|
ياقلبي امدحي زوجك امام اهلك وقولي الحمدلله مو مقصر علي اي شئ ابيه يجيبه لي
طبعا تقولي هالشئ فقط امام امك لعلها تبتعد قليلا عن هجومها على زوجك اما البقية فلا تتحدثي عن خصوصياتك امامهم حياتك الشخصية ملكك انت وطالما زوجك رجل جيد فلا داعي لافتعال المشاكل الفلوس تروح وتجي حاولي تكسبي اهلك وتكسبي زوجك ولا تنقلي كلام اهلك لزوجك ابدااااااااا حتى ماتندمي طول عمرك وبخصوص استئذان زوجك من والدك انه ياخذك لبيت اهله فهالشئ يدل على طيب معدن زوجك ولكن ايضا هو بالاول والاخير زوجك يعني كلمته اللي تمشي كان المفترض ياخذك ويبلغ اهلك بس انكم خارجين بدون مايحدد المكان عموما الزمي الاستغفار ياعزيزتي وان شاء الله هالمشاكل بتنحل لما تستقرو في منزل واحد وربي يجمع بينكم على خير |
حبيبتي (ليش كذا) اشكرك من قلبي يالغالية
احاول باذن الله اسوي اللي اشوفه يناسب حالتي |
اقتباس:
الله يسلمك بس ممكن تدققين بتوقيعي :25: |
وريقة توت .. جزاك الله خير
زوجي ناوي بناء البيت لكن ظروف عملة اللي تضغط عليه ومشكلة اهلي انهم يبونه يبني البيت بأسرع وقت ممكن يعني ضغط زيادة على زوجي طبعا كل امراة تتتمنى بيت مستقل تعيش وترتاح مع زوجها واطفالها ان شاء الله لكن ماحب اضغط عليه ودائما اقوله انا حاسة فيك وعارفة وان شاء الله مايصير الا اللي كتبه ربي انا بصبر والله يفرجها اوقات اخاف اخسر زوجي بسبب هالضغط احاول قد مااقدر اخذكل شي بسهوله وببساطة وان الله معنا واللي كاتبه لنا هو اللي بيصير ليش كذا... عذراا |
هبة الرحمان
هذي مشكلة امي واغلب الحريم المظاهر ولازم نسوي مثل فلانة وش ناقصنا مو احسن منا ...يعني مقــــــــــــــــــــارنــــــات تذبح الله يهديها .. مع ان امي طيوبة وحبوبة لابعد الحدود ولكن مشكلتها في هالنقطة اتمنى احد من عايلتنايمسك بيد ينصحني يوجهني شلون احافظ على زوجي شلون اعيش بسعادة يقولي هذا زوجك جنتك ونارك احد يدلني يوجهني لصح لكن.........الله يهدي الجميع جزااك الجنة خففتي عني الهم اللي في قلبي الله لايحرمكم الاجر |
نيوتيلااا ... لمسة حلا جزااكم الله الفردوس الاعلى
|
وعليكم السلام ورحمة الله وبركاته
ماشاء الله عليك هذي البنت الواعية اللي تعرف الصح ووين الغلط كلامك ماعليه غبار عزيزتي وتمشين زي مايبي زوجك دام ماأمرك في معصية الخالق أو مقصر معاك حاولي إنك تطنشي وتسدي أذونك عن كلام أهلك مهما قالوا قولي إيه طيب وحاضر بس بالأخير تسوي اللي يمليه عليك ضميرك واللي تشوفيه فعلا صح إنتي لما تكوني مجتمعة معهم مايمنع إنك تقولي مثلا زوجي حبيبي جابلي الحاجة الفلانية الله لايحرمني منه ويكون صدق جايبلك بس اذكري هالشي قدامهم يعني عشان يعرفون إنه مو مقصر يعني إمدحي فيه وقولي لهم في سياق الكلام كل واحد يمشي على قد فلووسه موفقة |
اخواتي اخواني ... كنت في حديث مع امي بخصوص ذهابي مع زوجي لبيت اهله في الاجازه الاسبوعية فقط يوم او يومين
امي مؤيدة لهذا تقول ... احسن من الشقق اخاف عليكم من الطريق والسيارات لكن قالت لي ابي معاارض هذا جدااااااا لدرجة انه يقول لو رحت مع زوجي لبيت اهلة ماعاد ادخل بيته يعني بيت اهلي ........ هالكلمة مأثرررررررره فيني كثيييير اوقات اقول لا مستحيل ابوي يقول كذا يمكن امي قالت عشان تأكد لي رفض ابووي يارب تفرجهااا |
روح المساء
تسلمي ... والله يوفقك في الدنيا والاخرة ويرزقك كل ماتتمنين ولايحرمك الاجر |
طالما انك قاعده ببيت اهلك رح يستمر الضغط عليكي
لانه هذا طبعهم وانتي قاعده امامهم 24 ساعه فاكيد رح يحكو في موضوعك كل ما شافوك لانه جلستك عندهم تذكرهم بعدم قدرته على تسكينك في بيت مستقل استعجلي بالدراسه وخذي اترام صيفيه واخلصي وروحي معاه حتى لو بشقه غرفه وصاله انصحك ما تقبلي تعيشي عند اهله (اذا انتي من النوع اللي ما يتحمل يشارك حياته مع الحموله) لانه واضح انه زوجك ظروفه صعبه وبناء بيت مستقل لكم رح ياخذ وقت طوييييييييييييييييييييييييل فلو جلستي ببيت اهله مارح تطلعي من هناك الا بعد سنين .. |
| الساعة الآن 12:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©