|
رد : زوجتي ولعب دور الضحيه
المشاكل اللي بينكم عاديه جداً الواحد يستحي يتكلم فيها مو يوصلها للناس الكبار
برأيي تفاهم معاها لوحدها لان والله هذي أصلا ما تعتبر مشاكل لاكن كبرت لما خرجت برا أسوار بيتكم الله يهديها ويصلح حالها وهذي حاله جداً عاديه في السنه الاولى من الزواج |
رد : زوجتي ولعب دور الضحيه
اقتباس:
بجد صرت احس انها تبي الجلسه عند اهلها بحكم عندها السواق واخوانها الصغار ؛ تحب تهتم فيهم وتدلعهم في نفسس الوقت صارت لها مشكله ومشادات كلامبه مع زوجه اخوها توها عروسه وتبى تسوي لها شخصيه في بيتهم .. احتمال يوم يرجعون من السفر ماراح تتاقلم مع زوجه اخوها وتحس بالوحده !!! الله يهديها |
رد : زوجتي ولعب دور الضحيه
اقتباس:
اقتباس:
بصراحه اانا مطنشها لان الى الان طريقه كلامها انها تبي تحط على الغلط وتبيني اروح اراضيها لكن لازم تفهم اللي سوته مو احترام لي الاسرار الزوجيه سوى كانت سلبيه ام ايجابيه والله يصلح حالها .. |
رد : زوجتي ولعب دور الضحيه
اقتباس:
العلامة ابن عثيمين - رحمه الله - http://www.youtube.com/watch?v=nkaSi_xNjhc وتفصيل رائع للشيخ سليمان الرحيلي http://www.youtube.com/watch?v=0hOONY4ye70 |
رد : زوجتي ولعب دور الضحيه
طنشها طنشها
ونصيحه انتبه تحمل |
رد : زوجتي ولعب دور الضحيه
لعل لي عودة لموضوعك إن شاء الله..
|
رد : زوجتي ولعب دور الضحيه
اقتباس:
كلامهم في غايه الرووووعه ... اتمنى ان زوجتي تتفهم هذي النقاط |
رد : زوجتي ولعب دور الضحيه
ياجماعه الخير الحين لها 3 ايام تتصل وترسل عالواتس اب .. تقول انها تبي ملابسها وانا مطنششها ... هل استمر ؟
طيب ليه رحتي مع خالك ع اساس انك يومين وراجعه فجاءه ينقلب الحال والكلام !!! |
رد : زوجتي ولعب دور الضحيه
اترك كلام الحريم ولا تتدقق فيه
كلامك مع الخال اللي قال يومين تغير جو .. |
رد : زوجتي ولعب دور الضحيه
وعليكم السلام ورحمة الله وبركاته
اولا ياأخي الكريم تأكد ان بداية الزواج هي الأصعب والأهم فيها توضع الأساسيات وتحدد الخطوط الحمراء وكل طرف يحدد وش هي حدوده مع الطرف الاخر وهذا كله يحصل تلقائيا بدون تخطيط عشان كذا كون حريص فالأمر الي تتنازل عنه الان حتى ولو كان حق لك راح تبقى متنازل عنه ع طول واذا حصلت عليه راح يكون من باب الاحسان اليك وليس من باب انه حق لك .. افرض احترامك بشكل او بأخر المره هذي جلست عند اهلها وكسرت كلامك المره الجايه ممكن تخرج من دون اذنك (خروجها من البيت وفترة بقاءها لك فيها حق القوامه وعليها السمع والطاعه ممكن تقنعك بأسلوبها لكن ماتكسر كلامك ولاتخرج عن شورك) ذكرت انكم اختلفت بسبب المصروف ماعرف طبيعة المشكله لكن بالنسبه لك لاتكشف كل امورك الماديه امامها وبنفس الوقت خلها تحس انها تعرف كل شي عنك اعطها مبلغ قول هذا مصروفك الخاص وحط مبلغ بمكان ظاهر لكم الاثنين هذا مصروف البيت ومبلغ اخر قول هذا ل الضروره نوفره ممكن نسافر فيه بعدين او لاسمح الله احتجناه لسبب او لاخر (لوهي عاقله رح تكتفي بالي عطيتها لو مسرفه رح تضيع حتى مبلغ التوفير ومثل هالشخصيه لازم تكون حريص معها والا بتخرب ميزانية البيت وتحوسك) وجدول نومكم المفروض يكون مع بعض وسهل تنظم نومها لان ماعندها طفل وحتى لو سهرت المفروض قبل ترجع من دوامك تكون صحيت وصلحت الغدا لازم يكون فيه نظام بحياتكم والزوجه الذكيه ماتترك زوجها يدخل ينام لوحده يقولون لابعدت المخده راحت الموده ودورك هنا تعودها ع هالشي وتجيب راسها بطريقتكsdd المشكله الاصعب عندك هي انعدام الخصوصيه المفروض بدل ماتشكي لاهلها تطلب منك انت بأسلوب حلو وانتهى الموضوع وشي طبيعي انك ماتعرف لوازم البيت لان وضعك اول عزوبي ما لك بهالامور.. فهمها ان كل أموركم زينها وشينها ماتطلع من بيتكم نهائيا لالقريب ولالبعيد لان المشاكل كذا تزيد وتكبر وتتولد حزازيات بين الاهل وامور ماتنتهي ... لو قدرت تحضر دوره انت وياها عن مهارات التعامل بالحياه الزوجيه والحقوق والواجبات حلوو واذا حضرت خذ دفتر صغير شكله حلو وبأول صفحه اكتب مقدمه بسيطه عنوان الدوره وتاريخها وأمنيات لحياتكم..وسجل المحاور الاساسيه لهالدوره ويتخللها كلام رومنسي وعبارات تفاؤل عن حياتكم كيف بتكون وكيف بتخططون لحياتكم سوى ..وقدمه لها مع هديه بسيطه شوكليت وباقة ورد مثلا...(الحقيقه يظهر ان زوجتك جاهله بكثير امور مهمه لازم اما تحضر دورات او تقرا ممكن تشتري لها كتب او اي طريقه ثانيه تتعلم بها الحقوق والواجبات و أساسيات التعامل ... خارج النص ..وحده من قريباتي متزوجه واحد اصغر منها يمكن بسنه او حولها المهم البنت متأثره من الموضوع ذا نفسيا هي ذكرت هالامر وقالت مع انه ماعمره جاب لي طاري العمر الا اني مقهوره ..بنظرها ان زوجها رح يتزوج عليها اكيد ولازم ماتتعلق فيه زياده عشان ماتنصدم ممكن يكون هالموضوع مأثر ع زوجتك حاول تتحسسها بالامان ولاتجيب طاري العمر ممكن لما قلت لها اكبري قهرتها .. كمان وقت المشكله لاتشد معها الافضل تخرج لما تهدون وممكن تتصل اوترسل لها مثلا بجيب معاي حلا اش رايك تسوين لنا قهوه ونتفاهم بهدوء .. واخيرا غلط تناااام برى البيت ياليتك ماتكررها ويكون زعلكم بينكم .. واعتقد خالها هو الي اخذها المفروض هو يجيبها والا يكلمك بهالخصوص الله يكون بعونك و يصلحها لك ويجمع بينكم بخير .. |
| الساعة الآن 01:20 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©