|
رد: خطيبتي باردة !
للمعلومية:
انا لما شفت تصرفاتها ، قلت في نفسي يمكن انا ابالغ في تصرفاتي ، يمكن مو من حقي بحكم العادات والتقاليد ! يعني حاولت احط لها 100 عذر لها . وبحثت في النت ولقيت كثيييير يكلم زوجته بعد الملكه ويجلس معها وبالعكس وفي مشايخ ينادون بأنه : اذا كان للشاب رغبة بالكلام مع زوجته فلا يجوز منعه ، لكن لا يمكن من الانفراد بها <-- وهذا انا معه 100% |
رد: خطيبتي باردة !
اقتباس:
وبعضهم عادي تطلع معه بعد الملكه اذا انت تبي تكلمها وابوها مانعها .. كلم ابوها واطلبه تجلس او تكلم زوجتك الله يسهل امركم |
رد: خطيبتي باردة !
اقتباس:
من اهتماماتها الكورة .. لدرجة ان صرت اكره الفريق اللي تشجعه من كثر ماهي تشجعه .. والله تذكرني بواحد في الاستراحه عندي اذا شفت حسابها بتويتر !! والله ياتاس ان هذا الموضوع يأرقني اثناء النوم . واتمنى لو اهتمام 20% |
رد: خطيبتي باردة !
اقتباس:
عمرخطيبتك عمر اندفاع وتعلق بالشخص الي يظهر لها اهتمام هذا العمر فيه عاطفة مو متزنة وفيه مشاعر جياشة مختلطة اذا تكلمنا عن السلوك المتوقع منها على حسب ماوصفت من اهتمامك فالمفروض تندفع وتبادلك اهتمامك وتفتقدك وانت باين عليك شخص فاهم ومثقف وصبور ومازلت محاولاتك جارية لجذب حبها وهتمامها وما في نتيجية مرضية عبى كثر القصص الي قرأنها بين المقبلين على الزواج بنسبة اعلى هو البنت تشتكي من اهمال خطيبها والعكس نادرا دايم تقول مايسال مايرسل مايتصل مايهديني ولما ياتي رجل يشتكي تكون عناك اسباب مو مقبولة او منطقية وانصحك تكلم اختك تتناقش معها لانها اقرب لها وتشوف اسبابها ويموت نقاش مريح وعفوي والله يوفقك |
رد: خطيبتي باردة !
اعتذار عن الاخطاء الاملائية
|
رد: خطيبتي باردة !
اقتباس:
بالنسبة لإختي ، فإختي عارفه وضعي واحنا قريبين من بعض جداً، تقولي اختي اني تكلمت معها اكثر من مره لكن تجاوبها معي ضعيف جدا وغير واضح،وتقول حتى اختها تكلمت عليها وان لازم زوجك يحس منك اهتمام واقبال عليه مو ساكته على الاخر ! قالت بمعنى كلامها: اذا تزوجنا يصير خير ثم تغير الموضوع ! والله اتعبتني .. والله لاتقدر هذي البنت على الرغم اني حاولت اتقرب لها اكثر من مره ، لكن مااشوف منها اي مبادرة ! اذكر اني سحبت نفسي شهر كااامل ، ثم ارسلت هي رساله شلونك ؟ قلت بخير الحمدلله ، وعلييييييييييييها والآن لي 3 اسابيع تقريباً ماارسلت لها والله ماشفت منها شيء !! ياناس يمين بالله انها جدااااااااار !!! *_* |
رد: خطيبتي باردة !
اخي هي ليست ( جداااار )
هي انسان لها مشاعر واحاسيس فهي مثل اي انثئ لها مفاتيح ؟؟ اتوقع انها انسانه كتومه لاتحملها فوق طاقتها اخي ماهو ترتيبها بين اخواتها البنات ؟ شخصية زوجتگ تدل علئ انها انسانه مسكينه وعلئ نيتها ماتعرف تتعامل مع الجنس الاخر هل تتوقع ان ضغط امها ووالدها عليها بعدم السماح لها بالكلام معك ولد لديها خوف او حذر ؟ هل صارحتها بكلام حازم بموقفك من مشاعرها بهدوء واتزان بعيدآ عن الغضب والنرفزه ؟ بمعني ان تقول لها ( بكتب بالعامي وبلهجتنا افضل ) ( شوفي يابنت الحلال انتي الحين زوجتي عسنة الله ورسوله ، والي بينا زواج ماهو لعب زواج المفروض يكون قائم علي التفاهم واللين والرحمه انا مو عدو لگ تخافي مني ؟ انا سندك بعد الله بهالدنيا شوفي يازوجتي الحبيبه : اي شب بالدنيا يتزوج يبحث عن الاعفاف اولآ والتفاهم والاستقرار ثانيآ وانسانه حريصه عليه وتشبعه عواطف واهتمام وسؤال ثالثآ بعدك عني يابنت الناس مو بصالحك وبداء يبني بينا حواجز وبديت احس بالجفاء من ناحيتك ، انا قصرت معك بشي ، مطلوب مني شي معين مستحيه او متردده او ( خايفه ) تقوليه لي هل طريقتي بالتقرب منك فيها شي غلط او عيب او حرام انا سويت الي علي وحريص علي استمرار علاقتنا بس مااشوف منك اي تجاوب هل حياتنا بتسمر علي هالموال ؟؟ بتقولي بعد الزواج يصير خير ؟ اي ان شاء الله مافي بعد الزواج الا كل خير لك طيب انا حاليآ مااستاهل منگ سؤال ؟ كلمة غزل حلوه من حبيبه لحبيبها ؟ لا تبني حياتنا من اولها علي الجفاء ولاتخليني اخذ فكره عن الانسانه الي اتمناها شريكة حياتي انها جافة العواطف بادري واسآلي واهتمي ماطلبت منگ كثير ولاشي فوق طاقتك بس ابي احس بوجودي بحياتك وبوجودك بحياتي ابي حب ينعش قلبي ابي انسانه تنعش روحي اهتمام وسؤال وتحلي ايامي بروحها الحلوه ؟ ابي انسانه يفاجئني اتصالها بيوم حياگ عفنجال قهوه وتستقبلني احلئ استقبال بشوق ولهفه واكون متآكد انك اقنعتي الوالده والوالد عشان تقابلني ( موقف كبير بعيني يابنت الحلال ) فكري زين بكلامي وماابي رد بالكلام ، ابي ردك يكون بالافعال تعبت اكون المبادر ، مو خساره فيك المبادرات والله بس ابي احس بوجودگ اخي وصل لها الامان بكلامگ ، واصبر عليها ، والاهم المصارحه بهدوء وقدر ضروفها لعل الله يحنن قلبها عليك |
رد: خطيبتي باردة !
اخي : حاول انگ تفهمها ايش الزواج
وايش رغباتك الي تدور عليها يمكن مو فاهمه ايش الزواج او ماخذه فكره ان الزواج يبداء بعد الدخول وان الزواج مسؤليات بيت وزوج واولاد فقط يمكن شايفه هالنماذج حولها ؟؟ دردحها انت ، اسحبها لعالمك بشويش قولها الزواج مو قائم علي واجبات للطرافين الزواج تعاون ومشاركة روحيه قبل المعنويه |
رد: خطيبتي باردة !
اقتباس:
اقتباس:
كلامك طيب وعين الصواب وانا سويت قبل ماتقولين .. وشرحت لها ان الزواج مو بس اسم الزوج والزوجه بكرت العايله وخلاص ، الزواج اكبر من كذا وان لازم انا اهتم فيك واراعيك وتكونين من اولوياتي بالحياة بعد رضا الله والوالدين ، وكذلك انتي و و و .... الخ لكن دون جدوى . |
رد: خطيبتي باردة !
اخي اذا تحبها اصبر عليها لين بعد الزواج
يمكن فعلآ تحتفظ بمشاعرها لگ لين يجمعكم بيت واحد ؟ هل هذا الجفاء هو عيبها الوحيد ؟ كل شي عاجبگ فيها الا هالاسلوب ؟ صراحه مشكلتگ مالها حل الا المصارحه وبحزم فقط ؟ اخي ممكن سؤال : ايش الخطوه الي بتتخذها لتغير هالطبع فيها قبل الزواج ؟ اذا بتقول حاولت وصارحت وابتعدت ولكن بدون جدوي ماراح تلقئ الا هالحلول عشان تفهمها او انگ تتعايش مع اسلوبها وطبعها |
| الساعة الآن 02:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©