|
رد : متزوج من ست اشهر والحمدلله سعيد ولكن؟؟
الكمال لله جل جلاله
|
رد : متزوج من ست اشهر والحمدلله سعيد ولكن؟؟
صدقني وعن تجربة شخصية وتجربة ناس كثيرين عايشتهم على مدى 32 سنة زواج أقول لك الشكل ينتهي تأثيره بعد بدايات الزواج .. ممكن لأنك حاط الموضوع ببالك تظل تتحسر وتظن بأنك لو أخذت بنت بيضا رشيقة بتنبسط أكثر لكن بقولك تجربة اللي أخذوا بنات بمواصفات شكل عجبتهم جدا وبعد بدايات الزواج صار الشكل شيء روتيني مثل ما تشتري فيلا جميلة جدا وتعيش فيها بتظل مبهور بجمالها كم شهر أو كم سنة وبعدا تصير تدخلها مثل ما تدخل اي بيت ثاني
ما أقول انه بعد كم شهر راح تنسى الموضوع .. لا .. لأنك حاطه ببالك ... لكن اقولك أنك لو أخذت زوجة ثانية فيها مواصفات الشكل اللي تبيها راح تألف هالمواصفات وتصير عادية ونفس الشعور بيكون للأولى والثانية وما راح يفرق معاك إلا الأخلاق والتعامل .. هذي هي الأمور اللي صعب تصير مألوفه لأن الشخص اللئيم راح يأثر على نفسيتك بكل موقف جديد يسويه معاك وكل ما تعودت عليه بيطلع لك بمشكلة جديدة تذكرك بأخلاقه وحسن الخلق نفس الشي .. كل ما ألفت خلقه بيرجع يفاجأك بموقف حلو جديد يخليك تحبه أكثر وأكثر . تعوذ من إبليس .. تراه هو اللي شافك عايش مرتاح وحب ينكد عليك عيشتك ويخرب بيتك . وموضع الرشاقة تقدر تعدله .. هالأيام في نوادي رياضه ومختصات تغذية تطلع لك جسمها ولا أجمل عارضات الأزياء ومثل ما تشوف بنات هالأيام البيضا فيهم تروح تسوي تان وتصبغ جسمها بلون برونزي . السمار هو المطلوب هالأيام :) أنت بس تعوذ من إبليس وخل الاستعاذة على لسانك طول النهار وبتشوف كيف شعورك راح يتغير |
رد : متزوج من ست اشهر والحمدلله سعيد ولكن؟؟
من جدك ؟
انت تقول انها خلوقة وتعاملها معك ممتاز وشايلتك انت وامك فوق راسها وش تبي أكثر من كذا؟ هي ماشاء الله ماقصرت معك .. بخصوص الرشاقة تقدر تصارحها بالموضوع وتشترك بنادي رياضي مع نظام غذائي وكلها فترة تشوفها احلى شي, اما اللون هذا من الله, دامها موب معجبتك المفروض من أول مرة تشوفها تقول ماناسبتني موب بعد الزواج ب 6 شهور!! صدقني وانا اخوك تراك بنعمة, بعد عشرة عمر ماراح يبقى من زوجتك الا تعاملها واخلاقها, واذا طلقتها علشان هالشيء "التافه" تراك ظالمها, وما اظن انك ترضاها على اختك |
رد : متزوج من ست اشهر والحمدلله سعيد ولكن؟؟
كن جميلا ترى الوجود جميلا
|
رد : متزوج من ست اشهر والحمدلله سعيد ولكن؟؟
الله يصلح حالك ويجمل زوجتك بعينك ولا ترى غيرها هذي نفسيتك اللي تقول عنها تراها من الشيطان ليحزنك لان شافك سعيد ويوسوس لك بأشياء مالها معنى والله مااحد ياخذ من الدنيا كل شي والزين مايكمل اذا اخلاقها كويسه ترى هي اللي تدوم والا الجمال والرشاقه بعد اول مولود او اثنين تختفي الرشاقه والبياض انا اخوي متزوج واحده جميله لكن عيبها اخلاقها امي صارت عليها مشكله هي وابوي واخذ امي عنده اسبوع الله لايوريك المعامله اللي لقيتها من هالانسانه خلاص معد نشوف هالجمال صرنا نشوفها ابشع انسانه على الكون والله ان الاخلاق اولا والجمال شي موضروروي اذا امك ساكنه معك احتسب الاجر من الله انك تنازلت عن رغبات دنيويه من اجل والدتك والله بيعوضك خير وبيجملها بعينك ومابتعرف الا مع العشره فايدة الاخلاق
|
رد : متزوج من ست اشهر والحمدلله سعيد ولكن؟؟
:* حاول مراجعة علاقتك بربك وتقويتها لأن هذه نعمة ولكن يبدو أنك ستخسرها والنعم لاتزول إلا بمسببات قوية أولها ضعف العلاقة مع الله :* |
رد : متزوج من ست اشهر والحمدلله سعيد ولكن؟؟
السلام عليكم اخوي الفاضل حبيت اقولك انك بنعمه عظيمه احمد ربك واشكره في هالوقت اللي يحصل بنت بالموصفات هذي والله العظيم محظوظ جدا الجمال يروح ومايبقى الا الاخلاق والسنع اسال مجرب وانا اخوك الله يوفقكم ويخليكم لبعض اخوك هلال العالم |
رد : متزوج من ست اشهر والحمدلله سعيد ولكن؟؟
سبحان الله قصتك ذكرتني بقصة عضو اسمه اعتقد سالم السالم
تزوج امراة جميلة وكانت امه تسكن معه ولكن تعامله مع امه سئ وفي الاخير اشترطت اما طلاقها او تخرج امه من البيت طبعا اختار طلاقها وانت سبحان الله لم تقدر نعمة انعمها الله عليك ولو كتبت ايجابياتها لوجدت ان لاتقارن بالسلبيات تقرب من الله ولاتقارنها بما تراه في الاسواق والفضائيات فعندك جوهرة اما ماتراه فهن متبرجات سافرات |
رد : متزوج من ست اشهر والحمدلله سعيد ولكن؟؟
اخوي ليه ماشفتها بشوفه الشرعيه ؟!
بداية المشكله منك انت مو منها هي وترا مو سهل انها تعتني بشخص كبير بسن وإذا كان قبل تفكر تراها بتحس بلي تفكر فيه الله يهديك ويسر امرك ويخليكم لبعض والله يجملها بعيونك |
رد : متزوج من ست اشهر والحمدلله سعيد ولكن؟؟
انا برد عليك بصراحه لان ماتحكي عليه حاصل معي تماما كانك نسخت حياتي وجيت قلتها والله اني احس بزوجي وهو يطالع في البيض ويقارن وبعدين يصد عني ويقعد فتره وينسى ويرجع بعد مااكون اندمرت حاسبني بخلقت الله الا المعامله لامه يقول مابلقى زيك ولا في طيبتك ونظافتك واخلاقك لاكن اللون فرق معه يبغى بيضاء مرررره وبعد عشره ما اقول ماتغير لاكن كل فتره والثانيه اذ شاف وحده بيضاء يتاثر واحس فيه واحس بالم في صدري من اللي قاعد يسويه فيني اقول ان كان ماتقبلتها للونها لاتسوي زي زوجي وتخليها وبعدين تدمرها وتجيب عيال وتحس انها ناقصه عن الحريم ليته فكني من اول وشفت نصيبي ولقيت واحد تقبلني بلوني وحبني وارتحت يا انك تشيل من راسك البياض يا تعتقها لانها تحس فيك ولو ماتكلمت والرشقه تجي بالتمارين والرجيم ودها نادي اسال الله يجعلك تشوفها اجمل النساء في عينك ويصب محبتها في قلبك صبا
|
| الساعة الآن 12:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©