|
ومن قال انو لمن يتزوج الزوج ما يتغير كلللل شي ..... وليه النبي صلى الله عليه وسلم وصى بطاااعة الزوج وطلب رضاااه ؟؟وليه من تموت وزوجها عنها راضي دخلت من اي ابواب الجنه شااااءت ؟ وليه للمرأه الصااابرة على طاعة الزوج لها اجر المجاهد في سبيل الله ؟؟ اليس كلل هذا الجزاااء العظيم من اجل عظم العمل .... فلا اقوى ولا اصعب على المرأه من زواج الزوج باخرى سبحان من اباح هذا الامر للرجل ولله في ذلك حكمه سبحانه ,,,عزيزتي ..ظلم اليالي ..دعيه يسافر واستودعيه الله لا تبحثي عن شيء مفقودـ ــ قصدي المشاعر ــ ولا تجري وراء سراب كل ما جريتي هرب منك اتركيه هو سيعود عندما تهدئي وتلتفتي لنفسك .. اذن كل ماعليك هو الصبر و الدعااااااء والقرب من الله هو انسك وفرحك واساليه يجعل الغيره برد وسلام على قلبك كما جعل النار برد وسلااام على سيدنا ابراهيم عليه السلام ..وادعي لزوجك بالهدايه والتوفيق ادعيله من قلبك ادعيله من حبك له قولي "يااارب احفظ ابو فلاان " وكل دعاااء فيه الخير من الدنيا والاخره تجدي قلبك قرب منه وارتااح وصار هااادئ ما يحمل الا الحب .. وفعلا الرجل اذا زنيتي وحنيتي مالك ولا شي غير الهم والنكد ارضي وراضيه وارضي ربك قبل كل شي وتشوفين الرضا باذن الله ..هونيها وتهوووون ..خليهم يسااافرون وين بيروحون يعني ..لك الجنه وهل بعد الجنه نعيييييييييم ..الله معااااك |
أختي الفاضلة
نصيحتي لك ومن خلال تجربتي .... لا تجعلي زوجك هو كل اهتمامك ... أجعلي طاعة الله ورضاه أهم عندك من كل شيء في حياتك ... ثم تأتي بعدها الاهتمامات الأخرى ... أخيتي من أنشغل بشيء غير طاعة الله عذبه الله به .. ومن أنشغل بطاعة الله أتته الدنيا مرغمة ... أنتي جعلتي زوجك شغلك الشاغل ... وكل تفكيرك فيه ... وين راح ووش سوى وليش ....عشان كذا تعبتي .. قولي معي يارب إنني قد رضيت بما رضيته اللهم فأرضني وأنزل السكينة علىّ وأنزع الغيرة من قلبي وهون عليّ هذا الأمر ... اللهم يامن رددت يوسف إلى يعقوب رد إليّ زوج رد عزيزاً مقتدر. اللهم يامن جعلت النار بردا وسلاما على سيدنا إبراهيم اجعل هذا الأمر بردا وسلاما عليّ . أخيتي الدنيا ماراح توقف لما يسافر زوجك وش يعني كلها يومين وإلا ثلاثة وهو موجود ... وكأن مافيه شيء صار ... بيروحون المؤتمر وبيرجعون وبعدين . خلي الأمر عادي والله راح يتفاجأ زوجك بالأمر ... أنتي ألبس وتشيكي وخليك ووواو ... وبعدين ودعيه بحرارة ولاتنسين تدعين له قولي الله يحفظ ويردك بالسلامه ولا يفجعني فيك ياأغلي مافي وجودي .. قولي الله يصبرني ع فرقاك لاتقعدين تدققين ع كل شيء ... هو راح يحس على دمه وبيقول لازم أعوضها .. هو من المفروض يعوضك بالسفر أو يعوضك عن الأيام اللي قضاها معاها يجلسها معك هذا شرعاً ... وبعدين لاتقولين تغيرت حياتي كلها ... بالله عليك ماتغيرت للأحسن في كثير من الجوانب .. إلا إذا كنتي منكده عليه في الطالعه والنازله ... ياأختي هذا إبتلاء من الله سبحانه وتعالى والحمد لله ع كل حال لازم نصبر مو نتسخط ... ووالله إن أكبر نعمة إنك بكامل عافيتك ومبسوطه في بيتك ومع زوجك .. لاتخلين الغيرة تعميك عن محاسن زوجك ... تزوج ماسوى شيء حراام .. سافر مع زوجته مافيها شيء مين محرمها عشان يسافر معها وهو مضطر ... لو سفرها سفرة للسياحة وتركك لك الحق تزعلين لكن هذي عمل اللي لك يعوضك بالأيام ... شوفي المشاكل اللي في المنتدى بالله لما تقرأين بعضها موتقولين الحمد لله أثاريني في نعمه ... أكسبي زوجك بالحب والحنان وحسن التبعل ... لا تقولين ليش هو تزوج عليّ وكمان أدلعه ... لا أنتبهي حتى لو تزوج هذا شيء مكتوب ومقدر لازم نسلم امرنا لله ونقول سمعنا وأطعنا .... أنتي جربي وأضغطي على أعصابك خلي زوجك لما يكون عندك يعيش ملك ... دلليه أهتمي فيه في لبسه في اكله في شربه في راااحته لما يجي من الداوم استقبليه أحسن استقبال ولما يجي ينام أنتبهي من الازعاج ولما يطلع ودعيه أحسن وداع ... والأهم تخلين نيتك في هذا كله إرضاء لله سبحانه وتعالى تذكري كم من الأحاديث اللي ثحث على طاعة الزوج وكم له من الفضل .. من خلالها قولي راح أسوي كل شيء يرضيه تقرباً لله سبحانه وتعالى وطلبا لرضاه جل وعلا .. أخيتي محدثتك تزوج زوجها بعد عشرة عشر سنوات والله أنا اللي جهزت له شنطة زواجه وودعته أحسن وداع ولما رجع أستقبلته هو وزوجته أحسن استقبال ... ووالله ماتغيرت في شيء من ناحية التعامل ولا كأنه تزوج نفس الحب والحنان ووالله إنه يجيني مشتاق وكأن له أسبوع ماشافني تدرين ليشششش لأني لجأت لرب العباد من البداية مالجأت للبشر لأنهم زادوني حزن وقهر .. دائما يقولي معقوله فيه في العالم هذا أنسانه مثلك .... أنتي بمثابة الأم والأخت والصديقه والزوجة الرائعة .. قلت وأنت أحسن وأعظم رجل في العالم الله لايخليني منك .. في بداية زواجه صحيح قدامه قمة السعادة وووو ولما يروح تعالي شوفي حالتي آآآآآه بس بموت من القهر لأني ما قصرت لأني ولأني ليش يتزوج .. وليششش وانا مافيه شيء ناقصني ..... في يوم صارت مشكلة وعتني بالفعل أنشغلت عن طاعة الله وأشغلت نفسي بزوجي فتعذبت كثيرررر مررره .... ولما أشغلت نفسي بطاعة الله ووالله العظيم صارت تتحققلي أشياء كنت احلم فيها بس مااتوقع إنها راح تتحقق لأن الظروف صعبه لكن سبحان الله والحمد لله الذي لايحمد على مكروه سواه ... تذكري إن الدنيا دار ممر فلنستغلها في طاعة الله ... أجعلي زوجك وسيلة لدخولك الجنة بحسن تعاملك معه ... لما تتذكرين حاجة تضايقك منه أقرئي آية الكرسي ع طول تعوذي بالله من الشيطان الرجيم وقولي الحمد لله أنا في نعمة مايعلم بها الله أنا ماراح أيع أحلى أيام عمري بالمشاكل بالعكس أستغليها اضحكي اسعدي نفسك ومن معك كوني مصدراً لسعادتهم وأمانهم ورآحتهم ووالله راح تجنين ثمارها عن قريب لكن أجعلي نيتك خالصة لوجه الله تعالى أعذريني طولت عليك لكن لأني عشت نفس وضعك فحبيت أنصحك .. |
اختي الفاضلة
دامه رايح معها محرم وهي رايحة مؤتمر اكيد السفرة مدفوعه من قبل جهة عملها لها وله مع الاقامة يمكن زوجك غير قادر على السفر ماديا فقدري ذلك اذا بغيتي تسافرين مثلها قولي له عازمتك على سفرة بالويك اند للمكان الفلاني ولا اظن انه بيمانع ! جربي وشوفي |
حاسة بمرارتك الله يعينك شوفيني انا الزوجة الثالثة وهو يسافر مع الثنتين وانا مطنشني بس وعود على الفاضي الله يعطينا الصبر زي ما قالت العضوة بنت ابي حاولي تسافرين وتعزمينه على حسابك يمكنه زي اللي عندي يبغاني ادفع تكاليف السفر من وين يا حسرة شائف البير وغطاه لو انتي عندك المادة متيسرة جربي وربي يحنن قلبة عليك |
ماعندي شي ازيده على حكي العضوات بس الله يهدي سركم ويوفقكم
|
الله ييسر لج كل خير يارب
|
والله مدري وش اقلك يااختي...انتي انسانه لك احاسيس ومشاعر ومااقدر اقلك لاتغارين ولاتنقهرين ...
الله يصبرك ويعينك... |
أشكركم جميعا على ردودكم ومواستكم لي
الله يجازيكم كل خير ولي عوده للرد على كل من تكرم وواساني في مشكلتي |
الله يذكرك بالخير يبوفـــهد تذكرته وانا اقرا الموضوع وكيف عدله ..
اقتباس:
الله ييسر امرك يارب وحاولي وقت سفره تشغلي نفسك .. |
| الساعة الآن 02:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©