منتدى عالم الأسرة والمجتمع - مديرتي السابقة ترفض اعطائي شهادة خبرة

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - مديرتي السابقة ترفض اعطائي شهادة خبرة (http://www.66n.com/forums/showthread.php?t=246381)

رد : مديرتي السابقة ترفض اعطائي شهادة خبرة

اقتباس:

المشاركة الأصلية كتبت بواسطة UAExTaker (المشاركة 2954687)

[align=center]موضوع غريب فعلا!!

وهذي مب حجة تحتج فيها المديرة
وهي تعرفانج تستحقين شهادة الخبره

يعني طول هالمدة كان المركز مخالف للقانون
وهي حضرتها توها صحت واكتشفت هالشي؟!

والمشكله انج انتي بعد ساكته طول هالمده ليش؟!

وجهي لها كتاب مطبوع وموقع بتوقيعج
بمطالبتج بشهادة الخبره تشرحين فيه انج تستحقينها
وانج تشتغلين في المركز من 3 سنين وتشرحين في
هالكتاب كل شي وخليها توقع لج على صورة منه استلام

بالاضافه الى انج ترسلين لها هالكتاب عالايميل الرسمي للمركز
عشان يكون لج مستند انج طالبتي بشهادة الخبره!!

واذا عندج اي شي يثبت انج موجودة في المركز من 3 سنين
ارفقيه مثلا سجل الغياب ولا كتب بتوقيعج ولا اي شي

وهي امام خيارين:

اما انها ترد عليج عبر الايميل ولا كتاب خطي بان المركز
كان غير مرخص واوراقه مزوره وهنا تحط نفسها امام
المساءلة القانونيه بتهم مزاولة نشاط من غير رخصه
بالاضافه الى التزوير وانتي عندج المستنداللي يثبت
اللي هو ردها عليج بالكتاب الخطي ولا الايميل

او انها ماترد عليج واعطيها مهله كافيه بعد الكتاب
او الايميل كذا اسبوع ولا اسبوعين عشان ترد عليج
واذا ماردت فهذا يعني ضمنيا استحقاقج للشهاده!!

وفي كل الاحواللازم تاخذين صورة استلام للكتاب
اللي بترسلينه لها او عالاقلترسلين لها ايميل

واذا ما فاد مافيه غير تقيدين دعوى بعد استشارة
محامي واذا عندج ردها بان المركز كان غير مرخص
في هذي الحاله هي بتخاف وبتسوي لج شهادة الخبره

وطبعا لا تقيدين دعوى اذا ناويه تستمرين في المركز
لانالعقليات ماتستوعب احقيتج بالمطالبه بحقج
وتاخذها من نظرة تحدي والله يوفق الجميع :)[/align]

تراك قلتها مركز مخالف يعني لو اشتكت مابيفيدها شي ا.. يمكن يسحبونها للمركز كشاهد وانت تحيد بنات الناس عيب يدخلون المراكز ..
البنت ماخذت حق واحد من حقوقها كاي موظفه..بس القهر على هالمديره شينه اللي سافرت واستغفلت الكفاءات لمصلحتها وظلمتهم ..

القانون مابيحيمها لانه مافي شي يثبت وجودها او وجود اي بنت غيرها..الله يسامحج ساندرا ثلاث سنين؟؟!!!! شكلي مابنام الليله من الصدمه

رد : مديرتي السابقة ترفض اعطائي شهادة خبرة

انا دخلت اخويا الكبير بالموضوع

وللأسف اول شي فكر فيه هو الإعلام بحكم انه كان يعمل في احدى الصحف وعلاقاته ممتازة مع الصحفيين

انا رفضت هادا الشي ماافكر بالمواجهه من البداية

رد : مديرتي السابقة ترفض اعطائي شهادة خبرة

اقتباس:

المشاركة الأصلية كتبت بواسطة Sandraa jeddah (المشاركة 2954688)

لو قدمت شكوى لمكتب العمل اتوقع راح آخذ حقي وزيادة

لكن بصراحه اخاف من انتقامها بحكم انها مو سعودية

وكلمة سمعة ماتطلع من لسانها...<< احنا فهمناها وعقلنا :22:

ساندرا اذا هي موب سعوديه انتي سعوديه وانتي كونج بنت البلاد القانون بيحميج وبيتقدمج على الوافد المواطن دائما ياتي بالأوليه .. وبخصوص تهديدها حجه عليها هالظالمه.. بس فكره الشكوى مابتفيد اهني المشكله

ساندرا بردي حرتي ووافقي على طلب اخوج الاعلام والله بيردلج جزء من اعتبارج وافقي لاتخليني اييج السعوديه الحين هههه والله

رد : مديرتي السابقة ترفض اعطائي شهادة خبرة

اقتباس:

المشاركة الأصلية كتبت بواسطة بنت بوظبيxAD (المشاركة 2954699)

المركز كان مخالف.... والآن صار وضعه قانوني على كلامها

ووانا اقدر آخذ حقي منها عن طريق مكتب العمل

لكن اخاف من انتقامها

وهيه قالت انا افهم ايش يعني بنات قبايل وايش يعني سمعة

وقبل هددت بنات قدامنا وقالت اقدر اخرب سمعتكم

رد : مديرتي السابقة ترفض اعطائي شهادة خبرة

اقتباس:

المشاركة الأصلية كتبت بواسطة بنت بوظبيxAD (المشاركة 2954701)

اخاف.... افكر بردة فعلها.... ومااقدر اتوقع

رد : مديرتي السابقة ترفض اعطائي شهادة خبرة

مرة كلمتني وقالت ياساندرا عليك شكوى مقدمه في هيئة الآمر بالمعروف والنهي عن المنكر :(...<< تخوفني..... وكمان شكوى بحقوق الإنسان ع اساس اني معلمه اعنف الإطفال اللي عندي....

كلمت محامي وقلتله ع الموضوع قال بخصوص التعنيف لازم تكون الشكوى من اهل الطفل ويكون هناك تقرير طبي يثبت هادا الشي

تتوقعي ماتقدر تدبر لها حيلة بمساعدة ابناء جلدتها عشان تلفق لي تهمه وتدمرني

رد : مديرتي السابقة ترفض اعطائي شهادة خبرة

وهل فعلا في شكاوي؟
او حديث شفهي؟
شهادة الشكر فيها توقيع؟
ختم؟
ترخيص؟
ولمدة كم؟
سؤال حساس شوي
هل ماسكة اي شي حساس عنك مناي موضوع حساس؟

رد : مديرتي السابقة ترفض اعطائي شهادة خبرة

ساندرا بليز تتكلمين وكانها ماسكه عليج مسكه تهددج بالهيئه مرحبا الساع بالهيئه خير شو عندكم؟؟ وين دليلكم؟؟ والا الموضوع ياساندرا انه هيئه تلعب باعراض ناس بدون دليل..

تدرين ساندررا تقولين موب من وطنج يعني في ستين داهيه تاخذها..

اخوج تفكيره حلو ليش في المركز انتي الوحيده الي قبلت فيها بدون الاجراءات الوظيفيه ؟؟ اكيد في غيرج ..
بس تعرفين الغلط من اساسه انتي رضيتي بتهديدها كانج الغريبه والدخيله بوطنها خليتها تستغفلج بدون لاتوعين نفسج بهالامور..

اخوج ييا يرد اعتبارج انتي رافضه ومحسستنا انه ماسكه عليج دليل..ماتوقعتج بهالسلبيه

في الاخير احسن الله عزاج في ثلاث سنين .

رد : مديرتي السابقة ترفض اعطائي شهادة خبرة

اقتباس:

المشاركة الأصلية كتبت بواسطة unlimited (المشاركة 2954707)

مافي اي شكوى ضدي في هيئة الامر بالمعروف الحمدلله... هيه بهادا الكلام كانت تقصد وجود بنات بويات في المركز وانو انا من ضمنهم... الموضوع كلو عن الشذوذ اعوذ بالله...

رد : مديرتي السابقة ترفض اعطائي شهادة خبرة

اقتباس:

المشاركة الأصلية كتبت بواسطة unlimited (المشاركة 2954707)

شهادة الشكر والتقدير هذا نصها

تتقدم ادارة مركز(.... لذوي الاحتياجات الخاصة) بخالص الشكر

للاستاذة... اسمي الثلاثي.... << مو معلمة :d

على جهودها المبذولة وتميزها مع الاطفال وفريق العمل لعام 1432/1433هـ

مديرة المركز ..... القديمة مو الحالية

الختم... بإسم المركز القديم وترخيص....