اختي اسمحي لي ادخل بموضوعك وافرغ جزء من اللي فيني
وانا اقرا كلامك وربي حسيت بحرقه مو طبيعيه بقلبي لاني اعاني من نفس مشكلتك بالضبط
وعارفه ايش شعورك وشنو انتي حاسه فيه
ولي موضوع بنفس القسم يمكن انا ماطرحت فيه كل اللي بقلبي لكن تطرقت لجزء منه
وبموضوعك حسيت انك تتكلمين عني بالضبط
كل اللي ذكرتيه عن حياتك ودراستك وزواجك وكل شي

انا حاليا ضايعه بهالدوامه مثلك
واحاول على قدر استطاعتي اطلع نفسي منها وعشمي بالاخوان هنا كبير يساعدوني ويساعدونك بالخروج من هالازمه

اختي .. صحيح انا في وضع ما يسمح لي انصح لاني مثل حالتك ونفسي اضعف منك
لكن اخذيها كلمه من قلبي لقلبك
ارجعي لربك في كل وقت واكثري من الاستغفار في كل وقت حتى وانتي جالسه
ما تتصورين لأي درجه الاستغفار يريح قلبك
ومثل ما قالت الاخت فوق حاولي تشغلين نفسك بأي شي مفيد لك ولغيرك
لانك كلما رسمتي ابتسامه على وجه احد كان هالشي له اكبر اثر على نفسك
وحاولي ما تتذكرين الشي اللي صار وتركزين على مستقبلك عشان ما تتعب نفسيتك
وبالنسبه للخشوع .. انا اتمنى القى حل بعد بس ادري ان ذنوبي هي اللي تحجبني عن الخشوع :(
والله يريح قلبك ويثبتك على طاعته

ختاما .. اعذريني ع الاطاله والتدخل
بس وربي ان وضعك قريب من وضعي وحاااسه بالحرقه اللي فيك
الله يهديني وياك

والدي رجل الرجال واخي المتفاءل بالله
شكرا لكم .. كلماتكم لها اثر كبير على نفسي حتى وان كانت موجهه لاختي ولكنها لامست وضعي واستفدت منها

هلااا بك يا صياااحه ...
ماشالله الأعضـاء كلهـم ماقصـرورا
وخصـوصـا والدنـا الكريم رجل الرجال ..وفقه الله
خليك معانا ونفذي الخطوات وبأدن الله بتكونين
مبتسمــــه موووو صياااحه ههه ..
الله يسـهل أمرك ويثبتك على طـاعته ,,

ماشاء الله مبروك توبك اختى
والاخوان ماقصروا الله يجعل مايقدمون بميزان حسناتهم
اختى لو تتلتحقين بدار قران احسن منها صحبه ومنها حفظ كتاب الله عن تجربه في طريق حفظك لكتاب الله ربي يحفظك عن كل شر ماتقدري وانتى تحفظي تعصي وبقلبك شي من القران
وكمان ياخذ منك وقت بالذهب لدار القران وبالبيت للحفظ والمراجعه وبعض الانشطه والاعمال وللحفلات والمسابقات اللي تصير بالدارمع الاخوات تزيدك حماس وتملى كل وقتك وتلاقيه بميزان حسناتك وليس وقت ضاع هباء
وبعد شهر تكرمين على حفظ جزء وكم هي الفرحه وبعد سنه اكثر او اقل تكرمين بختم حفظك للقران
ليس ماكتبت خيالا اوحلما والله تستطيعين تحقيقه وانتى ماشاء الله متفوقه