|
رد : انا متضايق كثيرا لان خطيبتي تريد الطلاق
قهرتني احسها انانيه فكرت بس في مشاعرها
وكأنه انا ماعندي مشاعر |
رد : انا متضايق كثيرا لان خطيبتي تريد الطلاق
يمكن انها تواجه ضغغغغغططط
انا فكرت بالطلاق بسبب ابووويه والله جنني وشوف موضووعي بالقسم حاول تتركهاا فتره وروح عندها واجلس معها وسولف عن حبك وشوقك وانسى المشاكل قولها نبداا صفحه جديده ترى انتم يالشباب ماتعرفووون حركااات الابااء والله ابويه قدام زوجي ملاااك بس معي لحالي اااه يااربي |
رد : انا متضايق كثيرا لان خطيبتي تريد الطلاق
الموضوع مؤ حكاية ان الطلاق لعبه ولا لا
ممكن السبب اللي تقوله تافه عندها كبير وما ينسكت عليه لا تنسى ان كل واحد منكم تربى على طريقه معينه اشياء تشوفها عادي عندها لا والعكس بصراحه كثير بنات عندهم تخوف من الاكمال مع كثرت القصص والمشاكل اللي نسمع عنها اي غلط من الخاطب يبدأ يكبر ويتشتت تفكيرها وتتردد اكثر وخصوصا اذا فيه تراكمات من اول حتى لو ما تكلمت وشويتين وسوسة شيطان وحتى يمكن حكت لاحد الخلاف وزاد كبرها ولا تسكتين ووو والنتيجة طلقني عن نفسي مجازفة اكمل مع واحد أسلوبه معي مؤ تمام ويجرحني كثير وما يحاسب على كلامه معي وفي خلافات كثير خلاص انهي الموضوع من اول حتى لو كان يسوى عيوني ولا اتمرمط بعدين من الاخرررر احناااا نخاف نكمل اذا لاحظنا اي اختلاف قوي او أغلاط جامدة منكم من كثر ما نسمع نحاول نتجنب نمر باللي مر فيه غيرنا وأظن من حقنا مع ان بعض الأسباب مالها داعي توصل لطلاق وكل وحده فهمها وطريقة تفكيرها اتمنى وصلت الفكرة اكثر من كذا مقدر أشرح مخي مقفل مع الصوم بين لها انك متمسك فيها خذ لك هديه حلوه وروح شوفها واعتذر وان شاء الله تنحل والله يسعدكم ويوفقكم |
رد : انا متضايق كثيرا لان خطيبتي تريد الطلاق
اقتباس:
ملازم ردودي في كل موضوع |
رد : انا متضايق كثيرا لان خطيبتي تريد الطلاق
اقتباس:
وكلامك جميل ولكن يا اختي الانسان شي طبيعي يعصب ويتضايق وانا اسلوبي مو على طول كذا انا يوم واحد فقط تغير اسلوبي ،، اذا البنات كذا مثل تفكيركم الكل راح يتطلق ،، لان مافي بيت ومافيه مشاكل وخلافات والصح الي يحلون مشاكلهم وعيوبهم مع بعض ،، |
رد : انا متضايق كثيرا لان خطيبتي تريد الطلاق
اللي ما تبيك بيعها بالرخيص لا تذل نفسك يا اخي
اللي جابها يجيب غيرها على الاقل ما بينكم اطفال و لا تكبدت خسائر الى الآن |
رد : انا متضايق كثيرا لان خطيبتي تريد الطلاق
اخوي ترا ماتقدر تجبر احد على حبك وكل مااصريت راح تزيد في جفاها وفي الاخير هي راح تقول للناس وصاحباتها والله تعلق فيني يحب تراب الارض اللي امشي عليها
وانت من هنا تبي استقرار وحياة سعيده ماتسوى عليك ياولد ديرتي طلقها وفرصة في هالشهر انك تطلب الله الزوجه الصالحه وان شاء الله ماراح يردك صدقني حتى لو ماتزوجت راح تشعر انك متزوج بنات الارض كلهم اللي مايبيك لاتبيه وانت رجل ومافيه رجل يبكي على بنت ويمشي وراها ارفسها وان شاء الله ماتدخل السنه الجديده الا انت متزوج بس عليك بالدعاء والصدقه طووط بروح اضرس باقي الفطور |
رد : انا متضايق كثيرا لان خطيبتي تريد الطلاق
اقتباس:
صح عليك وكمان أنا قلت بردي السابق كل وحده وتفكيرها في اللي تكبر عقلها وتحاول تتفهم لآخر حد وبعدها خلاص وفيه اللي لو تدقها قالت طلقني وانت أدرى بخطيبتك على العموم اذا تحبها حاول معها اخر محاوله رضت رضت ما رضت الشكوى لله وانت بعد استخير وشوف وش ترتاح له هذا اذا كانت اول مرا تطلب منك الطلب ذا :25: |
رد : انا متضايق كثيرا لان خطيبتي تريد الطلاق
راح اعطيها مجال لبعد العيد وبعدين يصير خير والله يعوضني باللي احسن منها
|
رد : انا متضايق كثيرا لان خطيبتي تريد الطلاق
باركولب طلقتها وصار لي فتره مطلقها
|
| الساعة الآن 09:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©