|
شوفي يااختي لاتقولين ضعيفه تراها ماهي ضعيفه وهاالنوعيات يقدرون يضحكون على اذكى البشر انا سمعت وحده باذني في المستشفى تقول للبنت الي معاها انها استدرجت الدكتور الفلاني وضحكت عليه واخذت منه 12000 ريال ومن دون مايشوف حتى اصبع يدها.. وبعدها سحبت عليه المسكين<<<:22: يستاهل يعيش وياكل غيرها هذا عاد وهو دكتور:29:
ويااختي الي بيخون يخون باي طريقه ويامكثر الجوالات والارقام وتلفونات البيت والنت ومو شرط الي عندها بلاك معناه انها تنحرف والبلاك مثله مثل اي وسيلة اتصال ...يعني مو بسبب انه صار عندها بلاك بيري صارت تكلم شاب..يمكن اختك من الاول عندها ميول لهذا الشي من قبل البلاك بيري يعني مش مبتدئه مثل ماقلتي وربي اراد انك تكشفينها والله عالم مين بيكشفها غيرك ...والدليل انك انتي ايضا امتلكتي البلاك لكن ماانحرفتي ولافكرتي تخونين ربك واهلك صح ولاسويتي مثل سواتها لانك من الاساس منتي راعية لعب وطالما انها ماتخاف من ربها والجانب الديني مااثر فيها واعتقد انها مقصره في صلاتها .. اختك فرحانه لانها ماراح تتعدى دردشه..طيب هاالدردشه لاشافها زوجها وكشفها وقتها وش راح تقله هل تضمن انه يصدقها انه دردشه وتسليه.. انا اشك انه زوجها بعد يخونها مدري ليش عندي هالاحساس..بس انتي ذكريها انه الله يمهل ولايهمل وصدقيني بيجي يوم ويكشفها زوجها او اخوها ودايما الخاين مهما كان حريص سواء رجل او امرأه ينكشف حتى من دون مراقبه ينكشف بالصدفه سبحان الله..عمرك شفتي خاين او خاينه محد كشفهم والله انهم ينكشفون وبدليل بعد وحتى لو حطوا ارقام سريه مصيرهم معروف قوليلها اذا زوجها كشفها وقتها وش راح تقله والله اعلم وش ردة فعله يمكن يفضحها قدام الي يسوا والي مايسوا وياخذ اولادها وقتها تخسر كل شي في حياتها ومعاد يفيد الندم..بتخسر سمعتها وسسمعة اهلها وحتى سمعتك انتي اختهايمكن تخاف من هالكلام |
يا اختى خوفيها على اطفالها
اما ينتقم الله منها فيهم لا قدر الله او تطلق وتحرم منهم وقولى لها ان راحة البال نعمة من الله نشكره عليها بالقرب منه وطاعته وليس بما يغضبه سبحانه وذكريها ان عرض صورتها عارية وز يقع عليها بنظر كل واحد لهذه الصورة وربما ينتقم الله منها بتشويه هذا الجسد الذى تفتخر فيه وتعرض على الناس وان لله وان اليه راجعون وخوفيها ان لم تتوقف انك ستخبرى والدك واخوك الكبير وربما يصل بك الآمر الى اخبار زوجيها ولا تخافى من غضبيها منك لانها الى تابت عن هذا الطريق ان شاء الله ستأتى وتقبل يداك انكى انقذتيها من هذا المستنقع عفانا الله واياكم وهداها انه سميع قريب مجيب الدعاء |
جزاكم الله خير على كلامكم انا والله خوفتها أكثر شي من الله وكل ما اشوفها تكتب اقول لها لو اصابعك مشلوله ما كان عصيتي ربك .. ولو انك معاقه ما سويتي كذا وتقابل كلامي هذا كله بالضحك تحسبني استهبل اعصب منها كثير وحتى لما تجي تسولف ماعاد اقدر اسولف لها مثل أول أصد عنها لا جابت طاريه واجيب سوالف ثانيه وهي حاسه بس عادي عندها وكل شوي بالبلاك ارسل لها برودكاست تخويف وتذكير .. مدري وش اسوي يا عالم فيها تقهر تقهر وربي انا نفسي انسدت من كل شي خاصه بعد ما شفت صورتها للحين اتذكرها وجسمي يقشعر من الخوف من البارح ما نمت .. وصلت لقناعه ان اختي ما ينفع معها كلامي ولا تخويفي لها ..لازم اسوي شي اعلم احد غيري يهاوشها بس اخواني صعب ما اقدر اعلمهم كذا بضرها ما بنفعها مافيه حل عندي اسويه وماادري وش ممكن يصير لها الله يهديها ويصلحها ويساعدني فيها :( |
يا اختى معذرة هل صورتها لكل جسمها وعارية تماماً ام بملابس مكشوفة او ملابس داخلية |
اقتباس:
صورتها عاديه ملابس عاديه مو متكشفه مره فستان طالع الجزء العلوي شوي مااحس فيه فرق مادام تصورت وعرضت صورتها خلااص ضاع العقل وممكن تتصور صوره ثانيه وثالثه وبكره يهون عندها كل شي |
السلام عليكم
أين زوجها عنها ؟؟ أيقبل ان تبقى زوجته على البلاك بيري 24 ساعة ؟.؟؟ مفروض يتضايق الا اذا كان هو ايضاً يملك نفس الجهاز ويجلسون بالساعات متقابلين ورؤوسهم في الأسفل عدم اعتراض زوجها لان الرجل عادة يتضايق من هالامور وما يحب زوجته تهمل بالبيت وبحقوقه في سبيل تضييع وقت بالدردشة شوفي اختي الكريمة اختك تمشي بطريق الكل يقول بنضحك ونلعب وننسحب ولكن اكثرهم يسقطون في هاوية نصيحتي اذا ما سمعت كلامك بلغي احد امك او ابوك يحطون لها حد على جنونها ويصفعونها صفعه مؤلمة توقظها قبل فوات الأوان لو زوجها شك فيها مجرد شك واشترى جهاز جديد وحاول يتعرف عليها وتعرفت عليه ستنتهي حياتها وأبصم بالعشرة دخلي احد من أهلك ممن تخشاهم اختك واجعليه يوقفها عند حدها بالقوة |
الحمد الله الذي عافنا
أول شي العنوان عندي تحفظ عليه والمفروض الحمدالله الذي عافنا تكفي بالنسبه لأختك الله يهديها تظن هالشباب وراهم خير لها وإلا أصلا متعه السوالف مع الشاب مدري بصراحه وش المتعه فيه تسوالف مع الشباب كل واحد أحقر من الثاني وأخس وبعدين سوالفنا أغضبنا ربنا أختي قولي لها أنتي متزوجه عندك عيال والدنيا فانيه ذكريها بالاخره ومافيه أحسن من الأم تكون شريفه طاهره الإنسان صح يغلط لكن قدر الإمكان يحاول يصحح غلطه ولا يستمر فيه أختي ذكريها بأطفالها لو عندها بنات قولي لها تخيلي بنتك تصير مثلك أرسلي لها مقاطع لاتخلين أختك تضيع أو مثل ماقالو لك بالقوه وأمسكي عليها شي قولي لها تعقلين وإلا عند زوجك أو أخوك الله يصلحها ويهديها ويردها إلي الطاعه |
يا اختى الحمد لله انا فهمت شىء اكبر نسأل الله ان يستر عليها وعلى بنات المسلمين كم عمر اختك بارك الله فيك اعتقد والله اعلم انها تعانى من اهمال الزوج وربما تمر بمرحلة المراهقة الثانية وخصوصا اذا كانت اقتربت من سن انقطاع الحيض اى انها تريد ان تشعر انها مرغوبة وهناك من يسعى ويجرى ورائها ارجع واقول حاولى تنبهى زوجيها بطريقة غير مباشرة ولو عن طريق رسائل الجوال او الميل عن اهمية الاهتمام بالزوجة والتقرب منها حتى يشبعها عاطفياً ولا تتوقفى عن تذكريتها ولماذا لم تستخدم التهديد معها بأنها اذا لم تتوقف فأنك ستبغلى والدك واخوانك اختى جزاك الله خير على التوقيع والتذكرة بفضل قيام الليل اسأل الله ان ينعم علينا به |
أختي الكريمة من أكبر الأخطاء حينما لا نستطيع معالجة مشكلة أن نسكت ونجعلها تقف عندنا مع يقيننا التام بأن الوضع سيزداد سوءاً أختي في بداية نصحك لها قالت: مجرد دردشة ثم تطور الأمر بعد فترة وتمكن ذلك الذئب منها وأصبحت: مكالمات ونصحتها ولم يفد ذلك ثم تطور الأمر أكثر وأصبح هناك صور لجسدها دون الوجه ثم ماذا سيحدث برأيك بعد ذلك؟؟ سيرى وجهها في الصور ثم قد تكبر المصيبة للخروج معه وأنت السبب يا أختي وتشاركينها الجريمة فأعطي القوس باريها يا عزيزتي فأختك للأسف تمكن منها الشيطان بالإضافة لضعف الوازع الديني بالإضافة إلى أن ما تفعله هو الحمق بعينه 15 سنة زواج وتفعل ذلك؟؟؟؟ ماذا تركت لبنات العشرين؟؟؟؟ ولماذا تقبل على نفسها بهكذا صديقات يقودنها للنار والعياذ بالله فعلاً إنهن مثل نافخ الكير والصاحب ساحب وفي مثل هكذا أمور لا أؤيد السكوت خوفاً عليها من الأخ أو الأب لأن الفضيحة والعياذ بالله إن وقعت فستشمل الكل وانظري في حال من هو أعقل وأحكم إخوتك واخبريه بكل ما تعرفين ثم اجعليه يتصرف ... المهم أن لا تظهري أنتِ في الصورة.. وكأنه هو اكتشف من تلقاء نفسه أو استمع لمكالماتها ... وهكذا الأمر يحتاج لتدخل رجل في مثل حالة أختك... فلم يردعها لا دين ولا خوف من الله ولم يردعها زوج وأبناء... ولم تردعيها أنتِ ... وأنتِ شقيقتها فماذا يردعها إذن؟؟!!!! بعد أن تصبح سيرتها وسيرتكم على كل لسان .... بالإضافة لطلاقها وحرمانها من أبنائها !! قبل البارحة كنت أتحدث مع زوجي عن قصة مشابهة لقصتك أختك..إلا أن هناك تطورات أكثر.. اكتشف زوجها خيانتها فطلقها وفضحها وأخذ أبنائها وحرمهم منها بل وانتقل لمدينة أخرى تبعد أكثر من 400 كلم وبقي فترة يشك في أبنائه بأنهم ليسوا من صلبه وكان يجمعهم ويبكي وسطهم ويقول أنتم أبنائي ولا أبناء رجل آخر أما هي فقد انهارت تماماً لدرجة دخولها المستشفى نسأل الله السلامة وأعلم بأن ما اقترحته عليك قد يراه البعض قاسياً جداً ولكن مما رأيت في المجتمع وسمعت عن قصص غاب فيها دور الرجل فحدث مالا يحمد عقباه... ولو أن أحدهم تدخل من البداية لما تطور الأمر.. بفضيحة والعياذ بالله وكان الموضوع على الأقل بين جدران منزلهم ويحتوون المشكلة.. أسأل الله بأن يهديك لأحسن الحلول.. |
كلمي امك وهي بتحل الموضوع
اسف ع هالكلمه بس اختك محتاجه تربيه |
| الساعة الآن 08:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©