خرعتني اول ما قريت تحسبك ههههههههههههه
واشكرلك ثنائك
كلامك صح هو يفتقد للخبره في الحياه الزوجيه والانثى بشكل خاص

قلت كلمه ماتدري شكثر ريحتني لما قلت انه يفكر بصوت عالي صح انتو رجال وتفهمون بعض راحت علي هالنقطه كنت لما اسمعه يحسب احس انه بخيل والبخل اكره صفه عندي بس ان شالله على قولتك هو يفكر بصوت عالي ويمكن عشان انا ما تعودت ابوي يحسب قدامنا صح انا المفروض اكون له ستر وغطا زي ما قلت ومن ناحية اني حساسه اي والله حساسه ما ابغى اضيق احد او اظغط على احد ولما اشك انو احد تضايق مني اجلس شهر افكر في الموضوع وما انام الين اتاكد ان هالشخص رضى عني تمام الرضى

الله يجزاك الجنه ويجعله في ميزان حسناتك

صدقت الدعاء والاستغفار مفتاح كل خير

وبالنسبه للكلافه مشيوله بس هي سالفة الحساسيه الزايده

والوظيفه اخذت الموضوع بجديه وقاعده ادور على وظيفه

بس ليش ابحث عن نقاط ضعف زوجي ايش القصد ياليت تفهمني ايش استفيد لما اعرفها قصدك ابحث عنها حتى اعمل على تقويتها لو كذا الاولى نقاط ضعفي انا ياليت تفهمني مافهمت هالنقطه

تحياتي لك

اختي الله يبارك لك في حياتك وزوجك.. بس بنبهك لشيئين بعد اذنك : 1-ذهبك لاتبيعينه أبداً مهما كان الا للشديد القوي الذهب هو خزينة المستقبل.. 2-زوجك مو بخيل لكن مو فاهمك وانتي حساسة بزيادة وماتوضحين له لأنه يوم شافك ضايق صدرك اقترح شهر العسل...والهدايا لاتعودينهم عليها لانه بعدين لو قطعتي بسبب قلة الحاجة مايتفهمون يحسبونك صرتي مو طيبة والاهم من هذا كله استمتعي بحياتك وانبسطي ليش كل شي عندك روتين بيمل زوجك وانتي بتملين فرفشي واضحكي واستانسي وخذي حقوقك من زوجك بمقابل انك تعطينه كل حقوقه واخيراً ربي يسعدك ويقدملك الخير..

ابله جوجو الذهب وقضى والحمد لله على كل حال
ومن ناحية الحساسيه مو عارفه كيف اخفف منها
والهدايا اخ بس انا انسانه احب اهدي وما احب اهدي اي شي بس على قولتك لازم ابطل لاني ما اضمن وشو بيصير مستقبلا
والاستمتاع بالحياه مشكله اني ما قاعده احس بطعم اي شي يعني متبلد الاحساس عندي لاافرح ولا احزن وكل شي عادي
ربك يعين واطلع من هالوضع

الذهب قضى لكن الله بيعوضك ذهب ثاني بس انتبهي تكررين نفس الغلطة ,,, الحساسية انتي بيدك تحلين موضوعها كل ماجيتي بتسوين شيء فيه حساسية بينك وبين نفسك قولي لا هذا تحسس الموضوع عادي وبيمشي واصري انك تمشينها .. الهدايا انتببببببببببهي لاني وقعت في نفس غلطك مع اهلي مو مع احد غريب كنت اشتغل واعطيهم بدون حساب الحين بدون عمل ولما صرت مااعطي صرت بخيلة ووو والله حتى معاملتهم تغيرت فكيف انتي انتبهي مو كل سفرة تجيبين لهم شيء ولابعدين زوجك لو جاء بيسفرك بيفكر في المصاريف منها الهدايا وبيتراجع ولو كنتي مضطرة جيبي مثلا صحن حلاوة مشهور في نفس البلد وبس يعني شيء جماعي ومو مكلف ولاتفكرين في حياتك قبل هذا شيء راح وخلاص انتي الان بوضع مختلف .. الاستمتاع هاتي اذنك وبقولك كلمتين :d تخيلي انه وصلك خبر ان زوجك بيتزوج عليك لانك امراة مايسعدها شي ولاتعرف تنبسط وش بتصير ردة فعلك علشان تثبتين له العكس ؟؟ واقرأي على نفسك المعوذات وفكري بجمال الحياة الزوجية وكيف تستمتعين فيها بعدين يجونك اطفال وتكبر المسؤلية بتتمنين لو رجعت الايم وراء وقتها يكون ماينفع الندم كل يوم تصحين من النوم قولي انا سعيدة وش اسوي علشان اكون سعيدة اكثر وهكذا لين تتعودين افتحي منتديات شوفي البنات كيف يسوون ليالي رومنسية وحركات حلوة بشهر العسل طبقيها حتى لو مو قادرة تستمعين مع الايام بتلقين متعة ادخلي دورات بالنت تمشين الوقت وتنبسطين طبقي طبخات من النت خلي عندك كم صديقة سعيدات ومرحات لاتضيعين عمرك بالنكد بعدين بتندمين اسفة طولت عليكي وربي يسعدك وييسر امرك.

هلابك اختي

فترة الخطوبه لم اشعر لا بفرح ولا حزن

بالنسبه لنجاح والحفلات كنت عادي وحفلات نادرا ما احضر الا اذا حفلة قريب من الدرجه الاولى

نعم طبعي قلة الكلام والتفاعل مع من حولي