الحمدلله كل يوم استخير و كل مرة أحس بارتياح أكثر.. اللي مريحني أكثر دينه و أخلاقه .. مشهود له ببر والدينه و أهله .. و أهله ما في أطيب منهم ..
و يوم جيت حسبتها .. لقيت في تكافؤ بيننا إجتماعي و تكافؤ مستوى التفكير و تكافؤ مادي أكثر من الناس اللي تقدمولي الحين و قبل ..

أنا بعد .. كثير بنات بالعيلة كانوا متوقعينه لفلانة أو فلانة .. بس أتوقع إنه الخبر بيكون صدمة للكل
عشان جيه بطلب من الأهل أول شي إنهم يرفضون اللي تقدموا قبل .. بدون ذكر الثالث .. عشان لا تستوي مشاكل بينه و بين الخطيب الأول .. و لا يحسبون إنهم إنرفضوا بسببه ..
و يخبرون الثالث بالموافقة بس بدون أي إعلان لين ما يكوّن نفسه لأنه توه توظف .. و قبل الملكة بإسبوع نعلن الخطوبة ..

الحمدلله كل يوم أحمد ربي .. الله يتمملنا والجميع على خير
و نعم بالله .. الكمال لله وحده ..

ياشيخه استخيري
الرجال شكله بجد معجب
مافيها شي سنه مو كثير

الناس ماراح تنفعك

الولد مثل ماقلتي يحبك وشاريك
مافيها شي لو أنتي أكبر منه وعلى فكره هي سنه وحده بس يعني تفكيركم راح يكون قريب من بعض
أستخيري الله
ولا تخلي همك كلام الناس في النهايه راح تعيشي معاه في بيت واحد


الله يوفقك


/

هههه .. هو عنده بيبي فيس .. أنا أبين أصغر من عمري بس مو أصغر منه أبد خخخ
بس بديت أقتنع إنه مو كل شي بالمظاهر .. أهم شي إنه أختارني عن اقتناع و حب ..
رحت و تأكدت مرة ثانية من أختي اللي هي تصير زوجة أخوه الكبير إنه هو اللي اختارني و لا أهله اللي جبروه .. و أكدتلي عن طريق زوجها إنه هو اللي يباني من زمان بس كان مخطط يكوّن نفسه بالأول و لمدة سنة لأنه توه اشتغل و بعدها يخطبني ..
شكرًا أختي و الله لا يحرمني منكم دوم

صح كلامك .. اللهم صل و سلم و بارك عليه .. الحمدلله أختي الكبيرة عرضت لي تجارب ناس في العيلة بنفس الحالة و سعيدين و الحمدلله .. حتى في بعضهم ما كنت أعرف إنو الحرمة أكبر من الزوج ..
يا رب .. أنا خلاص ما عدت أفكر في الموضوع .. بس أفكر كيف أخلي أهلي و أهله ما ينشرون الخبر ..
لأني متأكدة إنه الوالد من الفرحة بينسى نفسه و بيعلن الخبر .. و أنا ما أبغى الموضوع يطول بعد الخطوبة ..
فعشان كذا بحاول إنهم يؤجلوا حفلة الخطوبة لحد قبل موعد الملكة بأسبوع إن شاء الله

يا رررب

شكرًا أختي زهرة الرمان

أنا الحمدلله استخرت و ارتحت .. و قلت لو تيسرت الأمور معناها ربي يبانا لبعض
أختي الكبيرة نصحتني بعدم الاستعجال في الموافقة .. قالت أهم شي يكون في ( قبول و رضا) امبينكم
يعني لو تكون في شوفة شرعية أو مكالمة في حدود الشرع
مب لأني مب عارفة شكله أو هو مب عارف شكلي .. إحنا عارفين بعض بس عشان ع قولتها (يؤدم بينكما)

ما أدري شو رايكم ؟

(على فكرة لسه ما رديت عالوالد .. منتظر ردي بس قلتله ما أبى استعجل عطني وقت أكثر)