|
لقد رضيتي على نفسك أن تكوني الزوجة الثانية، ليس عيباً أو حراماً طالما أن الشخص الذي ارتبط بك قادر على المساواة بينكم.. لكن لو كان الزوج لا يقدر هذه الناحية، ساعتها تقع عليك مسئولية التغيير وربما يأخذ ذلك بعض الوقت.
ما يكنه الزوج نحو الزوجة الأولى من مشاعر شيء طبيعي ناتج عن العشرة والسنين، لكن تصرفاته معك بالشكل الذي ذكرتيه تصرف غير لايق يلام عليه (خاصة ما حصل في غرفة النوم مع الزوجة الأولى)، في معيتي بعض الحلول: 1- حاولي بقدر الامكان أن تتقاضي عن صغاير الأمور، ولا تدعي الشكوك تدمر حياتك. 2- محاولة ايقاظ الوازع الديني في نفسه، بالسياسة واللين واللطف، فمن يخاف الله لا خوف منه. وأبدائي بنفسك. 3- اكتشاف ما يحب وما يكره والعمل على ما يحب وما يكره دون معصية. 4- لا تتنازلي عن حق من حقوقك خاصة فيما يمس كرامتك وعزة نفسك ودافعي عنها بالحكمة لا بالغضب. 5- أمور النساء متروكه للنساء .. ويحلو النصح من لسانهم. |
انا اوافق الاخت يا قلبي لا تحزن صدقيني الصبر والتغاضي هما الحل الوحيد حتى تموت غيضا وتأكدي انها مو ماسكة عليه شي تخوفه او تهدده بمعنى اصح فيه كالاولاد او اهله او اي شي ثاااني لكن قللي من سفرك لاهلك حتى لا تعطيهااا فرصة]
|
السلام عليكم
اختي الغاليه ياقلب لاتحزن ( ايه والله يا قلب لاتحزن ) قسم بالله اني تنحت في ردك كثير وما تتخيلني وشلون هزني ... اولا انا اقدر حالتك وقهرك والالم الي حسيتي فيه وانا نفسي وربي ارفض اني اكون مصدر الم انسانه ثانيه لكن زوجي قالي قبل الزواج انو ما يحبها وانو محتفظ فيها عشان بس الاولاد ما اقولك اني 100% صدقته لكن حسيت ان في كلامه شي من الصحه لان زوجي تزوج عليها اكثر من مره يعني انا الزوجه الثالثه بس يا خذ وتجلس معه فتره ويطلق ولكل وحده سبب لطلاق مقنع الاوله الي اهي الثانيه يعني طلقها لانها راعية مشاكل والكل يعترف بهذا الشي والثانيه امريكيه وماقدر يدخلها للمللكه وحاول يخليها تصبر الين مل الصبر منها ورفضت تكمل معه وانا ياقلب لاتحزن الثالثه .. وصدقيني انا اتكالي على الله فوق كل شي سبحانه والصبر هدفي الاول والخير لكن اتمنى القى حلووول وفعلا انا مثلك بديت اشك ان زوجي ما هو حق بيتين وانه ماعند الا الدجه بس وش اسوي يعني اتطلق؟؟ والي بينه وبين حرمته اهو حب اهو غيره الله الي يعلم وفعلا انتي صااادقه زوجته مسيطره بشكل كبيره وفارضه كلامه فرض عليه وذالت بشكل كبير بلعيااال وصارحته بهذا الشي مره وقلت له انا ما طلعت من بيت ابوي عشان اصير في عصمة حرمه انا ابي اصير في عصمة رجال عصب وزعل ولكن رضى بسرعه ونشااااء الله اني اتطمن على نفسي واطمنك علي وتسلمين على حرصك وبس الف شكر لك ياقلبي وجعل ربي مايوريك الا كل زين ويكتب لك الصالح الطيب ويدبرني ويدبرك على الي فيه الخير |
السلام عليكم
اخوي المندهش نصااائحك في عين الاعتباااار واستفدت منها وانشااا الله تنتهي المشكله على خير .. وصدقني اني فعلن راح ابدا في تطبيقها من التودد الا النصح الديني ويارب يكون في العون شاكره لك كلامك الطيب |
السلام عليكم
غموض البحر .. انا مثلك اوفقك في كلام احتي ياقلب لاتحزن وشاكره لها ردها الجميل وفعلن انا بديت افكر اني اقلل من سفري وعندي ثقه ان الله راح يكون معي لكن فعلن اتمنى الحللول الجذريه للموضوع .. وخاصه ان زوجي من طلع امس اظهر الين هذي الساعه ما اتصل ولا مر علي وحاسه بوحده وغربه ما بعدها غربه |
كثيرة هي مثل هذه المشاكل داخل الأسر التي تتعدد فيها الزوجات ...
وفي العادة الغيرة تدفع بالزوجات بأفعال مرفوضة بالمرة .... المهم ..... إن الأمر برمته يتوقف على العاقله فيهن .... وهي التي تصبر على كل فعل مرفوض ... وتعالج الأشياء بالحكمة .... صحيح أن الحكمة في بعض الأحيان لا تنفع بالذات مع بعض الناس ؟؟؟ لكن هي بلا شك تعمل على إثارتك حتى تردين عليها بفعل مرفوض أيضاً .... وبذلك تكون قد نجحت .... لا تعطيها هذه الفرصة .... فقط .. يمكن حل كل مثل هذه الإشكلات بإدخال مجموعة من المعارف الذين تثقين فيهم وعلى صلة قوية بزوجك .... من راجحي العقل والذين يحلون المشاكل . ... حاولي ذلك وستجدين العون بإذن الله ..... أسمعيهم صوتك ودعيهم يجلسوا مع زوجك ومع زوجته الأولى والحل الذي يضعوه أرضخي به فلا يجتمع من أمة محمد نفر إلا على حق لك التحية والأمنيات بحياة تسودها السعادة والرفاهية ... |
السلام عليكم اخوي
عبد الله الطاهر الغيره غريزه في النسااااء لكن العاقله هي التي تدرك غيرتها وتجعلها غيره محموده لامذمومه اعترف ان لي بعض بعض الهفوات التي دلت على غيره مذمومه لكن وبحمد الله تخلصت من 70 % منها وذالك بفضل الله لا فضل لي في ذالك انا مشاكلي من تزوجت الين اليوم محد اطلع عليها ابد ولا امي ولا اختي ولاخالتي ولا اي انسان من عائلتي او عائلته جوابي الاول والاخير لكن من يسال عن الحال بخير ونعمه وياربي لك الحمد وهذي الدنيا ما تصفى لحد بس الواحد ماله الا الصبر .... طبعا هذا ردي لما اكون متضايقه لكن لوكنت مبسوطه الردود العاديه ... لكن هذي المره انا ودي ادخل امه لانها تحبني جدا وتقدرني كثير وزوجي طبعا يموت فيها لكن انا اخاف من عاقبة هذا الامر ان تكثر فيه البلبله والاتصلات والاستفسااارات وانا انساااانه اكره الحكي الواجد في المشاكل الخاصه فيني !!! بختصار لو اضمن ان الموضوع مراح يتسرب لخوانه واخواته وحريم خوانه وعماته وخالاته ... كان اقدمت على هذي الخطوه من البدايه ..لكن امه طيبه والي في قلبها على السانها كبيره في السن ما تعرف سياسة الاسرار كل شي برا عند عيالها واهلها ؟؟ والله المستعان |
والله انى متعاطفع معاك -- لكن انتى اقدمتى على ان تكونى زوجه ثانيه بكل ما تحمل هالكلمه من معنى --ممكن تعمل لك مشاكل -- ممكن هو يقارن بينكم-- ممكن حتى عياله يعملون لك مشاكل-- هذا قرارك واختيارك وعليك تحمل عاقبه الشىء اللذى اخترتيه -- زواج على ضره بالغالب تكون مشاكله من هالنوع -- وكل اللى اقدر اقوله لك تحملى هى فتره وبتحاول الضره بكل الطرق ان تفسد زواجكم وبمرور الوقت رايح تياس-- هى لها سلطه عليه صح بس مو بذات القوه والا ما كان يتجرا اصلا يتزوج عليه او كان طلقك نظرا لموقف زعلها -- صدقينى هو يعزك وبنفس الوقت هى لها مكانه عنده ولو مافى نقص من جانبها ما فكر يتزوج عليها
انت الحين اجتذبيه ناحيتك -- مو بالزعل -- خليه يحب المكوث معاك بالكلمه الحلوه وافعلى له كل ما يرضيه من كل النواحى طبخ وتنظيف البيت وغرفه النوم -- ودورى على الخلل اللى بزوجته الاولى اللذى لاجله تزوج مره ثانيه وسدى انت هذا النقص-- موفقه |
السلام عليكم
mona777 كلامك والله جميل واسلوبك رااائع لأني وجدت في درك التعاطف والوم وامل ودفع للاجمل وصبر ونصيحه شكرا لك اخوي ردك محل اهتمامي الكبير الف تحيه لك |
الله يعينك
يا اختي اصبري فالصبر مفتاح الفرج |
| الساعة الآن 12:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©