|
خير الكلام ماقل ودل
توك يالغالي علي الغثى اجلس مع زوجتك وتفاهم معها بس باسلوب راقي وهدوء تام علي فكرة التعدد شي طيب بالنسبة لاكثر الرجال ولتعلم اذا انت متردد او انك لاتعلم ماسيحدث لك مستقبلا فالشيطان حريص جدا علي هذا بان يدفعك للزواج لكي يلخبط لك حياتك ينقص بعض الرجال فن إدارة الوقت في بيته ومع اهله فايضطجر ويزعل ويقول انا علاقتي جافة وربما ان سبب جفاف العلاقة الزوجية ترجع للزوج نفسة فلذلك لايحس بنفسة التعدد لازم تعدل في بيتك وفي وقتك حتي بالدقيقة ماتزود وحدة عن اخرى وفي النفقه والتربية والسفر والعطاء مهيب سهله بعض الناس يخوض واذا دخل للبحر غرق ثم اضطر الي تطليق احداهن لكي يسعف نفسة وهذا ظلم لذلك انصحك بالتريث واصلاح مشكلتك ترى كل البيوت فيها مشاكل بين ازواجهم من ناحية الاخذ والعطاء والجماع وكل مايحمل الحياة الزوجية من معني ولاكن لانظطر الي الزواج باخري لكي نهرب من مشكله فربما تجد مشكله اعظم في زواجك الثاني فتخسر ام عيالك اللي صبرت عليك وجبت منها العيال وهي صبرت عليك ارجع لها وصحح من وضعك معاها وجدد حياتك معاها ، انا ودي وغيري وده يتعدد بس وبعدين وبعد الزواج والخلفه ووضعنا المادي والنفسي الله انه ياشيخ ان تقشر بصل . هذا رايي لك ودي |
والله مشكلة !! أنا نفس الحاااااالة لكن بصبر وبصبر ( بس مب كثييييييييير) إذا ما تغيرت بأتزوج واللي فيها فيها .... !!!
|
اقتباس:
|
والله بدل مانت حاس بملل ومليت
الفلوس الي عندك الي ذكرت انها لابنائك حتى ماذكرت زوجتك فيها كاحق اولى لهم متع نفسك وعيالك وزوجتك وغير من روتين حياتك وبلاش خراب بيووت عشان شهوااتكم يالرجالل خافوا الله في حريمكم كان الزواج من اخرى لعبه وذا حدثت مشكله و توتر رموا بنت الناس كلامي لعمووم ولي تخصيص |
تغيير جو يعني !
|
أنا أستغرب
أن تقول قائمة بحقوقك ومنشغلة مع أبناءك وتريد أن تكافئها بزواجك من أخرى سبحان الله مسكينه زوجتك قد أفنت عمرها مع حقوقك وحقوق ابنائك فبئسما جزيتها .................. |
أخي الكريم
أسأل الله لك العون والتوفيق وللجميع قال شاعر سبقك في التجربة أبيات طريفة لا تمثل وجهة نظري ولكن لتقيس عليها تزوجت اثنتين لفرط جهلي بمايلقى حليلة الاثنتين وقالت أعيش بينهما خروفاً أُنعم بين أجمل نعجتين فدار بي الزمان وصرت حملاً يقلب بين أشرس ذئبتين أخي الكريم صناعة مثل هذا القرار تكون وفق الضوابط التالية: 1- ليس هروباً من واقع. 2- ليس قبل إصلاح الواقع ثم استكمال أسباب الإصلاح ولم يفد. 3- أن تجد في نفسك القدرة على قيادة زوجتين بدنياً ومادياً أي حسن الشخصية وحسن الظروف. 4- أن لا تصنع القرار من باب البحث عن حلول لما في منزلك فإن وجدت وإلا طلقت فالأخرى روح مسلمة لها ما لك وعليها ما عليك. 5- لو تزوجت وأنشغلت الأخرى بأطفالكم وليس أطفالها فقط فهل ستهرب لثالثة؟ النصيحة:المرأة المتزوجة تتعامل بالزوجية حتى تنجب ثم تؤخر الزوجية بعد الأمومة ولا تلتفت للزوجية إلا بعد إشباع الأمومة وتكون أم بعدد الأولاد ودور الرجل مساعدتها في ذلك والصبر ولا يطالبها بالزوجية قبل إشباع الأمومة ويذكرها بأن تلتفت لذلك وأن توازن بين مشاعرها كأم ومشاعرها كزوجة وتربي أطفالها على تقدير ساعات الزوجية ( ألعبو أ أبغى أروح أنوم أبوكم وأجي). |
هذا جزاها كثر الله خيرك
مين بغيتوا يربي الاطفال طيب جب لها شغاله عشان تشوف نفسها وتشوفك دام عندك فلوس تفتح بيتين بالفلوس ذي سفرها وانبسط انت واطفالك احجزوا فنادق شاليهات اطلعوا بالقوارب على البحر كل شهرين ثلاثه تزوجوا مره ثانيه اعد شهر العسل اطرد الملل من حياتك فاجئها بما يسرها بطريقه اخرى مو بطبينه تغثها وتكرهها فيك هذا جزاها سامحك الله وبعدين لاتجي تشتكي ماعجبتني الثانيه ولاتوقعتها كذا ثم تطلقها المسكينه وتطش العيال الزواج الثاني ماهو خذني جيتك وانتهت الحكايه منت قد المسؤليه لاتمتحن زوجتك وبنت الناس اللي بتاخذها لوماعجبتك اذا انشغلت بعيالها هي الاخرى وتطلقها وتيتم العيال اللي بيجون منها وتسبب لها و لهم حالات نفسيه الله وحده عالم فيها اتقوا الله في انفسكم اتقوا الله في بنات الناس اتقوا الله في الاطفال الابرياء سببه شهوه العواقب وخيمه اخي الكريم نصيحه بالعاميه وعلى بلاطه امسك قردك لايجيك اقرد منه وليت الماديه تساعد وبعدين تراهم عيالك يعني ماهم عيالها لوحدها وامدى ماغثها تجيب عيال الا انت واذا انشغلت المسكينه في حوستهم وتربيتهم وعناهم قلتوا جفاف العلاقه واهمال الزوجه والله يالزوجه ذي مدري وش تسوي في عمرها عشان ترضي حضرتكم طيب اقول كلمه وحده اتق الله في نفسك وانت بكيفك وعلى طاري العدل نتكلم بالواقع والله انكم ماتدرون عن العدل من وين معطي بس روقونا كلكم راعي وكلكم مسؤل عن رعيته ارجع واقول كثر الله خيرك ونعم الجزا لزوجتك كذا المكافاه ولابلاش نصيحه لكل الحريم علقوا قلوبكم بالله وحده وبمحبة الله وحده مابتلاقون من الرجال الا كذا جزاء لكم ولتعبكم فلاتتعشموا فيهم كثير عشان لاتنصدمون احترامي للجميع |
وانت ليه ما تنشغل باولادك مثلها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المرأة تتحمل كلللللللللل شي ............ الله يعوضنا خير بس |
الزواج سبب من أسباب الرزق .. فلا تتواني أو تردد .. ودعك من المخذلين أو الخوافين
فالنبي صلى الله عليه وسلم وجل صحابته والسلف الصالح كانوا معددين .. ان كنت ذا رأي فكن ذا عزيمة .. ان فساد الرأي أن تترددا |
| الساعة الآن 05:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©