المشاركة الأصلية كتبت بواسطة إستنكار (المشاركة 3355079)

الله يشفي ولدك
ولدك يطالع في عينك وفيه فرط حركة ؟
اولا اقطعي عنه الشيبسات والاندومي والماجي وكل الاكلات اللي فيها مواد حافظة لانها تزيد الحالة سوء.
خليك على الاكل الصحي .. واذكر قريت ان وحدة عالجت ولدها التوحدي باليقطين واتوقع سوت له حمية عن الاطعمة الضارة
ثانيا لا تخلينه لحاله تكلمي معاه كثير واعزمي اطفال وحاولي تدمجينه معهم بس اهم شي انتي تكلمي وخليه يردد وراك
وطبعا قبل كل شي ادعي ربك وتوكلي عليه وتفائلي ان ربك بيفرج همك
عندي قريبة لها طفل ماتكلم الا على اربع او خمس سنوات و كان حركي جدا وعنده تشتت مايطالع فيك ..وبعدين صار يميل للعزلة والانطواء صارت امه تناديه مايكمل يقعد دقيقة الا يروح لحاله وتعبوا معه الان الحمد لله بس الفصاحة اقل من اخوانه
طبعا اذكر يوم صغير امه كانت تداوم و تخليه عند الشغالة وكانت تعطيه خضار مسلوقة تحط عليه الملح الصيني مش الملح العادي ..بعدين قرينا انها تسبب للبعض هذي الاعراض. وبصراحة حالة تاخر الكلام هذي منتشرة كثير عن السنين الماضية

المشاركة الأصلية كتبت بواسطة ملكة الآحساآآس (المشاركة 3355100)

هذا الي سويته بعدت عنه الكاكاو والمشروبات المعلبه والتشيبسات يعني قريب من الحمية
اعتمدت عالخضار بالاضافه للكاجو والتمر والجوز واليقطين

يارب ساعدني
اوقات انشغل بالبيت وهو يروح يلعب بغرفة العابه صعبه اكون معاه عالاربع وعشرين ساعه

احاول استقدم عامله عشان اتفرغ له بالكامل
فعلا هو يحتاج كل دقيقه من وقتي
لاني لاحظت قد ماعطيته اهتمام ووقت اشوف يتحسن

شكرا يالغاليه لاحرمك الله الاجر