|
رد : يهمني رايكم مصيبه ماادري كيف احلها
ان شاء الله نوصل معك لحل
طيب ألحين علميني بعد هالباب اللي لازم يكون مفتوح مافي باب ثاني داخلي تسكرينه على الغرف اللي داخل؟ وسؤال كمان ألحين الشغالات ماتقدرين تصرفينهم وقت نومتك...؟؟؟ وتقفلين الباب اللي بينك وبينهم وتشيلين المفتاح وزوجك معه نسخه يفتح ويقفل واذا صحيتي خلي الباب مفتوح كعادتكم؟؟؟؟؟ وانت لا تكبرين الموضوع اذا زوجك مايتفاهم ولا تحطين امك في الصوره تكبر السالفه ويزعل جيبيها من باب انك سويتي صيانه للبيت وقت غيابه وسفره وغيري كذا شغله ومن بينها الكوالين وقولي وش رايك فيني سويت هذا بنفسي وجلست اتعلم واتسلى وانت صدق اشتغلي واتعلمي |
رد : يهمني رايكم مصيبه ماادري كيف احلها
أنا مع الوضوح والصراحة تجنبك كثير من المشاكل
|
رد : يهمني رايكم مصيبه ماادري كيف احلها
انا كمان مع الوضوح
او غيري الكوالين بنفسك انا اغيرها عادي تراها مو صعبه مرة نسيت مفتاحي عند وحدة اعرفها ومع زوجي مفتاح يعني قدرنا ندخل البيت بس خفت فغيرت الكولون بكولون الحمام اكرمكم الله وريحت بالي واعطيت زوجي مفتاح وانا واحد وبس بلا وجع راس |
رد : يهمني رايكم مصيبه ماادري كيف احلها
اختى اول وابسط شي غيري باب غرفتك
ممكن تشوفي لك طريقة تخربيه او تكسريه وتطلبي من زوجك يغيره واختاري باب خشب صلب |
رد : يهمني رايكم مصيبه ماادري كيف احلها
الحل تغير باب غرفتك بباب محكم وابواب بيتك تكون محكمة وغيري الاقفال وتكون الاقفال معك انتي وزوج فقط
وواجهي زوجك الامان في البيت من اهم متطلبات السكينة والراحة ووحاولي شغالتك ماتحتك بالشغالات الاخرى |
رد : يهمني رايكم مصيبه ماادري كيف احلها
الباب وان شاء الله ينحل أمره
بقي هالسواق يا أخت وحدانيه أنا أعتبرها مصيبة ثانية لا تقل عن مصيبة الخدم اللي عاثوا في بيت زوجك فساداً إذا زوجك مسافر وبيطول أنصحك تشيلين نفسك وتروحين بيت أهلك أو تجيبين واحد من اخوانك عندك تقضين معه مشاويركم وراجعوا انفسكم العدد الزايد من الخدم يسبب كوارث |
رد : يهمني رايكم مصيبه ماادري كيف احلها
رايكم الحين احل الموضوع بحرصي واحتياطاتي فقط
ولا لازم يعرف بكل شي صار والله متردده ومحتاره انا خلاص بحل موضوع تقفيل الابواب بأي حال من الاحوال بس اخاف اني اخبي ويصير لاقدر الله امر بعدين امر ماعاد اقدر اتصرف فيه ممكن راي احد من الاخوان يعني ابي اعرف الرجال كيف يفكرون بالامور ذي هل لو صار كذا بييتك كيف تحله؟؟ |
رد : يهمني رايكم مصيبه ماادري كيف احلها
طيب لو درى زوجك بكل شيء
كيف راح يتصرف؟ عياله الكبار ما فيهم واحد ثقه؟ لازم رجال ينفضهم صعب صراحه السكوت ان كان فعلا يدخلون رجال بالبيت |
رد : يهمني رايكم مصيبه ماادري كيف احلها
عندك حلين اما بتخبري زوجك كل شي
او بس يروح زوجك الانتداب تروحي بيت اهلك تجلسي لين يرجع زوجك انت ليش خايفة سبب مشاكلنا الخوف ومن شو مو عارفين خليكي قوية وواجهي مشكلتك |
رد : يهمني رايكم مصيبه ماادري كيف احلها
انا اقولكم من ايش خايفه
خايفه من الشغالات زوجته شغالتها ممتازه جداا وتطبخ وتغسل وتصلح كل شي وهي مرتاحه واخر دلع يعني لو تدري انها تقابل السواق بتقول ماعلي منها اهم شي بتكون راحتها وزوجي بيروح يهاوش الشغاله وبس وانا الوحيده اللي عارفه وبتحقد علي الشغاله لو زوجي حرمها من السواق وانا اللي اروح بالرجلين وسالفه ولده والشغاله اللي حملت هي الحين في اندنوسيا ولا راح يجيها اي ضرر وولده بيهاوشه وبيزوجه والولد بيفهم اني انا اللي تكلمت وبيحقد علي وعلى اولادي والي مخوفني اني انا اللي اطلع مجرمه ونجسه وابي اخرب حياتهم ويقومون يكيدون لي ويدبرون لي مصايب هذا سبب خوفي من الكلام وسبب خوفي من السكوت انه لاقدر الله يلحقني ضرر منهم مثلا لو يدخل علي احد وقت مايكون مافيه احد او ولد زوجي يتعرض لي او اي حاجه شينه لاقدر الله انا الشيطان قام يصور لي حاجات مره تخوف وخلقه انا خوافه مره انا ارجح اني اسكت وامري لله |
| الساعة الآن 08:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©