رد: تعبت في حياتي وابي المشورة بعد الاستخارة
 

كلمتك ماهي مزح..

وهي عارفة هالشي كوييس

ولا ماكانت بترد..

مذنب باختيارك..

لكنك مستمر بارتكاب ذنوب اخرى مالها علاقة باختيارك..

وعلى كلامك عن شكلها

تقدر ترمي عليك من باب المزح كلمة انها لو تبي تزوجت واحد ماعنده ضعف.. بترضى؟؟؟

ماعمرها عايرتك ولا قالت شي البنت! انت تبرر لنفسك تبريرات مالها علاقة بكل المشاكل اللي قاعدة تصير

اذا حياتنا انحاست وربي حرمنا وتطربقت فوق روسنا نراجع انفسنا وسيرتنا بالحياة!!!

زوجة محرومة من كل شي.. واللي اشوفه حاليا كل شي.. وفوق هذا معايرة وكلام زي السم..

شلون تبيها تخدمك "وتطالعك" حتى بنفس!!! لازالت تعتبر حسنة المعشر مع كل هذا!

على كذا مصرف اي زوجة ينقاس بجمالها.. واو

ماقدرت امسك نفسي..

خلها للي يستاهلها.. وروح تزوج ام وزن وطول..

رد: تعبت في حياتي وابي المشورة بعد الاستخارة
 

الزواج عليها صعب احتاج اكثر من ثلاث سنوات
هل نمثل ثلاث سنوات واخبي عليها لين اصبح مقتدر على فتح بيتين
ثم اخيرها
شرعا هل تصرفي صحيح
في المقابل الطلاق الان مشكلة كبيرة جدا جدا
لي ولها
انا أشفق عليها بس في المقابل أعيش بصراع
ابي اتقبلها عجزت عجزت مرررة
والله ما شعرت لحظة باي شي اتجاهها
احسها عادية جدا بالنسبة لي
انا مو راعي طل او خرابيط
انا شخص معتدل جدا ومحافظ
اتمنى انه شي نفسي او مع الوقت يتغير الحال
ما ادري

اتمنى احد مر عليه هالحالة وتعالج او لقى حل


انا ابي تساعدوني نعم مخطئ واعترف المفروض اشوف واقرر وارفض

انا شخصيتي متردد إجامل كثير كثير كثير وهذاعيب
ادفع ثمنه الان

رد: تعبت في حياتي وابي المشورة بعد الاستخارة
 

هي احيانا تهاجمني
مثلا ترفض العباية وتاخذ ايام مقاطعتني

وكذا مرة تتصنع مشاكل وتقول عشان الانجاب مثل قصة اللحم اذا تذكرين
المقصد
اتمنى انها تطلب الطلاق بسبب الانجاب عشان يصير عذر لي 😥

رد: تعبت في حياتي وابي المشورة بعد الاستخارة
 

لا زلت تفكر بانانية.. انت ماتبي تطلق لانك مانت عارف ايش ظروفك وخايف ماتلاقي بديل

عشان مانت قادر تفتح بيت! لايكون بخلك عليها بس عشان تفتح البيت!!!؟؟؟

انا اسفة يافارس.. بس والله حلال عليها اللي تسويه فيك

غبنة والله غبنة

رد: تعبت في حياتي وابي المشورة بعد الاستخارة
 

أخي الكريم قرأت مواضيعك عن مشاكلك مع زوجتك واستغربت من اشياء اولها استمرار المشاكل لحد الآن كل هذه الوقت الطويل واكتشفت مع الأسف أنك انت الذي تعاند وتكابر
ياخي معظمنا تزوج مثلك زواج تقليدي
اللي تزوج واكتشف بعد الزواج انها قصيره أو سمينه أو نحيفه أو غير جميله الخ وتقبلنا الوضع. وتكيفنا معه والكمال لله المهم الاخلاق حتى نحن كلنا عيوب
أتمنى ان تتقبل زوجتك و تنظر للجانب الايجابي عندها ولا تظلمها معك لانها في النهايه زوجتك ولا تستحق منك إلا كل الحب والاحترام وأعذرني على قسوني معك

رد: تعبت في حياتي وابي المشورة بعد الاستخارة
 

يعني بتضيف 3 سنوات من الهم والنكد وتختمها بزواجك عليها

ممكن تكلمها تقول انا ناوي اتزوج ...........

رد: تعبت في حياتي وابي المشورة بعد الاستخارة
 

لا تضيع عمرها معاك عالفاضي ..

تقدم السنوات يضرها و مو في صالحها

اتركها من دحين افضل لها ..

رد: تعبت في حياتي وابي المشورة بعد الاستخارة
 

عوضا عن استخدام العباءة
عفوا لما لا تتأملها أكثر
معروفة عيون الرجال رادار. تفحصها و أوسع مداركك و خيالك
الا ما تنفتن بشيء من جسدها


انت صديت و سويت بلوك على كل فكرة تراجع
و غطيت الحرمة و بصمت في باطنك فكرة ان نفسك لا تتقبلها ابدا

و الا على القصر. عفوا الاسيويات وش قصرهن و ملامحهن عادية و في رجال تغرم بهن
ضع نفسك مكانهن. ما هو الجميل بقصر زوجتك.
عفوا كم طولها و طولك؟
القصيرة كتكونة تقدر تحملها. تأمل شعرها ووو الخ

رد: تعبت في حياتي وابي المشورة بعد الاستخارة
 

لا والله ما ابي اطلق لانه ما ابيها تعيش دور المطلقة
لان الطلاق حل بس صعب جدا ومر للرجل والمرأة
وانا كمان اشعر انه ممكن افشل في الزواج من امرأتين يحتاج ثقة وعدل و سعة بال قد لا امتلكها
بس انا أسالك
مثلا ما تقبلتي زوجك ابدا تحسين بنفرة منه بالفراش إِيش تصلحي
ما تطيقي رؤية وجه ابدا خصوصا جنسيا وش الحل
أسف بس هذا شعوري
انا اطلب منها لبس النقاب عشان ما اقدر اقول لها مباشرة
انا ما احبك انا ما اتقبلك لانه احترم شعورها وماهو ذنبها
بس كمان ماهو بيدي 😥

رد: تعبت في حياتي وابي المشورة بعد الاستخارة
 

مو بيدك انك تميل لها بأحاسيسك ومشاعرك

لكن بيدك تحترمها وتقدرها وتعيشها براحه نفسيه وتعطيها حقوقها بدون شروط الهبل الي مسويها فيها

وبكره لو تزوجت يكون ضميرك مرتاح

اما تتصنع المشاكل لانك كارهها بكره ربي يبتليك بالي تكرههك في حياتك ووالله الي تصنعه بنفسك يرجع عليك خير خير شر شر