|
رد : سؤال غريب ... هل عيب تقول لخطيبتك / زوجتك انتي كذابه ؟؟
اعتقد يانواف لمن يكون الشخص مطاااااارد فطبيعي راح يبعد قدر الامكان وان تواصل فما راح يكون التواصل المرضي
اعتقد انه لازم تبعد شويتين عنها عشان تعطيها بعض الراحه وترفع عندها من درجه الاشتياق اما ادا انت تدق عليها وماترد وتجبرها على الاتصال ولمن تتكلم معها تعنفها طبيعي ماراح تستجيب لك انت ان دقيت وماردت عطها العذر مرررة واتنين وتلاته وقول يمكن مشغوله عشان لاتشغل بالك وتشحن نفسك فخلها هي لمن تدق واعرف ان دقت راح تدق محتاجتك مشتاقتلك وبكذا انت ريحت نفسك قللت من استنزاف مشاعرك ومانصحك انك تقولها انك كدابه كلامي يانواف مجرد تحليل للواقع اللي تعيشه فقط لكن جرب وعطنا النتيجه |
رد : سؤال غريب ... هل عيب تقول لخطيبتك / زوجتك انتي كذابه ؟؟
اقتباس:
شكرا حنون بطبعي .. انا ماشي علي نصيحتك من كم يوم .... بس انا لما كنت اتصل كنت احاول اعطيها الراحة عشان تشكي لي لو في شئ زعلانة منه ... طيب بما انك في مكاني ... لو ما اتصلت ابدا هل اتصل عليها ؟؟؟ لان برأيي ماهي حلوة نجلس فترة طويلة ما نتكلم لان القلوب بتشيل علي بعض .. |
رد : سؤال غريب ... هل عيب تقول لخطيبتك / زوجتك انتي كذابه ؟؟
أخوي نصيحه.. لا تصير لزقه...
إذا هي ما ترد عليك على الرغم من اتصالك المستمر لها... وطبعا انت حضرتك زدت الطين بله بصراحتك الجافه و انك قلت لها "كذابه"... فاصبر إلى ان تتصل هي... ممكن ترسل لها مسج على الموبايل مب الواتسب... يكون عام... مب غرامي و لا اشواق... ممكن ترسل نكته او اي شي ثاني... و بعدها اقطع عنها خلاص... و انتظر علها تتصل... طلبت منك ترسل المسج كتعديل عن الصفه اللي وصفتها فيها... مع ان الإعتذار يكون افضل في حالتك كونها كانت صادقه في كلامها... |
رد : سؤال غريب ... هل عيب تقول لخطيبتك / زوجتك انتي كذابه ؟؟
اقتباس:
لكن ايش بسوي لو انا عندي واتس اب برسلها رساله صغيره عشان ماتحس انها اني زعلان منها واقلها: ( اني اشتقت لك كثير وابا اسمع صوتك وبس اعطيني مس كول او رساله وقت ماتفضي ) واشوف رده فعلها وانتظر اتصالها هدا كله عشان لمن تفضي نفسها تكون تهيات لاتصالك واشتاقت لك صح وتكون المكالمه لها طعم حلو انت الان قلي هل تفضل انك تكلمها كل يوم وتحصل على مكالمه نكديه وطفش وشتياق من طرف واحد ولا تفضل انها تكون مكالمه وحده كل فتره وفتره فيها اشتياق من الطرفين وتستمتع بكل دقيقه من مكالمتك حاول تقلل من كلام الحب شوي ادا كنت مكثر لانه كثرتها ممكن تقلل من قيمتها .... بالمعني عطشها ايضا حاول تكثر من النكت والفرفشه والهروج اللي تضحك ... البنات ينجذبو كثير للرجال الضحوكيين وقلي وش تحس من ناحيتها لمن ثقلت عليها شوي |
رد : سؤال غريب ... هل عيب تقول لخطيبتك / زوجتك انتي كذابه ؟؟
اخوي حنون ...
انا كنت اكلمها كل يومين تقريبا .... و كانت سواليفنا حلوة و ضحك .. لكن من 3 اسابيع او شهر بديت احس الوضع يتغير ... صارت تتاخر كثير بالرد ( طبعا عن طريق الواتس اب ) ... انا اعترف احيانا انها كانت تكلمني مجاملة ... اخر اسبوعين صارت ما ترد ابدا ابدا ... لاواتس اب ولا غيره .... كلمتها بصعوبة و قلت لها بكل احترام اذا في شئ علميني عشان اعرف و خليك صريحة معاي .. قالت مافي اي شي ... و اتصل في اي وقت ... بعدها ارسلت لي كلام حب .. اتصلت بعدها بيومين مقفل جوالها وارسلت لها رسالة حلوة وقلت لها اني اتصلت عليها ... الي الان لي 5 ايام ما ردت .. علي فكرة انا مخفف من كلام الحب بالتدريج من فترة ... ولما اثقل عليها تقول لي وينك لك فترة ما تبين ... |
رد : سؤال غريب ... هل عيب تقول لخطيبتك / زوجتك انتي كذابه ؟؟
ممكن تكون ماخدها في خاطرها منك !!!!
هل في يوم من الايام جرحتها وانت ماتدري ؟؟؟ اعتقد انك قلت لها انك كذابه بخصوص الواتس اب ؟؟؟؟ شوف هي معتقد تجي وتصارحك انك فعلت وسويت لانها تشوفها صعبه الان انها تواجهك وحتا لو صارحتها بتدعي انه مافي شي وانه الامور عاديه لكن انت بااااااادر اذا بالفعل جرحتها وقلت لها انك كدابه او جرحتها وانت ماتدري بادر بالاعتدار لمن تكلمك وافتح صفحه جديده معها وشوف طيب حلو لمن تغيب عنها هل تحس انها شتاقت لك ؟؟؟ ولا نبرتها عاديه |
رد : سؤال غريب ... هل عيب تقول لخطيبتك / زوجتك انتي كذابه ؟؟
اقتباس:
بالطريقة هذي ممكن يكون مليون سبب او سبب لزعلها لانك تعرف البنات حساسين .. ما ادري صراحة اذا كان فيه اي شي سويته يجرحها ... |
رد : سؤال غريب ... هل عيب تقول لخطيبتك / زوجتك انتي كذابه ؟؟
تصدق احس اني ضعت معك مبين ماعليك قصور بس اكيد انها مو مجبورة عليك او شي من دا القبيل بس انت.بشكل عام اعتذر منها ان كان صدر شي منك وانت ماتدري
|
رد : سؤال غريب ... هل عيب تقول لخطيبتك / زوجتك انتي كذابه ؟؟
هههه اخوي و الله لو اقول لك تضحك ... انا كانوا يسألوني هل انت مجبور علي بنتنا و قلت لا والله عاجبتني .... و بعدين كنا سمن علي عسل الي وقت قريب ... يعني انا جالس اشوف المسجات بيننا ولقيت اننا كنا حلوين حتي 19 سبتمبر تقريبا ... بعدها تغير الوضع ...
|
رد : سؤال غريب ... هل عيب تقول لخطيبتك / زوجتك انتي كذابه ؟؟
والله مدري وش اقلك لكن لعله الواحد يحتاج فترة يجلس فيها لوحده ويغيب شوي عن حبيبه عشان تجدد المشاعر من جديد وربي يوفقك ان شا الله ويسعدك
|
| الساعة الآن 03:49 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©