منتدى عالم الأسرة والمجتمع - زوجتي تثير المشاكل (معدل )((مشكلة محلولة في الرد 118))

منتدى عالم الأسرة والمجتمع (http://www.66n.com/forums/index.php)

- المشاكل المحلولة (http://www.66n.com/forums/forumdisplay.php?f=42)

رد : زوجتي تثير المشاكل (معدل )

معليش ياخوي سؤال انت سبق ومسكت عليها شئ ولا كل هذا الشك فيك مجرد ظنون اذا كان مجرد شك في داخلك انتبه ترى في العجلة الندامه وفي التأني السلامه .

رد : زوجتي تثير المشاكل (معدل )

اقتباس:

المشاركة الأصلية كتبت بواسطة أم سلطان1 (المشاركة 2890879)

الله يعينك يا اخي عليها بس انت ليش ماحاولت تمسك اعصابك ولا ترميها بالكاس اللي في يدك جالسين تتعاركون وتترامون بالأشياء اللي موجودة مثل البزارين لا انت فيك صبرولا حكمة ولا هي فيها عقل ولا ركادة هذا وعندكم طفل يعني لو عندكم اكثر من طفل وبأعمار متفاوته كيف بتكون نفسيتهم وكيف بتكون نظرتهم لكم وانت مطاققه انت وامهم

بالنسبة لسب اللي تسبك فيه هذا لازم انك توقفها فيه عند حدها وتمنعها من انها تتلفظ عليك بالفاظ وسخة بس مو بالضرب والعنف الله يهداك فيه طرق اخرى مثل انك تقاطعها وتهجرها وماتعطيها وجه وتحرمها من الأشياء اللي هي تحبها واهم شئ إنك تحقرها لعلى وعسى تتراجع وتتعدل في تعاملها معاك

بالنسبة لطريقة مراقبتك لها إذا سمح الله إنك شايف عليها شئ او ملاحظات ملفته لنظر يحق لك مراقبتها وهاذي زوجتك من الحق والواجب عليك رعايتها والحفاظ عليها لاكن إذا كان مافيه هناك شئ يستدعي انك تراقبها وانت واثق منها ومن اخلاقها ماله داعي إنك تجلس تراقب وراها
بالنسبة لكلمتها تحسب اني مواعده احد بالسوق
اتوقع ان هي تبغى تستفزك بكلمتها فقط لاغير وكان وديتها انت بنفسك لسوق وتدخل معاها وانت وياها تحلقون للولد وكان قصرتوا الشر من اوله الصراحة انا ما ادري عن مشاكلك من اول او اني قد مريت عليها وناسية تفاصيلها لاكن زوجتك متأثرة الظاهر بصحبة ورفقة سيئة ويعطونها من هالنصايح اللي تخرب البيوت وكمان المسلسلات اللي تشاهدها كملة الناقص وصارت زوجتك عايشة بحياة حالمة وتعلمت لتمرد والعناد وطولة اللسان من اللي تتلقاه من رفيقات السوء ومن هالمسلسلات اللي دمرت الكثير من البيوت المسلمة وانت حاول تمسك العصا من النصف
وفكر بهدوء بينك وبين نفسك بحل يخليها تحترمك وتسمع كلامك
ولو تركتها في بيت اهلها فترة ماتسأل عنها يمكن هي تعيد حساباتها وكمان اذا كانت امها ماتقدرعليها واخوها مايقدر عليها شوف عمها او خالها لو ابوها متوفي شوف واحد كبير وعاقل وحكيم واجلس معاه بوجود اخوها او امها اذا كان خالهاموجود واعطيهم السالفة وفهمهم انك انت تبغى زوجة تحترمك وتحترم كلمتك وتسمعك وتطيعك مو تعاندك الند بالند وقول لهم بعطيها مهلة تفكر فيها وتعيد حساباتها اذا ما تسنعت بنات الحلال واجد اللي يقدرون الزوج ويحترمونه وتحطه الوحده منهم فوق راسها وانا ماني بعاجز مثل ماجبتها بجيب غيرها لاكن علشان ما اظلمها معاي بعطيها فرصة وتعيد حساباتها ولو انكرت الكلام اللي هي تقوله لك قدام امها وقريبها بإمكانك توريهم رسايلها اللي ترسلها لك بالجوال علشان يصدقونك
واتوقع لوانت غيرت من تعاملك معاها وتطنشها وتخليها لو شفتها ناوية على الشر وتتركها وتطلع من البيت ولا ترجع الا وقت النوم وتطنشها تطنيشة تخليها تطفش من عمرها وترجع تعدل نفسها اما إنك انت تقول كلمة وهي تردها لك وانت بالمثل وفي النهاية تتضاربون لا هذا مو بحل ولا عاد صارت هاذي حياة زوجية
والله يعينك ويصبرك عليها ويصلحها ويهديها لك .

هجرنا ووديناها لا اهلها وطنشناها بالفراش وعلمنا امها وعلمنا اخوها بس لاحياة لمن تنادي بالعربي الاشياء الي تسويها هي تخاف من اخوانها الكبار يدرون وخاصة ابوها وابوها شايب كبير وصحة لك عليها بعد ولا ودي ادخله في هالامور

بالنسبة للشك انا مثل ماذكرت البنت البي البي والواتس تكسر الكيبورد وهي تكتب يابنات تشرح لهم وش يصير انا وياها ولا شي ثاني

البنت طالعة من البيت وحاطه في راسها انها ماهي راجعة وتقول اصلا ماعاد ابي اتزوج رح دور لك وحدة ثانيه واقول لها هذا الي طلع منك نسيتي كل الي سويته عشانك نسيتي يوم اخوانك كلهم يرمونك علي يوم انك تعبانه حتى مستشفى ماودوك ماحد وداك غيري وقعد معك في العناية الا انا وتقول ماعاد ابي زواج خلاص مادام امي حية مابي شي

قلت لها طيب

اول ساكت بس الحين ماني فاكها لين اعرف من الي يحرضها علي

رد : زوجتي تثير المشاكل (معدل )

اقتباس:

المشاركة الأصلية كتبت بواسطة متورط بمرتي (المشاركة 2890825)

السلام عليكم
و عليكم السلام و رحمه الله و بركاته
لا اعرف مواضيعك السابقه اخي و سنبحث معا ما كتبته هنا

البنت سلمكم الله خلال سنة الثورات العربيه شكلها كانت تخطط على ثورة وناويه تخربها معي
مجرد التفكير بان احدا ما ناوي على شر يعمل حافز للمشاكل، حسن الظن بالعائله ياتي بنتائج رائعه
وكان يجي تلميح وقط كلام ترى بيجي يوم بروح لا اهلي ولا عاد ارجع ترى انا عرفت ان السواق يقدر يوديني الجامعة من بيت اهلي طبعاً بيت اهلها برى الرياض قلت يعني مبيته النية شكلك:(

المهم البنت سلمكم الله برنامجها اليومي كالتالي:

جامعة

بيت

ملسل تركي العصر في الام بي سي

ملسل تركي في الاب توب

بي بي مسن في الجوال

اخي انت ربان السفينه هل ملات وقت فراغها بما تحب و يرضى الله؟ هل تذهب معها للتسوق او مشاوير للترفيه عن النفس؟؟؟

المهم في ذلك اليوم جيت من الدوام العصر دخلت الاخت ونامت ونمت جنبها مثلي مثل اي زوج مغلوب على امره :cool:

لماذا تتصور اخي انك مغلوب على امرك؟! انا اتصور انك تحبها و تريد ان تكون معها فقط.

نمت وصحيت على قبل العشاء وقعدت دبرت نفسي بعشاء وقعدت اتفرج واطقطق في جوالاتي

صحت الاخت في الله على الساعة 12 ونص ودخلت علي وجلست وراحت وجابت لها حليب

ومرت من عندي عشان تشوف وش اسوي مسويه اني بقفطك يعني :15:
سوء الظن ثانيه انها تحب ان ترى ما يفعل زوجها الحبيب لتشاركه فقط كما انك تفعل هذا احيانا.

قالت وش تسوي قلت ماسوي جالس وش تبين اسوي نايمه يعني ماتفرج ولا اسوي شي مثلاً !!!

اسفه اخي الكريم العباره الملونه بالاحمر استفزازيه للغايه. هي في فتره اختبارات. و ربما متاخره في الدراسه و تريد ان تفرغ شحنتها في احد ما. مثلا من الممكن ان تقول لها هذا البرنامج الفلاني جميل جدا هل تحبين ان نشاهده معا او انك تفضلين شيئا اخر؟

المهم قالت طويلة العمر وهي تطالع بجوالها ترى بكره بروح لا اهلي
لانك استفزيتها بعبارتك تلك تريد ان تستفزك لا اقصد انها تفعل الصواب و افسر ردود افعالكما فقط
قلت سمي طال عمرك ابشري

لم تعطها فرصتها للثار فهي تبحث عن موضوع اخر لتستفزك

قالت طيب ترى بحلق الولد قلت خليه لما ترجعين وقبل الزواج بحلقة انا

قالت معصي بحلقة يعني بحلقة :11:

قلت خير ....!
ليتك توقفت عند هذا لما اعطيتها فرصه لتفرغ شحنة الاختبارات فيك!!

ترى مرتين اخليك تحلقينه عند اهلك وبعدين شعره طالع حلو عليه

قالت تتوقع اني مواعده احد بالسوق يعني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قلت الموضوع عناد يعني ولا وش السالفه
ما دمت تعرف انها تريد العناد فلماذا تعطها الفرصه حتى لا تعتاد هذه الحاله.
قالت لا بس تراه شعر وقلت يوم انه شعر ورى ماتسمعين كلامي وانا زوجك

قالت محلقته محلقته
و للاسف هنا بدا العناد من الطرفين صدقني اخي الشيطان ذكي يجب ان يكون احدكما مترويا لا حول و لا قوه الا بالله

قلت طلاق ماتحلقينه
لا حول و لا قوه الا بالله اخي ليتك تتعوذ من الشيطان في هذه الحالات اما قرأت قول الله عز و جل
إِنَّ عِبَادِي لَيْسَ لَكَ عَلَيْهِمْ سُلْطَانٌ إِلا مَنِ اتَّبَعَكَ مِنَ الْغَاوِينَ

ماسكتت وراحت تلاسن
انت تطلب منها السكوت بينهما الشيطان استحوذ عليكما انتما الاثنان من الطبيعي لن تسكت و لن تسكت انت فها انت استمريت كما هي فعلت

اخذت الكوب طبعاً كوب كابتشينو رايح اشتري لي قهوه وجبته معي وارميها فيه طبعاً ماجا فيها مره من جنبها
حتي و ان مر جنبها فهي تعتبر اهانه، و ظاهرا هي من النوع الذي لا يستاثر السئ على الاسوأ

قامت الاخت في الله ومعها كوب قزاز وترميه فيني وتبي تكمل اخذت الاب توب تبي تطقني واقوم عليها وادبغها
استغفر الله العظيم من كل ذنب و اتوب اليه
انت تريد ان تسكت هي و تحتمل الاهانه و انت تهينها مره اخرى هل هذا ما تعلمناه من ديننا

طبعاً ضربي كله امسكها بشعها ادفها

ضرب مبرح مافيه

لكن هي حسبي الله عليها والله ينصرني عليها مشختني في يدي :mad:

المهم قعدنا اسبوع يمكن كل واحد مايكلم الثاني ومصرة على اني غلطت عليها

وارد عليها واقول لها لكل فعل ردة فعل وانا تعوذت من شرك وحذرتك بس انتي ماتسمعين الكلام
يا اخي الحياة الزوجيه ليست حربا انت بدات و يجب ان تعترف بالمنطمه الدوليه انك من بدأت، هذه حياة زوجيه تبنى على الحب و الاحترام و ليس الانتصار و الخسارة

المهم كنت بالدوام قالت بروح مع البنات للسوق قلت اوكي روحي والليلة نروح لا اهلك

راحت وجيت من الدوام ونمت وصحيت وكنت صراحه ناوي نسوي الي بالي بالكم

انت لم تحل المشكله و لم تقدم اعتذارا على ما بدر من الاخطاء حتى و ان كان رد فعل فهو بالتالي خطأ و مازالت الاخطاء عالقه في ذهنها، من الطبيعي عدم تقبلها لمساله الارتباط

المهم ترسل لي انا ماطلعت الا عارفة اني ماني راجعة وانت انسان مريض وانت الي فيك مايخطيك وانا ماتربيت قلت الي لسانها وصخ تتوقعين انها متربية ؟

قلت يابنت الناس لاتخليني اكبر الموضوع واعلم اهلك بلسانك الوصخ وتعاملك الوصخ وكلامك الي مايقوله الا بنات الشوارع يمكن حتى بنت الشوارع تستحي شوي

المهم الجدال مع هالانسانه عقيم ! شكرا لانك سميته باسمه انه جدالا و ليس حوارا

خليتها فترة وارسلت لها عن التسامح وخلي الامور تمشي ولا تعقدينها والا مصرة على اني مديت يدي ولازم تعترف بخطاك عشان مو كل يوم تمد يدك

قلت شوي يابنت الناس انا ماطقيت افرد عضلاتي عليك انا طقيت بسبب وانتي عارفة والمشكلة انك ماتبين تناقشين فيه

يعني اعتذر وانطم وبس

ليه ماتعترفي انك استفزيتيني

قالت عادي ترى الموضوع شعر قلت انا تعوذت منك ومن شرك لكن ماسمعتي وانتي المفروض تطيعين كلامي
هل الرجل ينتظر اطاعه من المراه عندما يعاملها بالضرب يا اخي الكريم انت فتحت بابا للعناد.

المهم قالت شوف انا بروح مع اهلي بالاجازة ولا ابي قروشه وابي استانس حول فلوس لولدك بس

قلت ماشاء الله يعني هذا اسلوب مايهمك الا الوناسة وان خواتك جو نسيتني

وانتي كل سفرة ناطة معي واجي اخذك ويوم يجون اهلك ماتعرفيني يعني حاطتني حق تمشيتك بس

حاولت ابين لها موقفي ولا هي راضية الا اعتذر وانا بصراحه مستحيل اعتذر عن خطاء انا مقتنع اني ما اخطيت انا انسان استفزني وتعوذت منه يتحمل مايجيه خلاص حذرته وقلت لها بس مافهمت
هل قرات سوره التحريم اخي الكريم هل رايت ان نساء النبي كن يستفزنه احيانا و لكن ماذا كان يفعل هل اخطا معهن؟؟؟

استمر بالتطنيش ولا كيف ؟
هل ترى ان التطنيش كما سميته يحل المشكله؟؟؟

اخي الكريم انا اسفه اني اثقلت عليك او ان المتك بكلامي، صدقني اخي لايوجد شئ احلى من الحوار الراقي.
و ارى ان تذهبا معا الى استشاري لتعلم بعض اساليب الحوار

رد : زوجتي تثير المشاكل (معدل )

اخي الكريم لاتستعجل في اي خطوه الشيطان حريص انا اتوقع يبي لك حزم شوي وشد عليها وعلمها ان للبيت نطام وان للزوج حق لاكن مسئله انك تراضيها بعد فتره فهذا الي خلاها تامن انك بترضى متى مابغت انا رايي انك هالحين تقفل جوالك
وتروح تسافر لك كم يوم تريح وتغير جووو وتبدا تفكر وترسم حياتك من جديد وتخطط كيف تدير حياتك ولاجيت ابدا من جديد وعدل في نظام حياتك عموما وفي زوجتك

اخوي الكريم الرجال قوامون على النساء وان صار اي شي غير هالكلام معناها فيه خلل

تحياتي لك

رد : زوجتي تثير المشاكل (معدل )

انصحك لا تسافر هذي الفتره عشان بكره لا تتهمك انك راعي خرابيط وبربسه وانك انت الي راميها عند اهلها وتفتعل مشاكل عشان تسافر مع اصحابك .. وبهذا العذر الكل بيصدقوها ويكذبوك ..

الحل برايي الان
تكلم بيتهم وتطلب من ابوها موعد عشان تقابلهم ..

تروح ووجهك جدي وتجلس الام والاب واحرص انه الاب يصير موجود لا تقول صحته ما صحته (البنت عارفه انه ما وراها رجال عشان كذا مستقويه عليك ) تقولهم انا صبرت على بنتكم وهذي فعايلها وتوريهم رسايلها وسبها وقول انا دفيتها او ضربتها لانها استفزتني المهم احكي كل المواقف بالتفصيل وقول بالاخير انه نفسك عافتها وما عاد تبغاها وشووفو ايش طلباتكم وكيف نرتب زيارات الطفل وبقية اجراءات الطلاق .. هما بيحاولو معاك يمين شمال خليك حازم ومعند على رايك وقول انا انتظر اتصالكم ..واطلع

طبعا الحقيقه انت مارح تطلق بس تهديد عشان تصحى وتفوق الزوجه وتعرف انه الموضوع جدي ..

انت اغطس بعدها فتره حبذا لو تقفل جوالك بالمره غيب لك حول الشهر وبعدين افتح جوالك واصبر وشوف رح تلاقي اهلها يكلموك ويقولولك نبغى نوجد حل وسط وابغض الحلال عند الله الطلاق طاوعهم بس تثيقل ووقتها ترجع الزوجه بشروطك وان شاء الله تتعدل الامور..

رد : زوجتي تثير المشاكل (معدل )

ابوها ماعندها اعرفه ردة فعله بيقول طلقها خلها تنطق ونفس الحكاية حتى اخوها الكبير راح يقول كذا

هم عندهم حل الي هو طلقها وخلها تنطق

بالعربي البنت تبي الطلاق وتبحث عن اي سبب

رد : زوجتي تثير المشاكل (معدل )

ماأدري مااقدر اقول لك شي اخاف اخرب عليك بس الظاهر ان قلبك جدا طيب وتعودت ان المبادره تبدأ منك دايم وصارت تمصخها لان تعرفك انت بتتعذر لها الحين لك فرصة التأديب والله يصلح مابينكم

رد : زوجتي تثير المشاكل (معدل )

ا
اخي الكريم
احسن الظن بزوجتك ام ابنك
هداها الله
وهداك
حسب ما اتذكر من مواضيعك القديمه
ان هذا طبعها بالتعامل معاك
وما تغير شي يعطيك مبرر لهذا الشك
ليش تظن فيها الظنون
ان بعض الظن اثم
ان كان بسبب كلمتها
فاعتقد انها قالتها بلحظه غباء
واعتذر كثيرا على هالكلمه
لانها كانت تبي تستفزك اكثر واكثر
لا غير
وان كان على الواتس اب والمسلسلات
فاعتقد ان لك دور كبير في هذا
كان لازم من البدايه تحط حد وقانون
لوقت استعمال التلفون وطريقه استعماله
وبالغالب اكثر المتزوجات يهربون من واقع اهمال الزوج لهم
للعيش في حلم وسراب هالمسلسلات
الي كانت سبب في خراب الكثير من البيوت العامرة
انصحك اخي الكريم
لا تفتح باب الشك لان اول من سيخسر هو انت للاسف
وابنك المسكين سيكون الضحيه
مهما كانت نتيجه هذا الشك
لا تترك للشيطان منفذ اليك

وان كان هذا توقعك من رد فعل ابوها واهلها
فاتركها بدون تواصل وخلها تحتار شنو انت ناوي عليه

حسب ما فهمت هي ببيت اهلها وجمعه اخواتها المتزوجات
مووووو
خلها هاي الفترة تشوف اخواتها شلون يتعاملون مع ازواجهم
ومن كل وحدة فيهم ترجع لبيتها مع عيالها وتبقى هي
لوحدها
يمكن يمكن ساعتها بتحس بالنعمه الي هي كانت عايشه فيها

وتحس بغلطتها
يمكن
ربي يهديها ان شاء الله
ربي يصلح حالك ويبدله لاحسن حال

رد : زوجتي تثير المشاكل (معدل )

بصراحه انا عارف مخططها لما تخلص من جمعة خواتها بتقول لا اخوها يالله ودني وتجي البيت ولا كأنها سوت شي اهم شي مثل ماقالت انها تستانس وحتى تقول ترى ماعلمت امي عشان مايضيق صدرها في الطلعة

هذا المخطط الي بتسويه لكن ماراح اخليها تسويه لاني سويت حظر على كل ارقامهم لو يدقون يطلع مقفل

رد : زوجتي تثير المشاكل (معدل )

هلا فيك متورط

كيف صلاة زوجتك الآن؟