|
رد: ممكن تدعولي ربنا يسترها عليا
اتوقع أنه السعودي المعروف مو ابن عمه ولا يحزنون مجرد خدعه يسحب فيها البنات
لو مكانك بخبر ع الأقل أخويه الرجال بيتصرفو وأمثاله يخافو من تهديد رجل مثله انتي لاترجعي تكلميه أبداً مهما حصل والله يكفيك شره |
رد: ممكن تدعولي ربنا يسترها عليا
الله يفرج همك و يزيل كربك و يبدل خوفك أمن
لا تخافين أبدا منه كله كلام |
رد: ممكن تدعولي ربنا يسترها عليا
جزاكم الله كل خير علي دعائكم اخواتي ربنا يحققلكم كل امانيكم
حبيبتي متفائلة انا مش عارفة هو ولا ابن عمه ولا ممكن حد واخد اسمه ربنا ينتقم منه للاسف صعب اقول لاخويا المشكلة ممكن تكبر واخويا مش هنا مسافر وبصراحة اخاف لان اهلي شديدين اوي وهيبهدلوني اني اساسا ليا فيديوهات كده وصور وزوجي ياما حذرني انا اكتر حاجة مخوفاني عقاب ربنا ان حد شافني كده وياعالم ممكن هيوريها لمين حسبي الله ونعم الوكيل فيه هو واللي زيه وممكن يبقي مجرد كلام زي ما قال الاخ فارس لانه من يومها ما اتكلمش هو قالي بأدبك بس وبعمل كاميرا خفية منه لله وكمان لما بعتتلي صورة هيا صورة واحده لو كان خد اكتر كان بعتتلي اكتر وانا نزعت كارت الذاكره في ثانية اول ما شفت الصوره بس عرف اسم زوجي مش عارفة بجد هو عمل ايه ومن يومها ما اتكلمش ولا حاجه ووعد انه هيمسحهم وحلف بحياة ابنه ربنا يبعد شره عني وعن اي واحدة ترفض اللي هو عايزه وينتقم منه ويسترها عليا وجميع بنات المسلمين انا من يومها خايفة ومش بدور علي شغل |
رد: ممكن تدعولي ربنا يسترها عليا
الله يهديك بس وانت ليه تتصورى بالشكل ده وكمان فيديوهات هل زوجك من صورك ام انتى اللى صورتى نفسك لكى يشاهد زوجك يا آختى حتى لو كان غرضك اشباع زوجك حتى لا يشاهد الحرام فلا يمكن ترك هذه الاشياء موجودة بهذا الشكل لكى يراها من يفتح التبلت طيب نفترض سرق منك او دخلت آختك او آخوك او طفل وبدأ يلعب وشاهد هذه الاشياء تكون مصيبة اتذكر صديق ذكر لى ان طفل قريبة شاهد فيديوهات لقريبة له واخبر امه وعلمت كل الاسرة وكانت فضيحة ولا حول ولا قوة الا بالله هذه الاشياء اذا وجدت يجب من الحرص الشديد واغلاقها بطرق عديدة حتى يصعب الوصول لها حتى لو سرق كرت الذاكرة سترك الله آختى الكريمة وانا كل ثقه ان الله عز وجل سيسترك بإذن الله لا اخفيك حزنت جدا ان يرى هذا الوغد صور مثل هذا لك ولكن حسبنا الله ونعم الوكيل بس اسمحى لى كيف استطاع ان يهاك جهازك هل ارسل ملف مرفق فى الميل وهو ملف تجسس ام ماذا فعل لكى يدخل على جهازك بهذا الشكل وكم آخذ وقت ما بين نهاية المحادثة وارسال الصورة لان الفديوهات يكون حجمها كبير ورفعها من جهازك يآخذ وقت طويل ومن المعرف ان سرعة رفع البيانات تكون ربع سرعة التنزيل والنت فى مصر تكون سرعة التنزيل والرفع بطيئة ان شاء الله كله كلام ولم يستطع ان يآخذ اكثر مما ارسل وهذا درس لك ولكن البنات لكى تعلم ان مثل هذه الاشياء لا يمكن ان تترك ويجب الحذر ثم الحذر نتحن ننبه لصور البنات بدون حجاب او بلبس البيت او المناسبات فما بالنا بما هو خاص وخاص جدا |
رد: ممكن تدعولي ربنا يسترها عليا
مرحباً أختي
أنا مستغرب كيف أستطاع هذا الرجل أن يدخل على صورك وفيديوهاتك عبر جهازك التاب فما أعرفه أنه لا يمكنه ذلك إلى بإرسال برنامج تجسس خفي بطريقة وهمية تحت عنوان موقع ويب أو رسالة يتم فتحها أو غير ذلك .. ولايتم أيضاً ذلك إلا بقبولك لتنزيل محتوى الرسالة وعلى العموم مهما حاول التواصل معك فلا تردي عليه أبداً سواء قام بتهديدك أو إستعطافك .. أتركيه نهائياً وبالنسبة للصور .. فلو حصل لا قدر الله أنه نشرها وأحد من معارفك إطلع عليها فأنكري تماماً أنه أنت وقولي ربما وحدة تشبهني وأما الصور والفيديوهات الموجودة حالياً عندك فأمسحيها نهائي ولا تحتفظي بها وربنا إن شاء الله يسترك في الدنيا والآخرة |
رد: ممكن تدعولي ربنا يسترها عليا
الله يفرج همك اختي و يسترك دنيا و اخرة
|
رد: ممكن تدعولي ربنا يسترها عليا
طيب عشان نستفيد من موضوع الأخت كيف نحافظ ع صورنا
انا عندي صور لي بملابس قصيره فقط وبعضها قديمه وانا في بداية العشرين وماابغى أمسحها فين أحفظها الصور القديمه حفظتها في سي دي ومسحتها من اللاب توب هل ممكن لو بعنا الجهاز سهل يطلعو الصور حتى لو تفرمت الجهاز؟ والصور الي في جوالي فين أحفظها لو بخرجها من الجوال؟ فيها ذكريات لي في رحلات مع أمي وأبويه واخواني |
رد: ممكن تدعولي ربنا يسترها عليا
اقتباس:
هو الحوار حصل كده بالظبط انا شوفت اعلان عن وظيفة سكرتيرة عن بعد ارسلتلهم لو لسة الوظيفة متاحه قالولي ارسلي السي في ارسلته بعتولي ايميل علي الياهو قالو انهم عمالينه ليا باسمي وقالولي عليه ملف وورد اكتبي فيه بياناتك كتبتها بعتولي اساله جاوبت عليها قالولي قبلتي وخدو رقمي وصاحب الشغل هيكلمني يقوللي علي التفاصيل انا زوجي رفض مكالمات التليفون قالي تبقي وانتي جمبي وهو مش معايا طول الوقت بعتلهم الوقت اللي هما عايزين يتواصلو معايا فيه صعب التليفون بعتولي اضافة علي الفيس باكونت باسم واحدهوكلمني صاحب الشغل الغني عن التعريف وعرض عرضه قفلت وارسلت رسالة علي الايميل بالرفض واني لو هشتغل يبقي بمجهودي وليهم عندي اتقان العمل كلمني فيس بوك وقالي انا هعملك كذا وكذا رفضت وقلتله انا اسفة ياريت متتكلمش تاني وقفلت في وشه بعتتلي انا هادبك بهدلته انا مبتتهددش بعتلي الصوره بعدها بشويه وقالي اسم زوجي وفك الحظر اللي كنت عاملاه علي ارقامهم هددته قالي لو بلغتي وزير الداخليه وضيعتي وقتي وكلام فاضي وعندي كل الكلام والمحادثات والايميلات اللي دارت بيننا انا بعدها نزعت كارت الذاكره ومن وقتها مركبتش الكارت في التابلت ولاهركبه وهعمل ضبط مصنع للتابلت واغير كل ايميلاتي جزاك الله كل خير علي دعائك ولو في اي نصيحة تقدر تقولهالي عشان اخد بالي وميعرفش يدخل علي جهازي تاني ياااريت تعرفني |
رد: ممكن تدعولي ربنا يسترها عليا
اقتباس:
والله يا اخي انا حزينة اكتر من اي حد لاني حريصة جدا علي عدم زؤيه اي مخلوق ذره مني وحتي النساء واغلب الصور والفيديوهات زوجي معي فيها وابني والباقي زوجي مصورهالي ومعرفش ازاي دخل علي جهازي كل اللي حصل كلام ايميل وبعتولي ايميل فيه ملف وورد سجلت فيه بياناتي وكلام علي الفيس بوك وانا ذكرته في ردي علي الاخ الرسمي وانا جهازي محدش بيلمسه غير زوجي حتي ابني له جهازه الخاص وممنوع يلمس جهازي وانا اللي غبيه وكسلت انقل الحاجة علي فلاشة واتركها في البيت بس اتعلمت بعد ندم رهيب والوقت ما بين المحادثة وارسال الصوره كانت تقريبا ربع ساعة او تلت ساعة ساعة مش اقل حسبي الله ونعم الوكيل وجزاك الله كل خير علي اهتمامك ودعائك ليا |
رد: ممكن تدعولي ربنا يسترها عليا
اقتباس:
حاولي باسرع وقت تحفظيها علي فلاشة وتتركيها في منزلك بعيده عن اي مخلوق انا قرأت عشان بعد ما نمسح الملفات محدش يعرف يوصلها نعمل للاجهزة اعادة ضبط مصنع وبإذن الله يفيدونا الاعضاء اكتر ونعرف وربنا يسترنا جميعنا في الدنيا والاخرة |
| الساعة الآن 07:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©