|
رد: يحق لي ازعل والا لا؟
اقتباس:
وشكل اخوياه مايعرفون يطبخون ولا شكشوكة، فعلشان كذا لاطبخ انهبلوا على طبخه، أو أنهم ماتسد ذاقوا العيشة. أنتي طوووولي بالك وخليه يتفلسف بالطبخ، مصيره يمل، وبيطيح بشي غيره مثل الدبابات ولا تركيب اللمبات وخليه يطبخ وحاولي انك ماتتصادمي معاه خصوصا انه مستانس بطبخه وانتي خليك ذكية ودبلوماسية، اطرحي عليه فكرة انك تطبخين اليوم، اذا ما اعجبه، اطرحي انك لو حابة تساعدينه، إذا ما اعجبه قولي له حبيبي متى ماحبيت اطبخ لك او الطبخة اللي تعجبك علمني اساعدك فيها، وخلي الامور تمشي بسهولة، ولا تصادمينه او تشعرينه أنه ماعنده دبره أو طبخه مو ذاك الزود، ترانا نفسيات ولا نفهم على طول بنحس انكم بتقللون من قدرنا أو تنكرون جهودنا ddff خصوصا أن زوجك وينهو عند نفسه هو وطبخه |
رد: يحق لي ازعل والا لا؟
زوجك عنيد واذا زعلتي منه يزيد عناد ،، انتي اتركية على جوة يمكن فترة ويمل .
_بعدين احسك من اي شي تزعلي وزوجك مايعجبك مهما سوى !! وسعي صدرك وريحي بالك ترى الطبخ مو مكتوب للمرأه فقط وممنوع دخول الرجال في عالم الطبخ 😁😆 خليه يطبخ ويكسب مهارات جديده بدل السهر والفلا والوناسة مع الشباب واذا كلش مو عاجبك قسمي علية قولي انا علي الغداء وانت العشاء هههههه او قسمي الايام يوم لك ويوم له وانبسطي وفليها معه وادخلي معه المطبخ وساعديك << واكيد موش قايل لك لاتدخلين . _ تدرين انتي بنعمة ومانتي حاسه فيها الله يهديك . |
رد: يحق لي ازعل والا لا؟
يا ربي عليك 😳😳
فكة و أريح و يمكن انها طربة و يرجع. أعطيه جوه احس اللي يضايق بالموضوع هو المواعين اللي تتراكم |
رد: يحق لي ازعل والا لا؟
اقتباس:
بالمصاريف والمسؤوليات لو انا اخذت مكانه وصرت اسدد فواتير البيت مثلا راح يحس بالنقص كرجل فهمتوا علي؟ هو بنفسه يقول انو يحس برجولته اذا قام فيني اوكي انا برضو من حقي احس بانوثتي باحتياجه لي.. لهفته لاكلي.. تلذذه بطبخي والله انه زمان كان يطلب مني اذوق أصحابه طبخي وكان يفتخر فيني اذا الناس مدحوا اكلي فجأة صار مكتفي بنفسه حتى الشاهي صار يقول لاتعمليه!! يقول انو يحبه ثقيل واسود فجأة تغير ذوقه بالشاهي |
رد: يحق لي ازعل والا لا؟
احسك تبالغين
الوحدة تتضايق اذا مثل تفكيرك عن الطبخ لو قلنا مر شهر. شهرين كم صار له يطبخ؟ |
رد: يحق لي ازعل والا لا؟
اقتباس:
وقلت لكم صديقه تزوج على زوجته لانها مقصره بالبيت والمطبخ وزوجي كان يقول من حقه وان الزوجه اذا قصرت بالمطبخ فهي ناقصه طيب هو الحين اقصاني من المطبخ وفرض علي أكون مقصرة.. ورافض خدماتي |
رد: يحق لي ازعل والا لا؟
لا تبينين انك زعلانة
وامدحي طبخه وامدحيه.. لانه عنيد وبيصر على اللي يسويه كنافة زوجك مايحب يحس بحاجته لك وحساسيته وغرابة اطواره هذي كلها انتي تعرفين ايش سببها مايحتاج نقول لك عطيه جوه ياشيخة |
رد: يحق لي ازعل والا لا؟
اقتباس:
زوجي دايما يطف بالشي ويجي جميييييييع حتى بموضوع الطبخ يعلق على اكله معينه فتره بعدين ينتقل للثانية وهكذا وانا صاير وجودي ديكور في البيت دوري مقتصر على تربية البنت والولد بس |
رد: يحق لي ازعل والا لا؟
اقتباس:
والله ليته يطلع ويسهر برا ولا يجلس يحوس مطبخي ويستغني عن كل جهودي انا ما احس اني ربه بيت الا بالاسم فقط والقهر صار يتكلم عن طبخه حتى عند اهله وكأني مهمله البيت والمطبخ |
رد: يحق لي ازعل والا لا؟
زوجك متقاعد ؟أو عنده فراغ كثير ؟ اول مره يمر علي مثله لان الطبخ من اختصاصكم
|
| الساعة الآن 06:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©