو يعيدو لاقاربنا واهم شي جدي ♡ وتكشخنا طبعا وفتحت قناة المحلية عشان اسمع اغاني العيد عيد عيوود عيد عيوود عيد عيوود عيد عيوود احبابنا اليوم عيد اصحابنا الكل سعيد والثانيه اللي ذكرها محب سنه احلا اغاني العيد كلماتها بسيطه بس مفرحه جدا ^^ بس انا لم اكتفي بهن وفضلت نشيد (هتاف الابرار) احبها في كل مناسبات dvf طبعا الصباح الكل ماسك نظام رمضان جيعانين وماعرفو ياكلو والله بالغصب شربت شاي وانا اقولها لاختي دخل اخوي قال انقذوني ميت جوع وماعرفت اكل ffhhf الحمدالله الذي بلغنا صيام رمضان وقيامه واسال الله ان يتقبل منا صالح اعمالنا♡ بعد جوع شديد تغدينا ساعه 10 صباح (مرق لحم مرق خضره رز وسمن )sdd اللحم جابوه بمناسبه العيد لان اغلب الاحيان يذبحو في اعياد ورمضان كذلك الشيبان مايتفاهمو اذا م توفر اللحم والسمن واخر شي يشتكو من نقرس وكوليسترول وبليل رحنا عن بيت جدي وكان يوم جميل واليوم رحت لبيت عمتي وجيراننا العيد عندنا لااازم نقضيه في بيوت لان الناس تزور بعضها والكل يستقبل ضيوفه اول يومين يعني عادي يصير اكون ضيفه عند احد وفجاءه ضيف اخر يجي وانا استقبله في بيت الناس اهم شي الناس تعيد ""gg وان شاء الله بكره ثالث يوم رح يستاجرو بيت في منطقه جبليه جميله fffsg انا طبعا رح انثبر في بيتنا اخلص اللي عليا rfegr فصبرا جميل والله المستعان حمدالله حتى يبلغ الحمد منتهاه اختي صاحبه الموضوع عيشي حياتك وانبسطي بكل لحظه تعيشيها هناك هي مرحله وتعدي بحلوها ومرها وبتكون بعد فتره ذكريات حلوة ان شاء الله dgt |
| الساعة الآن 08:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©