مبروك الله يعطيكم خيره ويكفيكم شره

الأخت الفاضلة الأوزون والأخ الفاضل تعبت الله يبارك فيكم ويجزاكم خير .

الأخ الكريم ولد حائل الحمدالله حنا قد شرينا السيارة وبالنسبة لعدد اسرتنا 7 أفراد
وفي نقطة إختيار نوع السيارة معليش ياخوي أخالفك فيها اليوكن والجمس لا تقارن بالاند كروزر أبدا هي صح مركب وفخامة وراحة
لاكن جودتها مو ذاك الزود وفوق هاذا لو نزلت طعوس تفشلك
وكمان ماتمسك سعرها بالسوق مثل اللاند كروزر وفوق هاذا خراباتها كثيرة وأي سيارة صناعتها أمريكية وتماتيك تعل قلبك

وحنا قد سبق وجربناها وأنكوينا بنارها السيارات الأمريكي
تصلح قطعة وتخرب الثانية لاكن السيارة اليابانية وبالذات ماركة تويوتا القطعة تصلحها وتنساها ولها شعبية واسعة في المجتمع وأحسن مافيها قطعها أصلية وتوفر الوقود وشيك في جيبك لو بغيت تبيع وكمان شكلها صار جذاب وداخليتها مريحة ولو إنها مو براحة ورفاهية الأمريكي لاكن الياباني أوفر وأجود وماتخيب ضنك في الأودية والجبال والصحاري علشان كذا أبعدنا عن الجمس واليوكن والفورد والكابرس وأخترنا التويوتا

عموما أخي الفاضل شاكرة لك إهتمامك وجزاك الله خير وبارك الله فيك .