|
رد : تغير زوجي بعد رفضي زواجه
معليش أختي ابي أكون قاسية معك شوي
الحين أختي المشكلة فيك ولك عين تتركين البيت وتهددين زوجك بالطلاق؟!!! جاتك هالجرأة من طيبة قلب زوجك وأصالة معدنه،،وأنت عارفة نقاط ضعفه وإلا ماقدرتي تضغطين عليه... نصيحة لله لا تتمادين أكثر،،، .... كذة يكفي وشوفي زوجك ضعيف اندمرت نفسيته وإنت السبب.. اللي إنت فيه اختبار وابتلاء من الله،، من رضي فله الرضا ومن سخط فله السخط،، كلامي صعب ع قلبك لكن ماتدرين الخير وين... الله يفرج همكم. |
رد : تغير زوجي بعد رفضي زواجه
الله يسمع منكم يا رب
والله يا حبيباتي الكلام سهل وانا ممكن استحمل اي شيء الا الضرة والله ابدا مو انانية مني بس والله من حبي فيه وما زال عندي امل اني انجب بأذن الله واذا الله كتب وتزوج وربي رزقه الذرية ما يكون مثل اول راح ينشغل والايام تتقسم بيني وبينها صدقوني ما راح استحمل عارفة نفسي والله عارفة شعوره وحزنانة لكن في امل وما زلت صغيرة ومو عن حب تملك بس والله من حبي الشديد له ما راح اقدر استحمل وحدة تشاركني فيه والله اعلم كيف بتكون |
رد : تغير زوجي بعد رفضي زواجه
والله يا حبيبة مو عن تمادي بس والله اندمرت نفسيتي يوم خطب لدرجة اني طلبت الطلاق بس في قلبي احبه وما ابي اتركه
|
رد : تغير زوجي بعد رفضي زواجه
عارفة ان المشكلة فيا بس صدقوني لو انحطيتو في موقفي كان سويتو مثلي
|
رد : تغير زوجي بعد رفضي زواجه
السلام عليكم ورحمة الله وبركاته ..
حبيبتي هند كم عمرك ؟! كم مرة حاولتم بالعمليات ؟! نعم صعب لا أحد ينكر ذلك لكن حرام تحرميه وتضغطي عليه بهذه الطريقة ،. لا تعرفي ياحبيبة رُبما رباط الحب يقوى أكثر بينك وبينه .. ضعي نفسك مكانه أنت تقدرين تنجبين لكن هو لا ، وكنت صغيرة ستقولي ذلك لكن لي رغبة في الأمومة .. أستخيري وتوكلي على الله فوالله لن يُخيبك الله ياهند .. الدنيا ليست جنة فيها من الإبتلاءات والمهم كيف يحول الإنسان الإبتلاء إلى صبر ورضا .. الله يفرح قلبك بكل ما تشتهيه .. |
رد : تغير زوجي بعد رفضي زواجه
أتفقي معاه ان يعطيش مهله سنه تحاولون فيها كل المحاولات من علاج
واذا ما كتب الله خلاص يتزوج تكونين انتي روضتي نفسش لفكرة زواجه وهو ضميره يرتاح بأن أديتوا الي عليكم ,, لان زواجه عليش واضح صعب عليه أيضا |
رد : تغير زوجي بعد رفضي زواجه
كل الحريم يقولوا مثل كلامك.. وكل شي الا الضرة ... ووو...
وفي الأخير تعيش حياتها عادي خصوصا اذا الرجل بمواصفات زوجك.. سهل الانسان يحط أعذار ومبررات لنفسه.. الصعب والشي العظيم والكبير أنك تضحي علشان اللي ضحى علشانك.. والكريم ما يضيع فيه معروف.. ... .. . |
رد : تغير زوجي بعد رفضي زواجه
تم نقل الموضوع لمكانه الأنسب... |
رد : تغير زوجي بعد رفضي زواجه
سقيا حبيبتي عمري 31 حاولنا تقريبا 4 مرات
|
رد : تغير زوجي بعد رفضي زواجه
اختي الله يرزقك الذريه الصالحه شفت موضوعك ودعيت لك بين الاذان والاقامه وعسى الله يتقبل
تدرين ان موضوعك اثر فيني كثير لعدة اسباب ماشاءالله تبارك الرحمن زوجك ذهب ماكنت ادري في وفاء بهزمن كدا وحسبي الله ونعم الوكيل في زوجي اللي انا صبرت بنهايه عليه وكافاني بطلاق والان قاعد يحرق قلبي يعلن خبر زواجه لي ولااهلي لكن مايضيع شي عند الله ان كنت حابه تعرفي موضوعي تلقينه بنفس القسم وحسبي الله ونعم الوكيل تدرين طليقي بعد فتره من زواجنا صار كل الايام يردد علي انه يبي يتزوج وبس يتكلم عن الزواج وحسبي الله وكفى رجال زوجاتتهم فيهم ماشاءالله تبارك الرحمن من الجمال والدلال والصفات الحسنه لكن يجي يقول لها ابي اتزوج بدون سبب يجيب اسباب وهميه صدقيني لايمكن يتغير عليك حتى بعد زواجك لانه يحبك واضح ماشاءالله تبارك الله صبر كل هسنين يشهد الله اول مره اسمع رجل كدا وبنفس الوقت حسيت في الدنيا خير يارب يخلف علي برجل صالح وحنون ويكون وفي وفي وفي للعشره يارب يعوضني خير منكسر قلبي حيل حبيبتي اكثري من الاستغفار واقرائي على نفسك وحاولوا تسافرين بره علاج قولي له انت صبرت واشكريه واثني عليه على صبره هسنين قولي عطني سنه من عمرك نحاول لو مرت هسنه وماحصل حمل لاقدر الله وان شاءالله تحملين فوضي امرك لله وخليه يتزوج حبيبتي بالعكس تكسبيه كدا |
| الساعة الآن 08:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©