رد: موقف بسيط و رأيكم
 

اخي الراسي
الامر يحدث في أوقات متقطعة. تقريبا شهريا. مدة اسبوعين. مثلا. احيانا. شهر كامل و احيانا اسبوع في الشهر. و هكذا
الامر كما قلت لا ضرر كبير. بس انها تريح شوي لما توصل قبل بنتها. تجيني حرة منها خصوصا ان مافيه ميانة.

رد: موقف بسيط و رأيكم
 

اليوم أخبرتها
بعد تحيتها و التصبيحات
انه اذا رجعت للمنزل تخبر السائق ان ينزل ابنتها
لاني سأذهب لتناول الغذا بيت اهلي. و فعلا انا عازمة نفسي. عشان بعد الغداء عندي مشوار لتسجيل بنتي بنادي لتقوية القراءة و سأذهب مع زوجة اخي.

لم ترد علي

و جاءت في وقت ابكر مع سائقها. لا اعرف ربما قبل ان يذهب لبناتها. ربما زعلت. الله أعلم

لا اعرف كيف ستفهمها. لكن لي سنتين استقبل ابنتها وقت الدراسة. بتلقي الأوامر منها دون اي تعليق غير الترحيب

رد: موقف بسيط و رأيكم
 

السايق من سايقه
هو هو لك ولا لمره حماك

رد: موقف بسيط و رأيكم
 

اي سائق؟
سائق المدرسة يوصل مجموعة بنات
و هي لها سائق خاص يرجعها فهي مدرسة

هي ردت علي عموما. بموفقين ان شاء الله. تتبعها وردة و كذا. شكلها ما فهمت😁

رد: موقف بسيط و رأيكم
 

انتي الي تحكمي اذا الموضوع زاعجك ولا لا..

لنفترض انه مضايقك..

المصارحة ماتنفع هنا برأيي.. ماراح تقدري تقوليلها خلي بنتك عندك تراك زودتيها..

1-بس كثر الدق يفك اللحام خليها تفهم غصب.. كل يوم تحججي،، قولي اسفة طالعة مشوار.. اسفة عندي شي.. اسبوع بالأكثر تستحي على دمها وتفكك..

2-أو خلي الأمر مناوبة.. اليوم يجو عندك وبكره بناتك يروحو عندها أوعدك ماراح تستحمل كثير وراح تنسحب من الاتفاقية..

رد: موقف بسيط و رأيكم
 

عزيزتي
قلتها كذا مرة. الوضع يمشي الحال
بس نقطة انها ترجع و تخلي البنت هذه فقط اللي حابة أوصلها لها
و ما اقدر اخلي بناتي يروحوا عندها. هي موظفة و عذرها انها لسة في الدوام. و انا في البيت

رد: موقف بسيط و رأيكم
 

حبيبتي
لا تكبري المساله ولا تحطي البنت براسك

رد: أشعر باستغلال بنت حماي باحضارها ابنتها عن
 

مسز داني بذكر لك موقف جدا مشابه حصل معي موخرا..
انا عندي سائق خاص يوصل بناتي المدرسة ويرجعهم ..
حماي ساكن ببيت ملاصق ببيت ام زوجي وبناتها وعندهم سائق خاص فيهم مشاركة بينهم .. انا بيتي يبعد عنهم شوي ..
لما سافر سايقهم طلبو ان سايقي يمر على ابناء حماي (البنت في مدرسة بنتي والولد في طريق اخر.. وبناتي جميعهن مدارسهم متلاصقة ..)
اللي صار ان لازم اصحي بناتي ابكر من المعتاد واجهزهم بسرعة ويطلعون قبل الموعد بوقت كافي لأنهم يمرون بيت عمهم وبعدين يوصلون ولدهم ثم بناتي وبنتهم.. كثير احيان عيال حماي يتاخرون في الخروج للسيارة فالبنت تبكي والولد يعاند .. بناتي صارو يوصلون بعد الجرس .. بالاضافة الى شكوى السايق من الازعاج يقول مايقدر يركز وكم مرة اوشك انه يصطدم بالسيارة بسبب الازعاج والحركة الكثيرة في السيارة.. سكت وتحملت تقريبا 4 شهور وقلت معليه هم محتاجين ومتورطين فترة مؤقتة ويرجع سايقهم .. سايقهم راح وانتظرو موعد رجعوه وقال انا تزوجت وماراح ارجع.. قلت معليه قريب يخلص الفصل ونرتاح .. في اجازة الصيف وصل سايقهم الجديد. ماعنده رخصة سواقه وصار يتدرب ويمتحن ويرسب .. انتهت الاجازة الثلاث شهور وهو ماحصل الرخصة .. انا قلت اكيد دبروا حالهم .. مثلا ابوهم يوصلهم .. او امهم اللي عندها رخصة سواقة بس ماتبي تسوق وربة منزل يعني فاضية وتقدر توصلهم وتجيبهم .. وعندها خادمة تجلس مع ولدها اذا بتوصل عيالها .. او تخليه عند ام زوجي اللي بين بيتها وبيتهم باب .. او يتفقون مع سائق يوصلهم او حتى باص المدرسة .. يعني خياراتهم كثيرة ..
تفاجات ليلة اول يوم دراسي بحماي يتصل بسايقي ويقول له من بكرا توصل عيالي كالسابق..
انا عصبت عصصصبت لأنهم المفروض يكلموني ويشوفون ظروفي هل اقدر ابعث سايقي واتحمل الاستيقاظ الباكر والفوضى النهارية والبهدلة وفوقها يوصلون بعد الجرس .. لكن بدلا من ذلك تصرفو من نفسهم وكلمو سايقي ومأنه يعمل عندهم وتجاهلو اني صاحبة الكلمة.. وبالرغم من مقدرتهم على توفير مواصلات لعيالهم اعتمدو على سايقي وماهمهم شي ثاني ..

قلت خلاص اللي مايستحي لا تستحي منه .. بعثت على الواتس اب حق زوجة حماي اعتذرت منها بطريقة لبقة عن توصيل عيالها بسبب الاستيقاظ الباكر والوصول متأخرا والازعاج اللي يصير في السيارة مع كل الاطفال ..
ماردت علي بولا حرف .. عرفت انها زعلت .. بس انا الحق معاي .. 3 شهور اجازة مادبروا اعمارهم وبليلة الدوام يصدموني جذي؟ اعتقد انا ماقصرت وتحملت شهور وغيرت تسيير حياتي عشانهم .. ومن حقي اشوف اللي يناسبني ..

رد: أشعر باستغلال بنت حماي باحضارها ابنتها عن
 

موقفك اقوى من موقفي. و فعلا قلة تقدير
الناس اذا شافوا احد يخدم مرة مرتين و عادي. خلاص يعتبروه جماد. و قابل للخدمة بأي وقت
عموما الجدة وصلت من السفر😁

افكر في السفرة القادمة😂😂اقصد لجدتها. ان ارحب بذلك. و الحمد لله هي تعطي خبر😑 لكن اذا وصلت قبل ابنتها. ان تخبر السائق ان يوصلها لمنزلهم ((بجن و اعرف. ليش ما تخليه ينزلها اذا وصلت قبل))
عشان بنتها تمل. او اي عذر اخر. بس تفهم ان الحركة مالها داعي. و الا غير ذلك فأنا سأعين

مبتعثة. البنت ما عليها شر. ماراح احطها في بالي و لا شي. اش بسوي لها.

رد: أشعر باستغلال بنت حماي باحضارها ابنتها عن
 

ارجو إغلاق الموضوع و شكرًا للجميع لسعة صدوركم