|
رد: زعل زوجي والسبب هديه
انا بسرعه ارضا انتظره يقول بعدين كلمه حلوه الرسول صلى الله عليه وسلم يقول (تهادوا تحابوا)
بعدين واحد مزعلك وزعل فوق زعل هو قال بوديك انتظرته يراضيني قال ياله بوديك تبيني اقول لا بعدين اختي تقول راح عمرك عمري الحين 36 وش باقي انتظر ماتمر فتره الاتجيه حالته |
رد: زعل زوجي والسبب هديه
اللي اكتشفته في الرجال كذا اذا ماعطوك الشي بوقته خلاص يسحبون عليك. يعني لما وعدك بهديه كان صادق بيعطيك بس لما رضيتي نفسه اهدات. مره ثانيه لاترضين قبل ماينفذ كل الشروط. الان انتي في بيت اهلك وبنفس الوقت مصرة على الهديه فمالك الا تاخذينه بالعاطفه ارسلي له رساله عتب انك توقعتيه يحبك مثل ماتحبينه ولو يحبك كان مااستخسر الهديه ومن هالكلام. هذا في حاله كان اول مره يضربك لكن اذا هو موسوس ودائما يضرب فهنا الكلام يختلف
|
رد: زعل زوجي والسبب هديه
كانك تساوميه على كرامتك
اختي حلم انت كنت راح تقبلي بالزواج من واحد عمره فوق الأربعين و متزوج و عنده اطفال و تقولي أهم شي يكون عندي طفل قبل لا أوصل لسن ما اقدر أنجب فيه اذا تطلقتي دحين لا سمح الله ايش بتستفيدي !؟ :( |
رد: زعل زوجي والسبب هديه
لاحول ولاقوة الا بالله
حبيبتي حلم لاتكابري وتخربي بيتك عشان طقم ذهب ؟؟؟ وفرضآ جابه لگ بيجيبه من ضغطك وبدون نفس وبيبطل مره ثانيه يوعدك بشي ؟؟ حبيبتي طريقة تذكريه بوعده بهديه لك غلط ( الذهب نازل روح اشتريلي الطقم الي انت وعدتني فيه ) ؟؟ ماعرفتي تتدلعي عليه وتخلي اسلوب طلبك مو مباشر بالدلع والدق بالكلام بذكاء وتختاري الوقت المناسب او تعزميه عمول فيه محلات ذهب وتتفرجي انتي وياه ع الطقوم وتقوليله الله هالطقم حلو يجنن ناعم انا لو ابي منك هديه بيوم بيكون هالطقم 😁 ولو ماجابه لگ طولي بالك وانتي بشطارتك تبدئي تدردحيه وتخليه يهديك ياحلم ياحبيبتي لاتكبري السالفه وتخلقي الزعل والفجوه بينك وبين زوجك ولاتغيري نظرة زوجك لگ خلك عزيزة نفس متمنعه بذكاء واوصلي للي تبي بهدوء وفطنه ولاتفتحي اذنك لااحد ، عمرك لاراح ولاشي وربي الرازق ان شاء الله املي حياتك مع زوجك عطاء وحب بدون شروط واعطي من نفس ولله واحتسبي الاجر غيرك تصبر تروض زوجها وتعلمه المسئوليه والزواج والرومانسيه سنين وبالاخر يغرقها حب وذهب وتقدير تنازلي وتغاضي ومشي الامور وخلك لينه هينه حبوبه ، بشوشه ، سهلة المعشر لاتدققي عشان لاترهقي حياتك الزوجيه من بدايتها الله يهدي سرك يارب ويبعد عنگ الشيطان |
رد: زعل زوجي والسبب هديه
اختي ماعليه تبين هدية الان خذي بسعر معقول
لو انك ف وقت المشكلة قلتي تبين رضوة صح ،، الان طقم ذهب صراحة الطقوم غالية لمحي لشي ثاني ،ذبله ،سلسل ، اقراط طالعة اقراط تجنن الان وسعرها حول ال1500 لاتسوين من الحبة قبه واذا تبين شي اخذيه بالدلع واضح انك م نسيتي ألم المشكله ومشكلتك بينتي له انه رضيتي،، ،، |
رد: زعل زوجي والسبب هديه
معلييش انتي اسلوبك وطريقة تفكيرك غلط
تركتي الضرب على جنب وركزتي بالهديه الهديه لاتطلب تجي من الشخص نفسه بقناعه وبعدين اذا صاد ضرب او هو مواعدك بشي لازم تحلين المشكله في نفس الوقت الرجال ماينفع معهم تاجيل وهم ماعندهم طولت بال في هالاشياء زوجك مهو صديقتك عشان تقولين له يالله عطني الذهب المره الجايه ان كان مامشيت سالفت الضرب بسهوله ان كان في لحظتها خليتيه يعتذر لك ويجيب لك هديه اما الحين مالها لزمه و مو صاير لها طعم بصراحه |
رد: زعل زوجي والسبب هديه
انا مانسيت السالفه واجلتها الا بسبب يوم رجعت من السفر بنفس جاني خبر وفاه ابوي وانا توني واصله
تخيلي المصيبه بفكر فيه جلست عند اهلي شهر توقعت القى هديه شي مالقيت الا بيت وسخ مشيت الموضوع ولاكلمت احد عشان امي مابي اتعبها شقول لها بس توقعت مقابل شي اختي زوجها انواع الديون وشاري لها هديه طقم يوم جت يبي يوسع صجرها وانا ولا شي يوم شفت الذهب نازل قلت الله الذهب نازل مره ودي بذهب ماتشرطت بس اسلوبه يقهر وهو الي عرض يوديني لاهلي اقوله لا مابي عند اهلي وناسه طلعات واحد داخل طالع مو عنده كلما قلت شي قال تعبان حر يعني يقولي زعلانه تبين اوديك اهلك اقول لا .ولافكر يتصل ولاشي يقول روحي لاهلك لابغيتي ترجعين دقي يعني تراك ماهميتيني ولاهمني زعلك الحين امي ماتدري وش السالفه على اساس مسافر مادري شسوي ادق اقول تعال وانا مالي خلقه لو اتصل رحت بس ابي احساس منه بس . لاحول ولاقوه الابالله. |
رد: زعل زوجي والسبب هديه
اقتباس:
انتبهي لحياتك واتركي اشوار اختك وارجعي لزوجك ترى عمري مثل عمرك وباقي شهور مقد كملت يعني يمكن اصغر منك بشهور بس تزوجة بنت 15 والحمدلله |
رد: زعل زوجي والسبب هديه
مع رد رائحة البخور
وزوجك خذ عنك فكرة انك مادية الضرب نسيتيه لكن الهدية لا صدقيني الهدية تجي بطيبة نفس وبدون منه والا بلاها تصالحي مع زوجك وحاولي تغيرين نظرته فيك وبخصوص المستشفى ترى كثير من الرجال كذا يشوف انه مو مضطر يدفع دام فيه مستشفيات حكومية و اغلب اللي يروحون مستشفيات اهليه يكون عندهم تأمين حاولي تقنعيه يأمن |
| الساعة الآن 06:38 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©