|
يا أختي
إذا عندك إراده قويه فإن زوجك بإذن الله راح يتغير لكن أنتي ساعديه وأطلبي منه يعالج عند دكتور نفسي صدقيني راح يتغير بإذن الله 100% راح اقول لك زوج أختي لماتقدم لها طبعا كان عند أختي خبر إنه تعبان نفسيا لكن تعالج وبعد ماتزوجت كانت تقول لي زوجي متردد في قراره ما يحكي كثير قلت لها بيتغير لكن أنتي ساعديه والحمدلله الآن تغير بنسبه كبيره جدا حتى هي لاحظت عليه اول لما تتطلع معاه ما يحكي لكن الحين الحمدلله تغير مع العلاج لاتقولين بيتعود زوج أختي استمر على العالج النفسي شهرين بس والحمد لله تحسنت حالته والحين شخصيته لها كيانها وقادر يتخذ قرارته بفضل الله عزوجل ثم بفضل مساعدة أختي له أنتي أحتوي زوجك وعادي لو يعالج صدقيني راح يتغير والله يسدكم |
الانطباع العام شابه تزوجت من شاب لم ينضج اجتماعيا ولم يخرج من نادي الاطفال الى نادي الكبار ( وهي تعلم ذالك ) وانما تزوجت لاجل العطف عليه ولما دخلت معه في معمعه الحياه الزوجيه شعرت بثقل المسؤليه وصارت له ابا واما وزوجه واخا وتريد ان تهرب من المسؤليه ومن خصائص الاطفال ( التقلب في المشاعر – عدم التحمل – الاهتمامات التافهه – الافكار الصغيره – المرح الزائد – الضعف في المواقف الصعبه ) الخلاصه ( زوج طفل مع زوجه تريد رجل في قوته وسلوكه اختارته بمحض اردتها ثم تراجعت ) تحليل مشكلتك من خلال سطورك - تعيشين جو من الاحباط والتضايق تقولين ( متضايقه ) وتعيشين ايضا صراع اقدام واحجام هل تحافظين على زوجك وتحاولين احتوائه رغم حنانه وطيبه قلبه ام تتركينه وتبحثين عن شريك اخر تقولين ( احبه وما احبه وابيه وما ابيه وافكر بالخلع ) - تتهمينه بالنتاقض وهذا واضح لانه يعيش الطفوله التي حرم منها والطفل من خصائصه التناقض وانت دخلت وقلت ( اريد ان اعوضه عن طفولته البائسه) فلماذ لاتكملين طريق اخترتيه بمحض ارادتك - زوجك قريب خضوع يمكن تشكليه وعجنه على ما تريدين ويصلح للزوجه التي يكون عندها ( حب السيطره ) تقولين ( ينبسط لما امسح على راسه ويركب الدراجه ) اذن له سلوك الاطفال واشباعات الاطفال - زوجك طفولي في تصرفاته يهدد بالطلاق ثم يعتذر ويغضب ويجامع بيده ولايكمل الجماع وكلها مظاهر طفوليه - الازمه التي تعيشينها لها ثلاث روؤس ( عدم الاشباع الجنسي – عدم الاقبال الزوجي عليك – عدم الاحساس بقوة الرجوله في المواقف الصعبه ) ولذا لاتعتمدين عليه ولا تثقين فيه بل تعاملينه بالرحمه اكثر من الحب - ونحن نقول دائما ان الحياه الزوجيه تكمل باربعة امور ( الاحترام والمحبه والرحمه وقيام الرجل بدور الرجوله وقيام المرأه بدور الانوثه ) - زوجك يحترمك ويحبك ويرحمك ويعبر عن هذا الحب بالتمنع حين تقبلين حتي ( يتغلى ) على طريقه الصغار فاذ اعرضت خاف منك واقبل عليك فأنت حين تقبلين تشبهي امه فيتغلي عليك وحين تدبرين تشبهي اباه فيخاف منك اي سياسيه العصاء والجزره والمطرقه والسندان - وسؤله عن رغبتك في الجماع لانك ( المتحكم في حياته ) فانت كل شي وهو كالطفل الرضيع - صدقيني يا ابنتي انت امه وابيه وزوجته وكل شي في حياته ومثل هذا تفرح به المسترجلات المسيطرات التي يريدن ان يكون الزوج كا لخاتم في الاصبع وربما عقدن السحر لاجل السيطره على الرجل وهذا الزوج اتاك على طبق من ذهب فقط عليك ان تشكلي وترسمي له الطريق الحل - كل طريق اخترت المشي فيه فاكمله الى النهايه يجب ان تكملي مشوارك الذي اقدمت عليه من البدايه وربما ترزقين منه ذريه صالحه - يحتاج زوجك الى اعاده تأهيل من جديد وبرمجه من جديد - تعودي في بيت الزوجيه ان تكوني صاحبه ( القياده ) فالمقود في يدك انت - تعاملي معه بسياسيه شعره معاويه ان شد ارخي وان ارخ شد وهكذا حتى لاتنقطع شعره العلاقه الزوجيه - لابد ان تعرفي نقاط القوه والضعف في زوجك حتى تستطيعي التأثير عليه - خيار الطلاق غير مبرر فمشاكل الجماع قل ان تخلو منها بيت وعدم احساسك برجل يساعدك ويقف بجانبك امر تشترك فيه كثير من النساء حتى صار الشعار اليوم ( الاسد ليس في عرينه ) - لابد ان تقومي بدور الاب والام لزوجك قبل ان تكوني زوجه ودور الاب التوجيه بحزم ودور الام التوجيه بلطف وحب وفقك الله لكل خير |
حبيبتي كثير اشياء انتي قلتيها انا عانيت منها في بداية زواجي....
انا لي 4 سنين متزوجة...والحمدلله كل اللي كنت اتضايق منه راااااح والحمدلله وكل شي استقر انشالله ربي يرزقك الذرية وتنشغلي بأطفالك ووقتها بتلاحظين ان زوجك استعاد توازنه ويصير يسأل عنك كثير وانتي بعد بس بيكون في شي شاغلك وقت مايكون هو بعيد... انا اول ماتزوجت ماكنت احب انام عند اهلي احب طول الوقت اكون لاصقة في زوجي وتعبت كثييييير... بس الحين صرت انام عندهم في الويكاند عاااادي صح اشتاقله بس اعرف انه مشغول مع اصحابه الخميس وفي النهار عنده دوام ف راح اطفش وانا انتظره ف صرت اشغل نفسي مع اهلي....اللي تمرين فيه صدقيني بس عشان بداية حياتكم وبالنسبة لمواقفة في الاوقات العصيبة...بيصير اقوى ..زوجك كل ما اخذ منك احترام وتقدير بتقوى شخصيته حسسيه انك في بعض المواقف خايفة يزعل منك..عشان يحس ان له اثر وانك تتهابي منه...وفي المواقف العصيبة لا تصيري تواسيه بالعكس...حسسيه انك انتي منهارة وضعيفة وانه لولا وقفته جنبك مدري وش بيصير فيكي...عشان يعرف انه له دور انه هو يقويكي ويحميكي... الله يوفقك يااارب انتي زوجة عاااقلة وربي بيوفقك انشالله |
انتي في بداية حياتك يعني حاولي ولاتيأسي ..
بداية الحياة الزوجية في الغالب تكون بنفس الحال عدم تقبل او عدم تفاهم .. سيتغير الوضع بأذن الله .. وهذا لايعني ان تقفي دون البحث عن حلول .. حاولي التأقلم مع شخصية زوجك وافهميها وعامليه على اساس فهمك لها .. ستجدين مايسرك ان شاءالله . ادعي ربك ان يألف بينكما واطلبي منه سبحانه ماتتمنين ولاتجعلي للشيطان باب لهدم حياتك الزوجية.. اعانك الله واسعدك .. |
اقتباس:
لو تقدروا أنه يتابع مع استشاري نفسي أو اجتماعي يستفيد كثير باذن الله ويعجل بتحسن حالته ربي ييسر أمرك ويعينك ويشفي زوجك بأسرع وقت :) |
مو كل مشكله أفكر في الطلاق
أنتي الخسرانه وبعدين الطلاق مو حل أبدا للمشاكل ولاتفكرين تقولين هالكلمه وإلا تطلبينها الأخوات ماقصرو الله يفرج همك وييسر أمرك |
اصبري عليه واعتمدي عليه كثيرا حتى في حل المشاكل وبيني له اهتمامك به واجعليه رقم واحد في حياتك
حتى يستطيع ان يثق بقدراته ويقف في المواقف الصعبة واظهري له حاجتك الماسة وانك لاتستغني عن مشورته ومع الوقت سيتغير بالنسبة لطفولته كلنا يحن اليها بين وقت وآخر ونمارسها مع أولادنا |
الحالة النفسية بتاثر على كل شي بالحياة الكبت والحزن الو تاثير فظيع على تصرفات الانسان
انا بنصحك تحاولي تخلي زوجك يروح لطبيب نفسي مش عيب ولا حرام وانتي كمان تسالي دكتور نفسي كيف تتصرفي معاه وربنا يوفقك بحياتك |
تدرون إني بكيت عقب ماقريت كلامكم أحن عليه وأحبه ونفسي يتغير أشكركم من اعماق قلبي أنا كنت بحاجه إني أقرأ مثل هالكلام
فوالله اني صرت أب وأم وأخت وزوجه حتى تأثيث البيت أنا أنجزالناقص أول عيد لي معاه هذا العيد أعطيته هديه وماأعطاني حز بخاطري بس سكت لكن ليلة تسليم الهديه قال لي كلمه تسوى الدنيا ومافيها (((ياالله ما أحلى الزواج))) أنا أحتاجه وأحتاج وقفته معاي لأني أحتمي بظهره أوعدكم أني بستمر معاه في العلاج النفسي ادعووووووولي واذا تعرفون معالج نفسي أو مستشار أسري أتواصل معاه لاتحرموني |
الله يوفقكم وييسر أموركم
اقتباس:
الصبر حلو حبيبتي ومع الصبر يجي كل شي وبعدين واضح انه فاقد أشياء كثيره عوضيه عامليه مثل الطفل وراح تشوفين بره فيك زوجك عاش معانات لاتزيدين عليه أنتي وتكملين الناقص ومن كلامك واضح أنه من السهل كسبه إلي فاقد غير إلي عينه مليانه أحمدي الله علي زوجك ولاتفرطين فيه من أقل سبب أو تهديد شي طبيعي إنسان يحس بالضعف يثبت قوة من أقل شي عزيزي ثقه زوجك من نفسه وأعتمدي عليه ولاتخليه يرمي كل شي عليك أبدا راح تخسرين الله يوفقك ودوري في النت فيه مستشارين لكن لاتاخذين بكل كلمه في الموضوع أو من مستشار أنتي إلي عايشه الوضع واعرف بحياتك خذي إلي تحسين أنه مناسب وحل جيد |
| الساعة الآن 03:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©