|
رد : زوجي يزعل على اسباب تافهه
صدقيني احسن لك ان زوجك تركك عند اهلك اذا هو وضعه ونفسيته مو مرره ..
هالشي اريح له ولك ولما يحس نفسه تضبطت اوضاعه وهدا ورجع طبيعي رح يرجع ياخذك حتى لو قبل هالاسبوع ما يخلص انتي حاولي تتقربين من زوجك وتعرفين ايش اللي مضايقه بس لا تنشبين له بالاسئلة اذا كنتوا جالسين لحالكم وهو مقفل قولي له : حبيبي هالايام ما اعجبتني عسى ما شر مزعلك شي ؟ متضايق من شي ؟ انا زوجتك وحبيبتك وام عيالك لو ما فضفضت لي باللي مضايقك وشاركتك همك من رح تفضفض له ؟ > لا تقولين له ابددددا انت متضايق مني او انا مزعلتك لا حاكيه على ان مشكلته برا البيت اذا قال لك ما فيني شي وهذا الاغلب قولي براحتك حبيبي بس عشاني لا تكدر خاطرك ولا تتضايق من شي ترى الدنيا ما تسوى وبالنسبة لاهلك قولي لهم انك انتي اللي طلبتي من زوجك ترتاحين من شغل البيت شوي وانك مشتااقة لهم وتبغين تقضين عندهم كم يوم .. وف هالفترة حاولي ما تكثرين اتصالات على زوجك بين فترة وفترة حاكيه وخلي المكالمة سؤال عنه وانك تبغين تتطمنين عليه وبس .. الله يصلح حالك ويبعد عنكم المشاكل والهموم مشكلة الرجال لما تكون طبيعته وشخصيته كذا لان اكثر من يتعذب معاه زوجته الله يعيننا واياك يارب :( |
رد : زوجي يزعل على اسباب تافهه
السلام عليكم ورحمة الله وبركاته ..
أختي الكريمة حلم إياك أن تخبرين أهلك بوجود أمر ما بين زوجك ، أخبريهم بأي شيء بعيدا عن المشكلة ، وعندما تعودي بإذن الله إختاري وقتا ومكان مناسب للتحدث معه بكل هدوؤء وتصارحيه ... أصلح الله حالكما .. |
رد : زوجي يزعل على اسباب تافهه
جزاكم الله خيرااjyh
|
زوجي موسوس
سبق ان تكلمت عن موضوعي معه المهم مرت شهور على خير كان فيها حركات منه بس تنبلع بس الحين رجع زي اول يتصرف اول كنت اناظره انه فيه حسد فيه عين كنت ماعرف وش فيه بس بعدين وضحت مشكلته عندي عرفت انه مريض نفسي واكل علاج للوساوس وخاف كثير بس بالتدريج الحين اكتشفت انه تركه وبدا يرجع وكان من اول اصلا ياكل حبوب مو معترف انها حبوب نفسيه المهم اقولكم تصرفه وانا نايمه اكيد الواحد يتقلب يقولي ليه تحطين يدك ليه تناظريني وش عندك قلت عادي انقلبت وشفتك ليه حطيتي يدك وقام يمثل لي الطبيعي شلون ينقلب حسيت انه مهبول مب صاحي قمت اداريه اخاف يسوي شي لاني قلت مانت طبيعي وتنرفز خفت منه لا ويقول بوديك شيخ تحلفين ان ماعندك شي ورجع شريط اول وهباله معي بغيت انهبل قلت ليه تركت علاجك قال من عرفتك اكلته اناا مافينيي شي انتي المشكله ليه ماتغيرن طبعك بالنوم قلت اتربط ليته على النوم جا قبل ويقولي في احد داخل البيت وانا ماعندي مفتاح لبيته للحين ماحس انه بيتي ماحاول اشتري شي للبيت ماحسه لي ماحس باستقرار للاسف كبرت وانا مجتمعي اللي حولي صغار ومتزوجات من زمان انا ماعرست الا وعمري 34 والحين دخلت 36 وماحملت افكر اتركه لاني تعبت بس ماقدر اواجه الي حولي من اول وهم يخافون اصكهم عين عانس والحين مطلقه مليت اداريه احس انه مهبول يعني الموسوس يقول روحي شيخ احلفي وفي اشيا بعد تضحك الله يخلف بس قلت بروح لاهلي قال خوذي قشك معك قلت مابي لارحت بعدين اخذهم معي ماقدر نفسيتي احس قلبي بيوقف gfn
|
رد : زوجي موسوس
حلم
كنت اتمنى ترجعي باخبار اسعد هل انتم متعمدين تاجيل الحمل نصيحه راحعي استشاري واشرحي حاله زوجك بالتفصيل |
رد : زوجي موسوس
زوجك ترك الأدوية فجأة بدون استشارة الدكتور ولا كيف ؟ لأن بعض الأدوية النفسية لها أعراض انسحابية وماينفع قطعها فجأة أبدا لازم بالتدريج عشان ما يشتد عليه المرض وتزيد الأعراض، خليه يراجع دكتوره ويشرحله الوضع عشان يرجع لأدويتـه ويغيرها له ولا يزيد له الجرعات إذا تعبان هالفترة أزود .
ولا تحملي لا تحملي لا تحملي لما ترسي على بر وتقرري تقدري تكملي حياتك مع هذا الشخص ولا لا ؟ أغلب المرضى النفسيين الحياة معاهم لا تطاق، هل من بداية الزواج ياخذ أدوية وما لا حظتي عليه شيء في فترة الملكة، إذا من زمان على العلاج ف انسي إنه يتشافى ويعيش طبيعي بدونه، استخيري واستشيري وادعي الله ينور بصيرتك .. ولا تحسبي حساب للناس وكلامهم أهم شيء راحة بالك كلن عايش حياته وصاك بابه على نفسه ومحدن درى عنك .. فكري بنفسك فقط وكان الله في عونك . |
رد : زوجي موسوس
هي القسمة والنصيب والعشرة من يحددها هو الله
|
رد : زوجي موسوس
يا الله
الله يفرج همك ويشفيه هو مريض غصب عنه الله يشفيه ويشفي مرضى المسلمين لكن اجلي الحمل حتى تستخيري وتقرري مصيرك والناس خليهم تحت رجلك وفكري بنفسك ومستقبلك.. الله يعينك وطمنينا عنك🌷 |
رد : زوجي يزعل على اسباب تافهه
تم دمج الموضوعين لترابط المحتوى ....
|
رد : زوجي يزعل على اسباب تافهه
ترك حبوبه عنده خبره طال عمره بدا ينقص من الحبه حد ماتركها مسوي خلاص طاب من الوسواس وهو اول قبل سنه اساله عن علاجه يقول للعضلات عندي تعب بعدين قال انا فيني مرض يجي الاذكياء في مشاهير فيهم المرض وبعدين قال اسمه بي دي
المهم ربطت كل الامور وعلى وضعه عرفت مرضه انه اظطراب ثنائي القطب هو جايه حادث والضربه على راسه جت حسبي الله ونعم الوكيل الي يقهرني انه داري انه مريض اصلا اكيد هذا من اسباب مرضه وزاد وساوس ومو معترف انه موسوس انا حاطني السبب وطبعي اخليه يشك واختي تقول انتبهي تتركينه انتي كبرتي من بيجيك شيبان قربتي على الاربعين جيبي ولد وبكيفه تقول نصير مطلقتين بالبيت وكبار كان يقاطعونا اول عانس ومطلقه الحين بصير مطلقه بعد ودي بولد وبكيفه همي اجيب ولد حتى ماتوظفنا الله يرزقنا ويصبرني وشكرا على تجاوبكم بس الموضوع مايناسب المشكله مفروض زوجي مريض نفسي ممكن يتغير وتشييلون الموضوع الاول |
| الساعة الآن 09:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©