رد: قررت طلاق زوجتي بعد اتهامها لي بالخيانه
 

أهلا فيك أخوي ماس , كنت شاغل بالي الفترة الماضية أقول وش صار عليه عسى أموره تحسنت لأن الموضوع السابق اغلق قبل تنتهي المشكلة.

الله يعينك ويسهل أمرك وأستخر قبل ماتنفذ أي قرار

رد: قررت طلاق زوجتي بعد اتهامها لي بالخيانه
 

والله حسب قصتك الاولي وكامل تفاصيلها
الدقيقة وقصتك الثانية لا البنت ولا اهلها ينفعون لزواج... بنسبة للبنت الرضيعة
تكون مع امها حتي بلوغها سن السابعة
الله يعينك ويفرج همك

رد: قررت طلاق زوجتي بعد اتهامها لي بالخيانه
 

في بعض الاعضاء عارفين موضوعي تماما .. وبعضهم مااتوقع انهم قروء الموضوع كامل .. مشكلتي مع هالانسانه سلسله لاتنتهي .. قبل ماتنتهي من نفاسها .. مقرر ان اطلاقها زي ماهي طالبه لان طفح فيني الكيل ولا عاد فيني صبر يعلم الله .. شوفو تاريخ الموضوع الاصلي بالرابط .. خلال الايام الاخيره من نفاسها بدات تتواصل وترسل لي صور الطفله (عمرها شهرين الله يحفظها ) وانا بديت اهداء وحنيت وقررت اعطيها فرصه انها تتحسن وبالفعل جلست انا وهي واتكلمنا كثيرررررررررر .. ومشينا كويس .. مااخفيكم اي نعم كنت شبه خاطب وشايف من بيت ناس وناوي بكل ماتعنيه الكلمه ولكن برجوعها عدلت عن خطوه الزواج واعطها فرصه جديده .. وهي للاسف فكت جوالي وشافت رسايل بيني وبين الخطيبه اللي كان فيه مشروع جواز .. قيمتها خيانه من طرفها وانا طيب ياللي بايعتني مليون مره وفاضحه اسرارانا عند اللي يسوى ومايسوى وش موقفي منك !! واخبرتها انتى السبب اللي خلتيني اقدم وافكر بالزواج من اهمالك لي وطلبك للطلاق مع كل مشكله .. صبري نفذ هذيك الايام ولا عاد فيني حاليا

لكن للاسف من يوم مابدات ترجع الامور الى مجاريها بداء الشك يدوب فيها وجيت بجميع الاساليب ي حبيبتي ي روحي .. شديت رخيت هديت ولكن ماهي راضيه تقتنع ان من يوم مارجعنا وانا ماعندي لا نيه ولا لي اي تواصل مع اي بنت ناس ..

في نفس الوقت انا كنت احارب مع اهلى على رجوعنا رغم رفضهم التام .. لكن للاسف ماهي راضيه تساعدني ولو بنقطه ..

اقسم بالله العلي للعظيم من يوم مارجعنا وانا بموضوع الشك كل يوم .. طفشت زهقت .. افصل من عملي اعطل اشغالي واقعد مقابلها عشان ترضى وتقتنع هالانسانه الغريبه الاطوار ..

لدرجه صرت اجيب ملابسي من بيت اهلى وابات عندها ببييت اهلها اقلها 5 ايام بالاسبوع .. واقضي واجيب اكل ونخرج وحتى الطفله اساعدها في اغراضها من كل النواحي ..

واخرتها امس بالليل هواش وطقاق وانا عندها ببيت اهلها وجالس بملابس البجامه في غرفه النوم ويدخل الاخ البطل المغوار يبى ينقذها ويتهجم على اي اخلاق وخصوصيه بين الزوجين .. لكن جاء حقه مضبوط ولله الحمد ..

رد: قررت طلاق زوجتي بعد اتهامها لي بالخيانه
 

لو تشوفو موضوع سابق لي وكان فيه رد من الاخ البليغ عن الحركه اللي سوتها ايام مشكله بيننا سابقه بدايه الزواج ..

هالادميه لقيت في فاتورتها رقم غريب وطلع رقم خطيبها السابق على قولتها رغم اهلها ايام الخطبه ماقالوا انها سبق انخطبت ولما واجتها وقلت لها هذي عين الخيانه .. بدات تتراجاني انها ترجع واستر على الموضوع

ورجعت عاد الحركه بدايه حملها وكان في خلاف بسيط بيننا على سفره وحضور عرس بالمدينه .. رجعت تواصلت معاه برساله ويوم واجهتهاا اعترف بغلطها وكررت اسفها وندمها وتحلف ان محتوى الرساله باانها غيره سعيده وهذي حوبتك ي فلان عشاني رفضتك .. وفوق عطيتها فرصه مع مراقبتها بكل هدؤ واتضح لي انها نادمه وعطيتها فرصه جديده ..!!

اي عقل ومنطق يقبل هذا الشي ي عالم ..

هل شركه الاتصالات قادره باان تعطيني محتوى الرساله اللي بينهم !!؟

هذا اتوقع دليل كافي بااسقاط حق الحضانه منها !!

رد: قررت طلاق زوجتي بعد اتهامها لي بالخيانه
 

اذا انت شايف حياتك راح تكون افضل مع غيرها تزوج الثانية
بس اعطيها علم قبل واذا طلبت الطلاق قلها المحكمة قدامك
لا تتنازل عن رغبتك بالزواج حتى لو ابدت ندمها ووعدتك بالتغيير
وثانيا انت الرجل وانت لازم كلمتك تسري لا تروح بيت اهلها خليها تجلس في بيتك ولا تخرج منه ابدا
واذا ما عندك قدرة تفتح بيتين خلاص طلقها بنتك لا تخاف عليها ربك يحميها
(انت اولى من بنتك فكر بنفسك اول)

رد: قررت طلاق زوجتي بعد اتهامها لي بالخيانه
 

ارجع وقولك لا البنت ولا اهلها ينفعون لزواج

عنادها
خيانتها مع خطيبها
وقوف اهلها معها بكل اخطائها وخاصة خالها
وكلامة البذيئ
وتهجم اخوها عليك
اصراخها رفع صوتها وعدم احترامها
لك ولي اهلك ومنعها لوالدتك دخول بيتك
وقعدتها عند اهلها
تدخل اطراف بحياتكم من جهتها
ماهكذا تكون الحياة الزوجية هذا جحيم
والله مدري وش مصبرك عليها بصراحة
والبيوت مليانة بنات بغاية الاحترام
واذا رغبت بالاستمرار اوقف الحمل وعداد الضحايا
الله يوفقك

رد: قررت طلاق زوجتي بعد اتهامها لي بالخيانه
 

احس اني في فلم درامي لا له ولا اول .. المضحك المبكي قبل يومين ترسلي هي وتقول ..

سبحان الله انا انسانه متمرده ولا عمري اخذت براي احد حتى امي وابوي واللي براسي اسويه ..

بس معاك انتى انا ضعيفه .. !!!

مافي احد من الاعضاء هنا محلل نفسي!

رد: قررت طلاق زوجتي بعد اتهامها لي بالخيانه
 

وش سالفة خطيبها
اللي فهمته انها كلمته قبل زواجكم و دون علم اَهلها؟
صح

رد: قررت طلاق زوجتي بعد اتهامها لي بالخيانه
 

يعني هي ضعيفة امام حبها لك

رد: قررت طلاق زوجتي بعد اتهامها لي بالخيانه
 

بالفعل الوضع لا يرجى بروه ...