|
رد : معنى الحب
اقتباس:
طيب انت جبتي موضوع الطاقه يعني برايك ان فيه ناس تكون طاقتهم متناسقه وبكذا يحبون بعض خليني اقولك حاجه يمكن تفيدك الطاقه مصدرها النفس واللي مكانها تحت القفص الصدري المكان اللي لما نخاف ينكمش والطاقه اللي تطلع يقدر الانسان يتحكم فيها وهي ليست الا نتاج تفكيره يعني على سبيل المثال واحد عنده محاضره بيلقيها على ناس وكان خايف ويحس انه مو قدها ويجلس يفكر انا ماراح اعرف يمكن ينضحك علي وطول اليوم شغال تفكير بانه ماراح ينجح بكذا تتغير مجالات الطاقه عنده واول مايطلع راح يحسون فيها الناس ولاراح يؤدي بشكل جيد ويمكن يتلعثم وكل هذي حواجز هو بناها لنفسه و شخص اخر كان واثق من نفسه وكل مافكر في المحاضره اللي بيلقيها يفكر ايجابيا ويقول بنفسه انا راح انجح انا راح انجح اول مايروح للمحاضره راح تحبه الناس وبيثقون فيه لانه وثق في نفسه اللي ابغا اوصل له ان الطاقه نتاج تفكير الشخص وهي الاسلاك اللي تنشبك بين الارواح ويمكن تفضح كثير من اللي يخفيه الانسان عارفه لو فكرتي بشخص سلبيا وهو قدامك وكان حساس للشي هذا ممكن يحس باللي فكرت فيه الطاقه علم لحاله بس مااتوقع ان فيه اثنين راح يكونون على نفس الموجه بنفس الوقت وبكذا يحبون بعض بس لو تغيرت مجالات الطاقه لاحقا هل ينتهي الحب |
رد : معنى الحب
اقتباس:
هل هو الحب اللي قررتي تعيشين بدونه ؟؟ متى كان هالقرار وليه وايش كانت اسبابه متى مات فيك الحب وايش كان السبب احس من نبرتك انك عشتي تجربه قاسيه اتمنى تشاركيننا فيها وبكل دقه عشان نستفيد واخر كلامك قلت حب نصيبك والله المستعان هذا فتح مجالات كثيره ويمكن هو اللي خلاني ابحث عن الحب او معنى الحب يعني انت بماانك تحبين نصيبك فاانت مجبوره عليه يعني ماعندك خيار ثاني انا هذا اللي ماابغاه في حياتي مستعد اموت وماانحبيت ولايحبني احد مجبور علي او جبرته دنياه مثل ماتفظلت يعني بمجتمعنا الوحده ماتشوف رجال الا بيوم الملكه ولاتقدر تفتح فمها اذا مااعجبها واذا قالت شي قالوا نصيبك والله اعلم وش يكون هالادمي ونفس الشي للرجل يشوفها شوفه شرعيه كانها ملاك ويوافق وملكه وزواج شهرين تطلع الشخصيه وتطلع النفسيات طيب وش يسوي الحين وين يودي مشاعره هي برضوا ايش راح تسوي بمشاعرها متى يكونون اثنين على نفس النغمه هل الخطاء في طريقه التزويج هل الزواج مثل الاولين يعني المراأه مالها قيمه مع احترامي لكم طبعا بس انا اشوف انه اول وحتى الان فيه كثير يتزوج وحده ويتمتع فيها واذا عجزت اتزوج الثانيه والثالثه والرابعه ويرجع يطلق الاولى ويعبي الخانه وصايره المرأه مجرد خانه متى مابغى عباها ومتى مابغى فرغها فيه بعضهم مايطلق الاولى يقول هذا حبي القديم هل هو حب حقيقي والباقيات طيب كفار مالهم مشاعر صراحه بعض النساء لهم صبر احسدهم عليه وهل حب الاولى اذا كان حقيقي مامنع الرجل انه يتزوج عليها ماادري انا اشوفه ماهو حقيقي |
رد : معنى الحب
اقتباس:
والله مافي شي من هالكلام المسأله انجذاب فقط او نفور يعني انا اللي رفضتهم ربي يعاقبني وترد على نيتهم لا والله الحمد لله كل منا يلقى نصيبه الحمد لله هو طاير من السعاده وقال انه كان يراقبني قبل ما يكون الكلام رسمي وعجبته ولله الحمد الحب موجود من اول لحظه احس انك متأثر بمشاكل المنتدى شوف قلتها لاحد الاخوه من قبلك واقولها لك لا تنسى انك تسمع من طرف وااااااااااحد ومع وسوسات الشيطان والزعل يكبرلك الموضوع يعني لا تاخذ الكلام كتجربه فعليه معقوله اذا زوجي كان كريم في حبه لي اكافأه بالصد :( مستحييييييييييييل بالعكس اعطيه اكثر واكثر اذا اكرمت الكريم ملكته نزلت موضوع عن الصداقه بين الزوجين لكن اظنه يفيدك بعد الزواج ممكن تلقى فيه اجابه وراقب ممكن يرد احد الاعضاء برد يفيدك المهم لا تظن ان الحب معناته احلام ورديه لا اكيد في مشاكل واشياء واجده تعكر صفو هالحب لكن اهم شي تعلم فن الاحتواء وعند حده النقاش اترك المكان او اذهب للوضوء والصلاه لان من الصعب ان تتكلم بطريقه هادئه وانت غاضب يعني اتذكر آخر مشكله بيني وبين زوجي من فتره بسيطه والله كادت تؤدي للطلاق وعلى سبب تافه الله ينجينا يارب ويكتب لنا السعاده في الدارين نحن وسائر المسلمين |
رد : معنى الحب
موضوع حلو متابعه حتى تفك هذه الشفره وتحل اللغز موفق ان شاءالله |
رد : معنى الحب
اقتباس:
انت تقول ان الطاقة نتاج تفكير الانسان Ok طريقة تفكير الانسان ثابته تربى عليها ونضج وحتى لو تغير التغير بيكون بسيط فطاقتة ماتتاثر كثير بالتغير <<<هذا استنتاج من راسي لادرستة ولاقريتة يعنيدمثلاً شخص تفكيرة ايجابي فظهر عليه انه واثق وجريء وقادر على مواجهة الامور مارح ينقلب بيوم وليلة لشخص ثاني اذا الطاقة ثابتة على مجال واحد يعني الحب بيستمر بس عاد يقولك طارق الحبيب الحب يستمر لسنه ونص او مدة حول كذا |
رد : معنى الحب
اقتباس:
لا انا ماقاعد اتكلم عن احد او عن نفسي الحمدلله مستقر عاطفيا وماني ملزوم بااحد واتمنى مااحد ياخذ الموضوع كجزء من شخصيتي بس انا ابي اعرف المعادله اللي تخلي شخصين يحبون بعض يمكن فيه ناس ماجربت الحب وماتدري وش انا اقصد بس الحب شعور غامض صراحه ومااحد قادر يفك شفرته فيه ناس تقول انا حبيت من اول نظره اقوله تعال انت كيف تحب من اول نظره طيب اللي حبيته بكره تفل بوجهك او قلل احترامك هل يزول الحب وحده تقول لا انا حبيته من طريقة تعامله معاي طيب هل حبك متزن له بكره مد يده عليك هل يزول الحب او طيب جاك ملك جمال العالم وقالك انا راح احبك بس تنسين الشخص هذا هل ممكن تمسح حب الاول بحب الثاني مثل الاخت اللي كاتبه موضوع انها تحبه وتنتظره ماادري كم سنه واخر شي امه رفضت زواجهم وهو ماسوا شي عشان حبيبته هل حبهم من طرف واحد وجالس يسايرها مثلا هل لو حبها حقيقي راح تقدر تتركه ممكن حبيت كثير بس نسيت ليه نسيت هل حبي ماكان حقيقي او انه كان مجرد حب عابر او يمكن زي السياره اول مااشتريها احبها فتره وبعد كم شهر تصير روتين بحياتي كثير اسأله عندي ودي افهمها حاجه ثانيه انا زوجتي اللي طلقتها الله يرزقها بواحد يقدرها اكثر مني كنت احبها بجنون وصرحت لها بهالشي بدت تتغلى وتسوي حركات ماادري كانت تشوف مقدار حبها او تتغلى الله اعلم بس اخر شي جرحتها وجرحتها كثير وماهو حقاره مني او نذاله بس كنت غضبان على الحب اللي عطيتها وكأني كنت استرده منها بجرحها هل حبي كان حقيقي قريت موضوع مره تسأل وحده هل الحب قرار يقرره الانسان تتوقعون صحيح هالشي |
رد : معنى الحب
الحب هو احساس لا شعورى يتولد داخل الانسان وينشأ بين قلبين التقيا لا يعرف مكاناً ولا زماناً ولا ترتيبات مسبقة ..... الحب هو مشاعر دفء تنتقل بين جسدين وليس شرط ان يلتقيا .....قشعريرة تملاء البدن احساس بالامان والحنان والخوف فى نفس الوقت ... كلام كتير ولكن المشكلة ان هناك قلوب تفهم الحب خطئأ وممكن ينقلب الحب كرهاً وبغضاً اذا زاد عن الحد او قل الى اقل حد...........
|
رد : معنى الحب
اقتباس:
مو شرط طارق الحبيب على عيني وراسي وبرفسور ينرفع فيه الراس بس فيه حالات بقى الحب فيها لسنين طويله من هو عشان يقرر متى ينتهي الحب ليه طيب مو سنتين ولا سنه وثلاث ايام طيب انتهى الحب وبعدها وش انسوي نجامل بعض اذا كذا انا بضيع لااعرف اجامل ولااتملق احد وبالنسبه لتفكير الانسان فانا اشوف انه يتغير بالحاجه للموقف ولاننسى اشياء كثيره تأثر منها الخوف ومنها الشهوه ومنها الرغبه ومنها المصلحه و الحزن ومنها الفرح انا سمعت والله اعلم ان الشخص اذا كان حزين مره او فرحان مره تكون نفسيته مفتوحه وسهل انه يدخل به جني لان الجن روح وتشارك الانسان بجسده وعلى سبيل المثال انسان واثق من نفسه طول عمره فجاأه تعرض لموقف صعب وماقدر يحله يفقد ثقته بنفسه وبطريقة تفكيره يبدا يحاول يدور على طريقة تفكير ثانيه تتوقعين طاقته بتتغير ولا نفسها بتضل تعرض للخيانه مثلا فقد بعدها الثقه بكل النساء او بكل الرجال لو كان انثى طريقة تفكيره بتتغير المره الجايه لو اختلط مع احد وانا ماكتبت الموضوع الا عشان اعرف ارأكم عن الحب يعني اتمنى كل واحد يعطيني استنتاجاته من راسه 😊 وانشالله بنوصل لمعادلة الحب ❤❤❤❤❤ 🌹 |
رد : معنى الحب
اقتباس:
والحب احتوااااااااااااااااااااااااااء اخي الفاضل يعني حتى لو جرحك الطرف الاخر او جرحته تكون فتره معينه وبعدين ترد الامون احسن مما كانت المهم لا تفكر في الحب لانه شي بروحه ينولد في داخلك مالك يد فيه هو عباره عن مشاعر لكن والله شوف اذا تزوجت ان شاء الله حاول تحتويها وتصفح عن اخطاءها وزلاتها ومن اول ليله فهمها ان هالحياه كبييره وفيها الحلو والمر ولازم تصبر يكون شعاركم التسامح شوف قدوتنا الرسول الكريم ولا تعطي واجد الا بعد ما تشوف نتائج حلوه ومفرحه اهم شي انها تعجبك وترتاح لها (القبول يعني ) واللي كاتبه ربك يصير اهم شي توكل على الله وتذكر ان الله قال (انا عند ظن عبدي بي ..................) وملاحظه انا ما عمره همني شكل الرجل وسيم او غيره اهم شي المعامله واني اشعر بالراحه معه وحتى سيارتك والله لما تحبها تعز عليك وما تقدر تبيعها بسهوله الا اذا كنت من النوعيه الملول من الرتابه الله يعينك ويعين اللي تاخذها وان شاء الله تكون ذكيه ومتجدده لكي لا تمل آسفه عربي على عامي وبالتوفيق |
رد : معنى الحب
اقتباس:
تقول التقيا بالصدفه حلو كلامك بس كيف حبوا بعض بنفس الدرجه يعني يمكن واحد منهم احب شكل الثاني وهي احبت مركزه الاجتماعي بكره تكبر ويروح جمالها لاكن هو اترقى وصار في مكان اعلى من الاول هل خلاص يروح حبه لها وهي تضل تحبه تقول مشاعر تنتقل بين جسدين هل الجسد هو اللي يحب ولا الروح والا العقل وكيف مو شرط يلتقيا يعني حب عن بعد وايش فايدته يمكن لو التقوا ماتتناسق طاقتهم مع بعض يمكن مايكونون نفس الشكل اللي بناه كل واحد في مخيلته للثاني وقتها هل ينتهي الحب الخليط اللي ذكرته من المشاعر هل هو الحب وفيه ناس تقول مشاعرك مو مستقره كيف يعني ناقص واحد من اللي ذكرته مثلا واهم شي القلوب اللي تسيئ فهم الحب ايش ناقصها مثلا ايش فرقها عن باقي القلوب وليه اسأت فهم الحب هو شعور يفهمه كل واحد مر فيه وصراحه يختلف عن كل شعور جربه الانسان وهو صغير برضوا كيف ينقلب كره وكيف يقل ويكثر زياده عن الحد يعني فيه مقياس للحب اذا كذا فيني احب اكثر من وحده الاولى بحبها 70 في الميه والثانيه 20 بالميه والثالثه 10 ممكن اسوي كذا |
| الساعة الآن 11:08 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©