|
عبير -لا تردين عليه، وصدقيني إن كان فيه ذرة رجولة سيخجل من نفسه في المستقبل. - هناك أشخاص مهما كانت شخصياتهم نحن ملزمين بالتعايش معها. حاولي قدر المستطاع التعايش معه. قومي بحقوقك كاملة تجاهه، وفي نفس الوقت أخلقي لك جو خاص أنت وأبنك. أشغلي نفسك بالأعمال المنزلية أو التجارية أو التطوعية ، أكملي دراستك، سجلي بأندية الأهم لا تجعليه هو محور حياتك. ومتى ما أكرمك أكرميه وأكثر ، أما إن استمر باهانتك أشغلي نفسك بأمور مهمة. كذلك كلام الأخت "عيوني تحكيني" جميل جدا حاولي تطبيقه. يسر الله أمرك |
اقتباس:
|
خوذي اجازه شهر .. وقولي له انك تركتي الدوام وشوفي كيف تصرفه ...؟؟
هل بيعاملك نفس تعامله معك .. او بتتغير ...!! وبكل الحالتين الطلاق انسيه اذا انتي كبيره مثل مايقول فيه بنات اعمارهم 17 وكأنها كبيره ممله ماتهتم بنفسها وثقيلة دم وفيه حريم اعمارهم فوق 40 ونفسيتها واناقتها كأنها صغيره .. ا اهتمي بنفسك مو عشانه هو اهتمي بنفسك عشانك انتي .. ولاتسمحين له يعدم نفسيتك .. واذا قالك انا تزوجتك عشان وظيفتك .. قولي له وانا تزوجتك لأني ابي زوج عزوة ودامك تحطمني مااابي منك الا عيال يكونون لي عزوة وجزاك الله خير .. وعيشي حياتك طبيعيه جدا .. وبعدين انتي تقولين انه يقول ابي تنجبين لي اطفال .. هذا يعني انه يبيك تكونين ام لعياله .. والرجل اذا كره زوجته كره الاطفال منها .. طنشيه وخليه يقول اللي يقول .. وبعدين شي حلو تكونين متزوجة عشان اذا طفشتي تلقين واحد تطقطقين على راسه وتتهاوشين معه ويصير اكشن بحياتك مره زعل مره وضا وهكذا .. لكن اذا صرتي مطلقه اذا طفشتي تتهاوشين مع مين ؟؟؟ خخخخ موفقه |
الجىء لله يا اختى الكريمة واكثرى من الدعاء ان يألف الله عز وجل ما بين قلوبكم ولكن لا مانع من بعض التمنع عندما يقول لك هذا الكلام ويجب ان يشعر انك الزوجة المحبة التى تعفة اذا كان يتقى الله فيك اما غير هذا فكونى فى منتهى البرود معه ولا تلبى له اى طلب الا ما فرض الله عز وجل |
إنت أكثر وحدة بمصلحتك فين....
فكري زين وصلي وادعي والله يكون في عونك وتذكري قول الله تعالى: ( إن مع العسر يسرا) إنت شايفة اايسر مع العسر مو بعده ولا شئ معه طمنينا عنك دمتي بود عزيزتي |
لاتأخدي كلامه على محمل الجد إذا كان قالها في وقت يريد أن يستفزك ويسبب لك الازعاج
وما عليك منه تعاملي معه بما يرضي الله وربي ابنك وإن قدرالله لك ذرية مرة أخرى فاحمديه واشكريه لأن زوجك وإن تزوجك على قبل الوظيفة فإنه سبب في وجود أولادك يملؤون عليك حياتك ولا تجعليه محور حياتك وبما أنه يريد ذرية منك فهو يريدك |
يالله ياعبير انتِ مثلي تماما كأنك تتكلمين عني بالضبط نفس الكلام اللي كان يقوله لك كان يقوله لي بس الصراف واخذتك لوظيفتك ما قالها بس كان يلمح اني ادفع معه كثير وانا مخطوبة وماقدرت اتحمل كلامه وفسخت خطوبتي مباشرة لانه اكثر من مره يردد علي هالكلام
|
بصراحة ما له حق يقولك هذا الكلام الجارح
والاخوان كفو ووفو جزاهم الله خير ولكن لي ملاحظة وارجو ان لا تزعلي مني فصديقك من صدقك وليس من صدقك (اي من قال لك الحقيقة وليس من وافقك الراي فقط ) وانا راح اكون صادقة معك وانصحك بالي انصح فيه نفسي واخواتي لا ادري ما هو عمرك ولكني ارى الابناء هم العمود القوي للمراه ان اصلحهم الله لذالك ان كنتي فوق الثلاثين فاحملي سنه والسنه الاخرى ارتاحي على الاقل يجيك 3 ابناء انتبهي تاخذك حب الراحة على التفكير في المستقبل ابني مستقبلك وقوتك بابنائك ووفقك الله |
بعد انا ما انصحط بالانفصال مالك الا رب العالمين والدعاء
|
عبير إنتِ مازلتِ صغيرة مادخلتي الثلاثين خليه يتكلم لين يشبع بس لا يحس إنه نقطة ضعف عندك
صدقيني إنتِ تقدرين تحسسينه بهذا الشي ويستقوي عليك وتقدرين تهجدينه بطريقة تخليه يحسب لك حساب أهم شي بقوله لك حبي نفسك ولا ترهقيها الأولاد نعمة من ربي صحيح بس مو احنا في سباق ولو نفرض إنك وصلتي 35 الله أكبر يعني فيه حريم خصبات توصل 45 وهي تحمل وتنجب هذا بأمر الله الرجال اللي من هالنوعية يبي له وحده تعرف متى تتكلم ووش تقول بكل هدوء وحكمة اجلسي مع نفسك وفكري بهدوء وكلميه وفهميه عن كل شي داخلك وبأسلوب حلو وواثق وإن شاء الله يتغير الوضع |
| الساعة الآن 08:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©