|
رد : عدم اهتمام زوجي هل يحق لي أن أزعل منه؟
اقتباس:
كلامك ممتاز .. وتحليلك رائع .. بس كل اللي سواه لي وعشاني يبقي واجب عليه ومن ضمن مسؤولياته .. بس اللي سواه معي البارح وهو عارف ان ماعندي أحد وتعبانة وأتألم وفوق كذا ما يسأل عني لو برسالة .. قبل قليل اتصل ليذكرني بأن السيارة التي ستوصلني للدوام ستمر مبكرا وطلب مني اتجهز مبكرا والله حتي ماقال السلام عليكم ولا سأل عني الا سؤاله هل انتي في البيت أو عند أهلك .. طبعا أجبته انا في البيت فذكرني بالسيارة وقفل .. ماذا عساني أن أقول!!! |
رد : عدم اهتمام زوجي هل يحق لي أن أزعل منه؟
وعلي فكرة اتوقع اللي خلاه يتصل لاني حذفت جميع برامج التواصل الاجتماعي .. مالي خلق اتواصل مع أحد وبنفس الوقت هو سافهني يومني ولا كأني موجودة ..
|
رد : عدم اهتمام زوجي هل يحق لي أن أزعل منه؟
اتصلي انت اساليه كيف حاله
|
رد : عدم اهتمام زوجي هل يحق لي أن أزعل منه؟
اقتباس:
|
رد : عدم اهتمام زوجي هل يحق لي أن أزعل منه؟
هذا ردي على موضوع مرضك: ) معك حق كان أقل شيء يقول كيف صحتك؟ أو صرتي أحسن على أقل تقدير هذا شي ينحسب ضده اقتباس:
كنتوا قبلها بمشاكل؟ عنده ضغط عمل؟ توتر الجو بينكم بسبب موضوع الحمل؟ و بعدها انسحب و صار بعيد عنك لمدة يومين؟ طيب موضوع ( تذكيره) بأن سيارة دوامك بتمر مبكر أنت كان عندك علم بهالشي و هو يدري انك تدرين و اتصل علشان ( يذكرك) بس؟ أو متصل علشان ( يخبرك) انها راح تمر إن شاء الله مبكر بصفة إن ما عندك علم بهالشي؟ |
رد : عدم اهتمام زوجي هل يحق لي أن أزعل منه؟
الله يكون بعونك وعوني .. فرج الله همك
|
رد : عدم اهتمام زوجي هل يحق لي أن أزعل منه؟
ياحبيبتي الله يعوضك خير ويرزقك بالذريه الصالحه
حاسه فيك انتي طالعه من ازمه محتاجه زوجك يكون جنبك معنويا ويخفف عليك عشان كذا تلقيك متحسسه من اي كلمه واي موقف لكن هذا مو معناه ان زوجك مايحبك او مايهتم لك .. للاسف اغلب الشعب الخليجي كذا مشاعره صحراويه لكن انتي ﻻ تزوديها على نفسك بالتفكير بهذي الامور .. الله يعوضك خير يارب |
رد : عدم اهتمام زوجي هل يحق لي أن أزعل منه؟
اقتباس:
وفي شغلة ثانية اللي هي موضوع السيارة طبعا قدمنا علي سيارة جديدة دفعت مقدمها وهو راح يتكفل بالقساط طبعا بعد ما استشرتكم .. بس السيارة يبي لها اسبوعين عشان نستلمها .. بس خربت سيارته اللي نستخدمها وماعرفنا نصلحها فاستأجر سيارة دفعت تأمينها لان ماكان معاه فلوس راتبه سدد فيه دين وقفلناه وافتكينا منه ورجع جدد السيارة لاسبوع.. طبعا الاربعاء المفروض يسلمها بالليل فقلت له برسالة لان مابيننا كلام انا بغرفة النوم جالسة لحالي نفسيتي سيئة قلت له برسالة جدد السيارة لبكرة عشان دوامي وبعطيك حقها .. قال ماهمك الا نفسك اجدد السيارة دوامك مسافة عشر دقايق ولا همك دوامي مسافة250كيلو .. قلت له كلامك يضحك ماني مسؤولة عنك عشان اشيل همك بالعكس انت المسؤول عني وكلامك هذا عيب يقوله اي رجال .. وقلت له بدل ماتواسيني وتكون جنبي تسمعني كلام سم زي العادة مافي الا اختي قاعدة تواسيني لانها مانت معي علي الواتس وكانت تخفف علي وتواسيني .. قالي وش رأيك أوديك لها تواسيك من قريب .. بالله هذا رد واحد لزوجته وهي في امس الحاجة له .. حتي لو غلطت بكلامي تراني معذورة من الكلام اللي قاله ومن حالتي النفسية اللي انا فيها اللي ما كلف نفسه يواسيني ويوقف معي ابد... |
رد : عدم اهتمام زوجي هل يحق لي أن أزعل منه؟
اقتباس:
|
رد : عدم اهتمام زوجي هل يحق لي أن أزعل منه؟
اقتباس:
هذا هو الموضوع الأساسي إذن: ) ماهو مجرد ما سأل و لا اهتم هو نتيجة لسلسلة من التراكمات و الضغوطات اللي صارت في فترة بسيطة من ناحيتك أنت: رغبة في الحمل + شعورك بالاهمال كونه ما وقف معك بينما انت توقفين معه (و فعلا وقفاتك ماهي سهلة) + مرضك و عدم مبالاته و سؤاله و هو متحسس من موضوع السيارة انك اهتميتي بنفسك و ما اهتميتي فيه + يمكن حتى هو مأثر عليه موضوع الحمل لانه مهما كان هو الطرف ( الاضعف) في المسألة كونك سليمة + موظفة + كلامك بعد ما انفجرتي عليه بانه ( مسؤول) وهو في الحقيقة غير قادر على تلبية احتياجاته و معتمد عليك ممكن يعتبره جرح له يعني انتوا الاثنين متوترين …… كل واحد فيكم له اسبابه و جالسين تواجهون بعض بشكل غير مباشر بردود افعالكم … بما انك عند اهلك حاليا حاولي تريحين شوي انت تحت(ضغط) و دامك مضغوطة بتصير نفسيتك ( هشة) ريحي لك يوم يومين بعدها حاولي تكلمين زوجك او ترجعين لبيتك لان الموضوع محتاج ترتيب و صراحة و علشان تقدرين تتفاهمين لازم تكونين مرتاحة شوية و قوية علشان تتحملين و تقدرين تعبرين بانتباه و حطي باعتبارك ان الطرف الاخر ماخذ مواقف مثلك …… بس من زاوية ثانية هدي و ريحي بالك كم يوم بعدها ربي ييسر امورك |
| الساعة الآن 12:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©