|
اقتباس:
لا ماعمله حلال من التحايه هاذي ماني مقصره نهائيا..ولا ناقصني اي شي من مغريات اي انثى وكل مايتمناه الرجل.. لكن عندنا مثل بالحجاز..في البعض مايملي عينه الا التراااب والله العظيم اني اتعاكس وانا معاااه باي مكان رغم اني محتشمه ومنقبه ولو قلبنا الموضوع لمين له حق الخيانه انا المفروض ااخوونه مو هووو لاني هو الي مقصر معايا من الناحيه المعنويه .... لكني انسانه اخاف الله ياعالم ودي ابكي حتى دمعتي ماقدر انزلها انا راح اكتب موضوع بشكل مفصل عن حياتي قبل وبعد الزواج انا يتيمه الابوين ولي اخوه واخوات وزوجي قريبي.. وربيت نفسي بنفسي ماقول حياتي بيرفكت ومافيها اغلاط لا ليا هفوات وربي يتقبل توبه العبد لكني لمى تزوجت دخلت وانا قلبي نظيف وكل حبي وكياني له انا انسانه حسااسه رومنسيه والشهاده لله انه ماقصر علي بشي مادي ولا بحبه لي للان ومدلعني اخر دلع واعلم بان الحياه لا تخلو من مشكلات....شد ورخى بين الاثنينين ..... نعم من قال بانه يستلى هو حب يجرب التسليه ومتئكده ماراح يتمادى اكثر لكن سؤالي لمى الان..؟ انا عمري 31 سنه وشكلي اصغر بسني وكلي حيويه ونشيطه هل بعد ماوصل 40 ممكن التسليه تقلب بزوجه اخرى وماملي عينه سؤالي لمى الان هل الحب عنده شكلي..؟ والعشره وين اسئله كثيره برااسي من قريب اقترحت عليه نذهب لطبيب نفسي انا وهو ونطرح مشاكلنا يمكن نلاقي حلول مناسبه ونرتاح رفض اوديك بس لكي انتي مو ليا لاني بنظره انا مسترجله بالتصرفات .... اعذرروني لكثره كلامي لاني ولاول مره اظهر مشكله لي على السسطح فالظاهر اني راح انفجر واكب العفش كله |
اقتباس:
المواجه ماراح اواجه لا راح العب معاه بالبيضه والحجر زي ماقلوا لكن بدرس يفووقه يوعرف ان الله حق وان الدنيا ماهي ماشيه فوضى .. |
أعانك الله , لا تنسي الله من الدعاء فزوجك للأسف من النوع الأول , ومن خلال حديثك يبدوا أنه غير متفهم للحوار , ولا يخاف أن تقعي في ماوقع فيه همه شهواته فقط ولا يفكر بالعواقب .
أعانك الله , سأفكر معك في حل وحينما أجد حلا أراه مناسب سأكتبه لك ِ. |
جزاكم الله خيرا
من قراء ويفكر معايا واني جرحت احد بردي ودفاعي عن نفسي سامحوني . شخصيته هو حيوي نكوتي..ااصدقاءه كثيرين جدا وان كان لكم ببوصله الشخصيه هو جنوبي غربي وانا شماليه غربيه..للاسف القوة عندي والكنترول معايا في البيت كريم جدا ..حساس جدا.. الصلاه زي ماجري ورا ولدي اجري وراه الصلاه صلي ..افعل الخ الخ ... عيوبي بالنسبه له عصبيه صوتي عالي..مغروره شايفه نفسي انتي بس تخاصمي << صوتي على الاولاد نامو كلوا امور البيت غالبا انتقادي كلامي بحقوقنا اكبر عيب عنده..وماليه حق اتكلم .... بالمختصر زوجي اتكالي على ابوة بلا وظيفه وظيفته مع مكتب الوالد معقب تقريبا ونص الاسبوع فاضي (( والفضوة هاذي هي رااس البلا عندي )) وراتب لعنده وطلبات بيت لعنده انا طلباتي لوو راتبك الف ريال بس احس باستقلاليه محد يعرف ايش اكلنا وش سوينا بحياتنا الوالد اععطا كل شخص من اولاده بيت جديد زوجي لاء.. ولسبع سنوات يوعدني ويخلف السبب جبن منه انه يطالب بحقخ زيه زي اخوانه وهاذا خلافي معاه دوما ابوة الصلاه على النبي عنده خير وزوجي الوحيد الي بلا وظيفه الحق لله مايقصر معانا بشي بس لامر بخل شوي كلمت زوجي نعمل مشروع ونستقل بذاتنا وبلا منه احد مارضي لان مسيره بيوم من الايام الخير ذا بيجيه وانا انسانه ابغى استقلال بذاااتنا بجهدنا بتعبنا ربي رزقني بقرض وفتحت مشروعي ولله الحمد ومن الافتااح كانت اول خياانته ليا .. يمكن كلامي يوضح امور انا اجهلها |
اقتباس:
واذا عجز مد يده وعصب وصارخ علشان اسكت اسكت انا فقط اذا ماليه خلق للمشاكل لكن اذا اصريت نوصل للضرب للاسف يبداء يثور اصعابي يمد يده وانا كرامتي هنا تهان فابداء بالرد وان قدرت ضربته نهايه الخصام انتي بديتي وانا مدتى مديت يدي طريقته يمسك انفي ذا الي رافعته فوق اكسره لك خبطه بالوجه المهم طرق مستفزه جدا ردي له دائما ان كنت تحسب مرجلتك بمد اليد فانت للاسف لست برجل ... ودائما اذكره بمخافه الله واني صاينه بيته مافي شي يجبرني للاهانه سكوتي عنده اني ضعيفه وماقدر استغنى عن النعيم الي عنده واروح لبيت اهلي المتوسطين الحال سكوتي انا ..مجرد اني افتح مجال بخروج مشاكلنا للاخواني فاعرف انه نهايه المطاااف بيني وبينه لاني بالمختصر تعبت ومحتاجه رجل عااقل يحسسني بانوثتي وبشخصيتي كانثى يخاف الله فيها ان شاء الله فقير معدم مو انا اذكره بالصلاه باليوم الف مره واذا ماذكرته ععادي ممكن مايصلي .. مابغا اوقف اما يد الله تروح حسناتي واصبح امراءه ناشز وادخل النار بسببه لاني ارد وادافع عنفسي وبمعنى اصح لساني جارح |
زوجي للاسف طلع خاروف كبير..ومع التحيه
... كلمته تقريبا ساعه كاامله وانا الي اقل من ربع الدقيقه ويتقفل بوجهي وانا ماكملت حتى كلامي.. ... قلي اسمه صريح العباره والحي كمان..للاسف الشديد كذب بعمره صغر نفسه عشره سنوات وماجاب سيره انه متزوج سئلته عن الصفات الي يحبها بالمرأءه ذكر صفات ليا وصفات ثانيه لاء وانا قلت شي كنت اطلبه منه ياما وياما وهنا شك انه ممكن اكون انا اتصل على جوالي الثاني وانا مسويته سايلنت والمضحك مره سياره من الانواع الرياضيه ماطورها عالي سمعته عندي وعنده لانه كان بسيارته يكلمني ووالحمد الله ماركز ولا عرف اني من نفس المنطقه طلبت منه شحن جوال وقلي ابشري بكم...؟ الله يرحم سنسن لا طلبت منه جاب ليا عشرع عشرين واذا اكرمها جاب لي 50 .... طلبت اشوفه قلي دحين اجي وشوفيني من الشباك رومنسي ..وذوا سوابق يعني الفعل ذا سواه مرارا وتكرار كلمته بالوتر الحساس الي مايحب يذكره شهاداته تخصصصه ضيع الموضوع اعطيته موعد قلت له راح ارسل لك رساله وتقابلني فيها بمكان وبينت له اني بنت جامعيه وراح اروح لصديقتي والموعد هي الضربه القاضيه بيني وبينه وراح استعين باقتراح اخوي نهار جديد... واحاول محاوله اخيره ان صلح حاله كملت معاه مشوار حياتي وان ماصلح الطلاق علي اهون ان اعيش مع خائن لا يقدر حياته الزوجيه واودع الجنس الاخر بكل اريحيه واعيش لنفسي وابنائي للاسف احنا بزمن صعب كثرت فيه الخيانات اغلب المشاكل الرجال خائنين يامه محمد ..وينكم من الدين ليه سار الفساد بالشكل ذا ماني عارفه حسبي الله ونعم الوكيل .... امس سويت خطوتين كلمته..+ رحت السوق انا وابني وخادمتي بعد دوامي مساء واشتريت ملابس بيتوتيه بمحتلف الاشكال وباغلى الاسعار وياسبحان الله نزل في خسابي مبلغ كنت انتظره من زمن....مارحمك ياربي لم اصدق لان ك ان معايا فقط حدود 600 ريال والمولات غاليه والماركات اغلى لمى جيت احاسب كان نفسي اخذ واخذ ردت فعل عكسيه جااتني قلت خليني اجرب حظي طلبت من البنت اللكاشير قسم الانجري تجرب البطاقه حاسبت المبلغ 400 قلت من وين جات االفلوس الي اعرفه في 50 ريال ورحت شيكت الصراف بنفس المول ولقيت بحسابي حدود 5000 الاف واكثر وماخليت على نفسي شي ولا اول مره مافكر فيه افكر بنفسي فقط ... على فكره الوقت الي كلمته فيه قلي رايح السوبرماركت اجيب دخان وانا مجهزه نفسي باحلى لبس... لاكن ماراح يحصل شي لفتره طويله واعذروني لصراحتي لعل خطتي تجيب نتيجه مع اشخاص مثله خووونه ................. وعند عودته للبيت وجدت قطه سودااء عند الباب والله اني خفت واستغليت المبالغه بالخووف....حتى ايشك فيني باني انا من كنت احدثه لانه نظر ليا نظره شك ... وجا حامي بعد المطالمه وكرامتي ماسمحتلي اسلمه نفسي... تمنعت عنه وقلت له اذا اردت ححقك كامل نام يومي زي الازواج بسريرك لا تجيني وقت شهوتك فقط...لاني ماني مكينه لتفرغ رغباتك فقط ....................... خرج زعلان من الغرفه وبني وبينه الله...حتى لو نمت ملعونه هو السبب بعدها قرب وقت اذان الفجر ففضلت الخروج للصاله جلس جنبي وحاول مره اخرى وسبحان الله..مجرد حظني انهرت بالبكاء بشكل فظيع استغرب الامر وش فيك الخ الخ قلت له متضايقه...بدون ماحدد السبب واستغل انه يهدني وياخذ حقه فارفضت وانقلب الوضع لتلميحات بشكل غير مباشر ماقدرت امسك لساني الطويل طبعا وخفت اخرب ماخططت له.. المهم قلي صكي فمك الخ الخ وجااب حزام قلك بيضربي توقع اني بسكت او اجاريه لكني هديت قلت تبغا تضربني بالحزام وصلت لكذا تفضل اضرب عادي... على فكره الزعيق عنده وردت فعلا والعين الجاحظه حركه لتخويفي وتسكيتي وانا والله العظيم الاسلوب ذا مايجي معايا لو سكين رفعه علي ماخاف قلي اسير رجال وامسك يدي عششان ماضربك ههههههههه اضحك ول ابكي قلت تفضل سير رجال واضربي بالحزام قلي ماراح اضربك انا عارف انتي تبغين كذا عشان تروحين لهلك قلت ليه مسوي شي غلط خايف منه اروح لاهلي ولا على راسك بطحه..؟ هرب قام جاب سيره سلفتي الي نقلت من جوااري من ست سنوات انها هي من تقوم بتحريشي وتخرب بيتي رغم ماليه اي علاقه فيها نهائيا واستغربت الجمله الي وضعها قولي انتي قلتي كذا قلت له اترك الناس في حالهم حرمه مصلي عابده ربها ساتره نفسها وبيتها احسن منك ولا تحلحق الناس بالفظك او تتقول عليا شي بلساني ماقلته وعصبت وطلع صوتي وطبعا راح المجلس موقعه الاخر للتبطح فيه ......... وكالعاده جلس الله يلعنك مو عاجبك روحي بيت اهلك وهي اكره جملتين اسمعهاا منه اي حاجه لو بسيطه لعني موعاجبك روحي بيت اهلك وطبعا ثرت قلت روح صلي وارفع يدك لربي وقول الله يعلتها وادعي الي نفسك في عليا وانا ادعي ان ربي شاهد ويشل لسانك الي تدعي ععليا فيه ليل نهار وهرب من المواجه زي الي خايف اصدمه اني اعرف شي ...................... والله العظيم هاذا ماحصل بالملي ....... ارجوكم اعطوني ارائكم واقترحاتكم انا في اشد الحاجه لها الان فربما احدكم يصيب بحل بكل مانعاني منه وصلى الله وبارك على رسول الله محمد صلى الله عليه وسلم |
نسيت اقلكم انه راح يرسل صورته وسائط..؟
يعني حتى مو خايف على سمعته |
ارجوا من مشرفين القسم حذف موضووعي
|
بسم الله الرحمن الرحيم
السلام عليكم و رحمة الله و بركاته بداية أرجو من الله تعالى أن يفرج همك و يصلح ما بينك و بين زوجك و أن يهديكما و أن يقدر لكما كل خير تريدين درس لزوجك ما ينساه طول حياته و بعده يكون فراقا بينكم؟ أختى الكريمة ...... هل لك فيما هو أفضل من ذلك ....؟ ما رأيك حبيبتى فى الله فى درس تجعليه من خلاله يحبك بل و يعشقك من جديد؟ هل لديك الاستعداد لذلك؟ |
ربنا يفرج همك
متابعه من بعيد |
| الساعة الآن 05:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©