|
رد : عيوب زوجي كثيرة
مرت علي نفس المواقف الي ذكرتيها
شكلها تتكرر كثير في مجتمع الصحراء ودام هذا طبعه ماينفع معه السكوت ولا تعطينه فوق حقوقه اي شيء وردي الظلم والاذى عنك وطالبي بحقوقك باكثر من طريقه بغنج بدله واذا مافادد زعل وعتب و شوفي ايش يجيب معه بس السكوت وانك طيبه ومسالمه مايصلح مع هالنوعيه ينفع معهم المكر والحيل |
رد : عيوب زوجي كثيرة
بخصوص طلب المصروف لا تتحرجين
ولا تخافي أبدا من ردة فعله هو ملزوم بك والقوامه أعطيت له (بما أنفقو من أموالهم) وانتبهي لردة فعلك عندما يرى قلقك وتخوفك واستحيائك في الطلب تصل له رساله أن طلبك غير هام أما اذا طلبتيه بوضوح وبوجه منبسط ومرتاح وبدون تبريرات , انتبهي بدون تبريرات وكلام كثير سيقتنع بأهمية الطلب مثلا ستذهبين لأهلك قولي اعطني مبلغ 1000 احتاجه لشراء كذا وكذا عبارة مختصرة وموجزة ولو رفض أو ماطل لا تنحرجين فأنتي لم تفعلي خطأ , لكن هذكذا هم الرجال تجاوزي كل حلطماته وعباراته ومن الغد اطلبي من جديد واعذري ردي المستعجل , لم أشأ أن اخرج دون جواب |
رد : حياتي مع زوجي كئيبه جدااا
:14:
اقتباس:
اما لو كانت المناسبه تحت عند اهله يا ويلي لو ما انزل اساعدهم بدري مع العلم انهم شغاله واحيانا ثنتين و 4 بنات اصغرهم 20 سنه ، غير اني انزل من غير ما يقول واتفق معاهم اني راح اسوي بعض التجهيزات عندي،، وانا بصراحه استحي اطلب منهم احد يساعدني اذا ما صار من نفسهم بلاش منها وبخصوص حقوقي صدقيني انا ما كتبت هنا الا بعد ما طفح الكيل عندي ومو معقول كل مابي حق من حقوقي ازعل عشان يلبيه لي مع العلم انو مو دايم يلبيه، انا ما اطالب باشياء خارقه، انا راضيه بأدني شي ع الاقل احس اني زوجه ولي اهميه في حياته |
رد : عيوب زوجي كثيرة
اختي اذا على المصروف لا تطلبي بشكل مباشر
اكتبي كل متطلباتك ومتطلبات ولدك على ورقة واعطيه اياها وضعي على الاكثر اهمية خط والاكثر خطين واكتبي اشياء تافهة ضمنها لانه اكيد ان كان بخيل رح يحذف منها اشياء و بالتالي يبقى الاهم وممكن انك تضعي جنب كل شئ سعره اما انك تقولي جرب كل شئ انت ليساتك في بداية حياتك يعني ما تعرفيه وهو لا يعرفك جيدا اذا موضوع التطنيش جاب نتيجة انت تفنني فيه يعني خلي علاقتكم رسمية ضحكتك ما يشوفها ولا تتكلمي امامه الا وقت الضرورة القسوى كما انصحك تخفي اشياء احتياط قبل ما تنتهي وتكتبي على الورقة لا تظغط ي على اعصابك مقابل ارضاءه خاصة اشياء الولد من واجبه ان يؤمنها ممكن ان كان يستحي من اهلك ان رفض يشتري شئ قولي ساطلبها من والدي رح ينحرج و يجيبها غصبا عنو انتبهي ان يكون طماع فيطمع في والدك اي يجب ان تجس النبض ان كان يستحي او لا كما ان مقتنعة تماما ان الحل مع الرجل البخيل هو عمل الزوجة |
رد : عيوب زوجي كثيرة
توقعت بيجيك هجوم ان مشاكلك بسيطه وانك تدلعي الحمدلله المنتدى طلع واعي
وانتي واعيه وحابه تغيري بصير عمليه مافكرتي تدوري وظيفه |
رد : عيوب زوجي كثيرة
اعانك الله حزنت عليك والله بس خذيها قاعدة إذا مارحمت نفسك زوجك ماراح يرحمك كنت تعبانة تمددي على السرير وهو يدبر نفسه مو انت تدبري نفسك إذا ماعنده احساس حسي انت بنفسك وخليها في المرتبة الاولى ... على العموم من ضيع حق ربه فهو لغيره اضيع .
|
رد : عيوب زوجي كثيرة
قانعه ... سماء العداله ... ريتاج ... مبتعثه متفائلة ... طيبة الطيبة
شكرا من كل قلبي ع تفاعلكم ونصايحكم الله يسعدكم بخصوص طلبات الولد فهو يوفر الضروري من بامبرز حليب فقط ،، لكن من ناحية مواعيده وتطعيمه بالمستشفى مهمل فيها ويماطل كثيرر ولا يهتم اما الوظيفة انا عندي ماجستير وجتني وظيفة حكومية وتناسبني كثيرر اول ماتخرجت وكان قبل زواجي بكم شهر لكن للاسف رفضتها وانا اللحين ندمانه لكن الله يعوضني بالاحسن قريب ان شاءالله |
رد : عيوب زوجي كثيرة
اهلين اختي ،،
بالنسبة للصلاة ما جاوبتيني هل هو يتركها يعني مايصلي ابداً ولا يقضيها بعدين ؟؟ والا يؤخرها عن وقتها ويصليها في البيت بعد فوات الوقت ؟؟ لانه هالموضوع خطير اذا كان تارك للصلاه بمعنى تفوته صلوات ولا يقضيها فهو يعتبر تارك اعتقد ، بإمكانك سؤال اللجنه الدائمه للإفتاء بهذا الخصوص ،، ولكن بما انه ينصح اخوانه يصلون فاعتقد ان الصلاه في قلبه لكنه يتكاسل اذا كان كذلك فيه أمل ان شاء الله ،، اذا جت الصلاه وانتم عند اهله وقال لاخوانه قوموا صلوا قولي له يالله روحوا الله يتقبل منكم وقوليها له هو ،، خليه ينحرج شوي ،، وارسلي له المقاطع المختصره التوعويه يعجبني اسلوب الاخ الفاضل مشاري الخراز ابحثي ان مقاطعه مع الصلاه في اليوتيوب كلامه لطيف جميل مختصر ،، وارسليها لزوجك ،، وكما قال الله تعالى "معذره الى ربكم ولعلهم يهتدون" وبخصوص اخواته ليش تنحرجين تطلبين منهم يساعدونك ؟؟ اذا انتي بنفسك قلتي ان عندهم خادمه وانتي بنفسك تنزلين تساعدينهم اذا كان عندهم مناسبه ؟؟! وربعٍ تعاونوا ماذلوا << يعجبني هالمثل هههه اتركي الحساسيات الزايده زوجك ماينفع معه هالاسلوب اذا مااعطاك حقك من طيب خاطر مالك الا تقوين نفسك والحساسيه ارميها برا البيت وقوي عينك وقلبك طبعا القوه ماتعني العصبيه ،، القوه ان تطالبين بحقوقك ولا تسمحين لاي احد بالغلط عليك حتى لو كان زوجك المحترم ،، وبالنسبه للمصروف اعرف واحد من اقاربنا مثل زوجك لو تشوفين زوجته وعياله تبكين معهم :'( والله ابوهم غني والناس يتصدقون عليهم بسبب انه بخيل ،، الاشياء في البدايه تقدرين تحلينها اما اذا انتظرتي انه بعد سنوات راح ينزل على زوجك ملااااك ويحوله الى رجل كريم ف نامي وكبري المخده نصيحتي لك طالبي بالاقتطاع من راتبه شهرياً وبشكل آلي من البنك قولي له عشان اريحك وارتاح مو كل شوي اطلب منك ،، واذا رفض وانا عااارفه ومتأكده راح يرفض دخلي احد بالموضوع ،، والا ترى بيجيك يوم تشوفين الناس يتصدقون عليك وعلى عيالك وزوجك يجمع فلوسه لا هو اللي تهنى فيها ولا هو اللي هنى اسرته ،، وبالنسبه لخوات زوجك قوي علاقتك فيهم ووضحي لهم انك تحتاجين خادمتهم اذا صارت عندك او عند زوجك عزيمه واعزميهم ع العزيمه يعاونونك ويسهرون معك ولاتقولين مااقدر اضغطي ع نفسك واقدري ،، صدقيني زوجك ماراح يحس فيك ابداً وهالنوع يبي له وحده قويه تعرف اللي لها واللي عليها ،، ربي يسهل امرك ويهدي زوجك ،، |
رد : عيوب زوجي كثيرة
وعليكم السلام ورحمة الله وبركاته ..
مرحباً أختي الكريمة .. رأيت موضوعكِ من أول ماوضعتيه وأكثّر شيء مالفتني هو تركه للصلاة والمفروض هذه أول مشكلة تطرحيها ؟! اتمنى أن تجيبي عالأسئلة .. أولاً / هل زوجكِ من بداية الزواج ترك الصلاة أم خلال هذه الفترة الآخيرة ؟! ثانياً / ذكرتِ عيوب زوجكِ بالمقابل ماهي مميزاته ؟ ثالثاً / ماهي الطرق التي جربتِ فيها نصحه للصلاة ؟! ( المفروض تركزين على أمر الصلاة فهي الأولى بمجرد حلّ هذه المشكلة صدقيني كل الأمور ستحل لديكِ ) ولفتني أكثر ينصح أخوانه عالصلاة وهو لايصلي " يوجد لديه خلل " وهو كان في صغره يؤمر بهذه الطريقة والذي أمامه لايصلي ..( كوني متنبهة لهذا الأمر بالمعنى لديه خير ) رابعاً / بالنسبة لأعتقاده بأن المرأة تخدم ووووو كذلك مفهوم خاطىء ومعتقده هو بسبب البئية التي عاش بها وأثّر عليه ذلك .. فيحتاج تصحيح المفاهيم بالنسبة لحقوقك .. أجيبني على ماسئلته ولي عودة على كل ماذكرتيه .. وجبر الله قلبكِ بكل ماتُحبين .. |
رد : عيوب زوجي كثيرة
أول شي أسأل الله العلي العظيم رب العرش الكريم أن يسخر لك زوجك و يهديه لك ويرزقك من أوسع أبوابه ويبعد عنك شر الفتن ما ظهر منها وما بطن طبعا الأخوان ماقصروا في بعض الحلول و لا ازيد عنهم شي بارك الله فيهم لكن الي شدني في موضوعك ان عندك شهادة ماجستير انتي ما وصلتي الى هذا المستوى الا انه عندك طموح وطموحك ما يتوقف بسبب زواج او غيره لا تخلين شي يكون عقبة في طريقك شهاداتك هي سلاحك بعد تأكدي أن مافي أحد دائم ﻷحد إلا وجهه الكريم نصيحتي لك يا أختي قدمي على اقرب وظيفة وان ربي كاتب لك رزق راح تأخذيه اقل شي تقدرين تشيلي نفسك صحيح أن زوجك ملزوم لك و لمصروفك لكن احيانا مصاعب الحياة تغلب على الواحد مهما كانت ماديته فقدمي على وظيفة فهي بعد الله مستقبل لك و آمن لك أسأل الله أن يسر أمرك ويفرج همك و يرزقك من أوسع أبوابه و يقر عينك بولدك و يصلح لك زوجك و يهديه لك
|
| الساعة الآن 11:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©